中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > ལོ་རྒྱུས། >
༄༅།། ཨ་རྫི་ཚང་གི་ལོ་རྒྱུས།
དུས་ཚོད།2019-05-10 15:38:09     རྩོམ་གྱི་ཡོང་ཁུངས།ཁམས་པའི་དྲ་བ། རྩོམ་པ་པོ། ལྟག་ཨོ་རྒྱན་ཆོས་འཕེལ།     ཆུང་། | འབྲིང་། | ཆེ།
   སྡེ་པ་ཨ་ཤེས་སྒྲོལ་མ་དེ།
               བྱ་ཁྱུང་ཁྱུང་གི་སྒོ་ང་ཡིན།
               སྒོང་ལུང་མེད་ལ།
               ལུང་བཙུག་མཁན་ཨེ་ཡོད་མི་ཤེས།
 
 
 
               ཨ་རྫིག་ཕུན་ཚོགས་དབང་པོ་དེ།
               དམར་ཡག་སྟག་གི་ཕྲུ་གུ་ཡིན།
               སྟག་དམར་ཡག་ལ།
               མགོ་སྤུ་བཟུང་མཁན་ཨེ་ཡོད་མི་ཤེས།
 
དུས་རབས་བཅུ་དགུ་པའི་ནང་དུ་ལི་ཐང་གི་ཡུལ་དུ་ཨ་རྫིག་ཅེས་པའི་དུད་ཀ་གྲགས་ཅན་ཞིག་ཡོད།དུད་ཚང་འདི་ལི་ཐང་གི་ལོ་རྒྱུས་ཐོག་མྱུར་དུ་སྙན་གྲགས་སུ་ཆས་པའི་རྒྱུ་མཚན་གཙོ་བོ་དེ།ཁྱིམ་ཚང་དེར་ཤིན་ཏུ་དཔའ་སྟོབས་འཛོམས་པའི་བུ་སྤུན་དགུ་ཡོད་པའི་ཕྱིར།དེ་དུས་ཀྱི་སྤྱི་ཚོགས་སྒང་དུ་ཨ་རྫིག་གི་བུ་ཞེ་ན།ཐམས་ཅད་འཇིགས་འགྲོ་བ་དེ་ཡིན།དཔའ་རྒྱ་ཚ་ཞལ་དཀར་ལས་མཆེད་པ་ལྟར་གྱི་བུ་སྤུན་དགུའི་ནང་དུ་སྤུན་ཆེ་བ་དེ་ལི་ཐང་ཚོ་གསུམ་འཇའ་བ་གྲོང་ལྟག་ཚང་དུ་མག་པ་སོང་བ་ལས།གཞན་བརྒྱད་པོས་རྐུ་ཇག་ཁྲམ་གསུམ་གྱི་ལས་ཤ་སྟག་ལ་བརྟེན་ནས་འཚོ་བ་རོལ་བས།མི་བསད་པ་ལ་ཤིག་བསད་པའི་འདུ་ཤེས་ཙམ་ལས་མེད་ཅིང་།མཐར་དགྲ་ཟླ་ཇེ་མང་དུ་སོང་ནས་སྤུན་རྣམས་རིམ་བཞིན་ལི་ཐང་ཨོ་ཐོག་དཔོན།གྱོང་པ་དཔོན།འཛོམས་པ་དཔོན།རྩེ་ཤག་སྡེ་པ་སོགས་ལ་མགོ་བཏགས་ཞུས་དགོས་ཐུག  སྤུན་འདི་དག་ལ་བཤད་པའི་ཁ་དང་འཛིང་པའི་དཔའ་ཡི་ཡོན་ཏན་འཛོམས་ཤིང་།དཔོན་རྣམས་ལའང་དཔའ་རྒོད་འདི་འདྲ་ཤིན་ཏུ་མཁོ་བས།དགོས་དང་དགོས་མཁན་གཉིས་ཏག་ཏག་འཕྲད་པ་ལྟར་གྱུར།གོང་གི་ཚིག་དེ་ཨ་རྫིག་ཕུན་ཚོགས་དབང་པོས་དཔོན་དུ་མ་འཛོམས་པའི་ཚོགས་འདུ་ཞིག་ཏུ་བཤད་པ་ཡིན།ད་བར་དུ་ལི་ཐང་གི་ཡུལ་དུ་རླུང་ལྟར་གྲགས།དེ་དུས་ཁོང་ཉིད་ལི་ཐང་སྡེ་པ་ཨ་ཤེས་སྒྲོལ་མ༼  མོ ༽ ཚང་གི་སྤྱི་དཔོན་ཡིན།དེ་བཞིན་དུ་ཁོང་གི་སྤུན་གཞན་པ་ཚོའང་ཡུལ་ཕྱོགས་ཁག་གི་དཔོན་རྣམས་ཀྱི་དམག་དཔོན་དང་།སྤྱི་དཔོན།གྱོད་བཤད་མཁན་དག་གི་འགན་བཞེས་ཡོད་ཅིང་།དཔོན་ཚང་དེ་དག་གི་སྒྲིག་འཛུགས་ཁྲོད་དུ་དབང་ཆ་ཡོད་མཁན་རྐྱང་རྐྱང་ཡིན།དེས་ན་དུས་རབས་བཅུ་དགུ་པའི་ལི་ཐང་མངའ་རིས་ཞིང་ཁམས་ནས་གཙོས་པའི་སྤྱི་ཚོགས་ཀྱི་གནས་སྟངས་ལ་བུ་སྤུན་འདི་དག་གིས་ཤུགས་རྐྱེན་ཐེབས་པ་དེ་སྨོས་མ་དགོས་པ་ཞིག་རེད།དགེའོ།།
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།