༄༅།།ཤར་རྒྱལ་མོ་ཚ་བ་རོང་ཞེས་པའི་མིང་གི་འབྱུང་ཁུངས - ལོ་རྒྱུས། - མདོ་ལྷོ་དྲ་བ།-甘南香巴拉在线
  中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > ལོ་རྒྱུས། >
༄༅།།ཤར་རྒྱལ་མོ་ཚ་བ་རོང་ཞེས་པའི་མིང་གི་འབྱུང་ཁུངས
དུས་ཚོད།2022-04-19 16:45:59     རྩོམ་གྱི་ཡོང་ཁུངས། ཁམས་པའི་རིག་གནས་དྲ་བ།    ཆུང་། | འབྲིང་། | ཆེ།
    ཤར་རྒྱལ་མོ་ཚ་བ་རོང་ཞེས་པའི་མིང་ཚིག་སྡུད་བྱས་ཏེ་རྒྱལ་རོང་ཞེས་འབོད་པའི་རོང་ཁུལ་དེ་ནི་བོད་གངས་ཅན་གྱི་རོང་ཆེན་བཞིའི་ཡ་གྱལ་ཞིག་སྟེ་<<བོད་ཀྱི་ལོ་རྒྱུས་ཀུན་དགའ་མེ་ལོང་།>>ལས།  ཤར་རྒྱལ་མོ་རོང་།  ལྷོ་ཚ་བ་རོང་ནུབ་ཀོང་པོ་རོང་།  བྱང་ཨ་སྟག་རོང་བཞི་ལ་བོད་གངས་ཅན་གྱི་རོང་ཆེན་བཞི་ཟེར།  ཞེས་གསུངས་སོ།།
     ས་ཆ་དེར་ཤར་རྒྱལ་མོ་ཚ་བ་རོང་ཞེས་པའི་མིང་ཐོགས་དོན་ནི།  བོད་ཀྱི་ཤར་ཕྱོགས་ཡིན་པས་ཤར།  ལྷ་ཆེན་རྒྱལ་མོ་དམུ་རྡོའི་རི་རྒྱུད་ཡོད་པས་རྒྱལ་མོ།  བོད་ཁུལ་གྱི་ཚ་བ་ཅུང་ཆེ་བའི་ས་ཆ་ཡིན་པས་ཚ་བ།  གྲོ་ནས་སྲན་གསུམ་སོགས་འབྲུ་རིགས་སྣ་ལྔ་ཐོན་པའི་ས་ཆ་ཡིན་པས་རོང་ཞེས་གྲགས་པ་ཡིན་ཏེ་<<ལྷ་ཆེན་རྒྱལ་མོ་དམུ་རྡོའི་མཆོད་བསྟོད་>>ལས།  ཁྱད་པར་ངོ་མཚར་རྨད་བྱུང་བའི།།  ཡུལ་ནི་རྒྱལ་མོ་རོང་གི་དབུས།།  དམུ་རྡོ་རི་བོ་མཆོག་རབ་ལ།།  རི་བོ་དྲུག་ཅུ་རྩ་གཉིས་བསྐོར།།  ཆུ་བཞིར་འདུས་པའི་དབུས་སུ་འགྱིང་།།  སྒྲུབ་གནས་བརྒྱ་དང་རྩ་བརྒྱད་ཡོད།།  ཅེས་དང་།  མཆོད་བསྟོད་དེའི་བར་མཆན་ལས།  རྒྱལ་མོ་རོང་ཞེས་པའི་མིང་གི་འབྱུང་ཁུངས་ནི།  ཡུལ་དེར་ལྷ་མོ་གྲུབ་པའི་རྒྱལ་མོའི་གནས་རི་སྟེ་གཞི་བདག་དམུ་རྡོ་ཞེས་པའི་གནས་ཡུལ་ཡིན་པས་དེ་ལྟར་ཐོགས་ཞེས་འཁོད་ཡོད། ཕྱོགས་འདིའི་ཉིན་སྲིབ་ཀྱི་ཆུ་རྣམས་ཆུ་ཆེན་དུ་འདྲེས་ནས་ལྕགས་ཟམ་ཁར་འགྲོ ཆུ་དེའི་མིང་ལ་རྒྱལ་མོ་རྔུལ་ཆུ་ཟེར།  རྒྱལ་མོ་དམུ་རྡོའི་ལྷ་ཆེན་དེ་ཉིད་སེམས་ཅན་གྱི་དོན་དུ་ཕེབས་བཞུད་གནང་བས་སྐུ་ངལ་ཏེ་རྔུལ་བའི་ཆུ་ཡིན་པ་གྲགས་སོ།།  དེ་ཡང་ཨ་མྱེ་སྒོ་གདོང་གི་དུས་སུ་ཚ་ཁོག་ཅེས་དང་།མོ་བཟའ་རྒྱལ་མོས་དབང་བསྒྱུར་བའི་དུས་ལ་རྒྱལ་མོ་ཚ་བ་རོང་།རྒྱལ་ཁག་བཅོ་བརྒྱད་དར་བའི་དུས་ལ་རྒྱལ་རོང་ཞེས་ཡོངས་སུ་གྲགས་པ་ཡིན་ནམ་སྙམ་མོ།།    
རྩོམ་སྒྲིག་པ། གདུགས་དཀར་ཚེ་རིང་།
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།