中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > ཡུལ་སྐོར་སྐྱེ་ཁམས། >
༄༅།། ཡུན་ནན་བདེ་ཆེན་ཁུལ་གྱི་གནས་སྐོར་ཡུལ་ལྗོངས།
དུས་ཚོད།2017-10-18 17:10:55     རྩོམ་གྱི་ཡོང་ཁུངས། ཀྲུང་གོ་བོད་ཀྱི་དྲ་བ།     ཆུང་། | འབྲིང་། | ཆེ།
ཡུན་ནན་བདེ་ཆེན་ཁུལ་གྱི་གནས་སྐོར་ཡུལ་ལྗོངས།

\

\

\

\

 
 ཆུ་དཀར་ཆུ་ནག
 
  ཆུ་དཀར་ཆུ་ནག་ནི་སེམས་ཀྱི་ཉི་ཟླ་རྫོང་སན་པཱ་ཤང་དུ་ཆགས་ཡོད་ཅིང་།རྫོང་མཁར་གྱི་བར་ལ་སྤྱི་ལེ101ཡོད་པ་དང་རྒྱ་མཚོ་ངོས་ལས་མཐོ་ཚད་སྨི2380ཟིན་པ།འཇང་རིགས་ཀྱི་སྟོན་པའི་ཆོས་ལུགས་ཀྱི་འབྱུང་གནས་ཡིན།འབའ་སྡེའི་ཆུ་དཀར་ཆུ་ནག་དེ་རྒྱང་རིང་ནས་བལྟས་ན།སྐས་ཞིང་དང་འདྲ་ཞིང་།ཉི་འོད་ཀྱི་འོག་དུ་ད་དུང་རི་མོ་ནང་གི་རྦབ་ཆུ་ཞིག་དང་ཀུན་ནས་མཚུངས།
སྟག་མཆོང་གྲོག་རོང་།
སྟག་མཆོང་གྲོག་རོང་ནི་ཀྲུང་གོའི་གཏིང་ཚད་ཆེས་མཐོ་བའི་གྲོག་རོང་ཞིག་ཡིན།དེ་ནི་ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་སེམས་ཀྱི་ཉི་ཟླ་རྫོང་དུ་གནས་པ་དང་།རྫོང་མཁར་གྱི་བར་ལ་སྤྱི་ལེ105ཡོད་དེ།གཡང་གཟར་ཆེ་བས་འཛམ་གླིང་དུ་གྲགས་པ་རེད།སྟག་མཆོང་གྲོག་རོང་ནི་སྟོད་ཀྱི་སྟག་མཆོང་གྲོག་རོང་དང་།བར་གྱི་སྟག་མཆོང་གྲོག་རོང་།སྨད་ཀྱི་སྟག་མཆོང་གྲོག་རོང་བཅས་ཁག་གསུམ་དུ་བགོས་ཡོད་ལ།ཉེན་ཆེའི་གྲམ་པ་ཁྱོན་བསྡོམས་ཁག18ཡོད།འབྲི་ཆུའི་ངོས་ཀྱི་ཆེས་དོག་ས་སྨིད་30ལས་མེད།འབྲི་ཆུ་ཡུས་ལུང་དང་ཧ་པཱ་མང་རི་གཉིས་ཀྱིས་ཁྱེར་ཏེ།རྒྱ་མཚོའི་ངོས་ལས་མཐོ་ཁྱད་སྨི3900ཟིན་པ།གྲོང་རོང་གི་གཏིང་ཚད་དེ་འཛམ་གླིང་གི་སྔོན་གྲལ་དུ་གནས་ཡོད།

 
\

\

\

\

\

  གཞན་ཡང་སྟག་མཆོང་གྲོང་རོང་གི་ལྗོངས་ཁུལ་ནི་གྲོང་རོང་གི་ལྗོངས་ཁུལ་དང་རི་བོའི་ལྗོངས་ཁུལ་གཉིས་སུ་བགོས་ཆོག་པ་དང་། གོང་དུ་གསལ་བའི་སྟོད་མ་དང་བར་མ།  སྨད་ཀྱི་སྟག་མཆོང་གྲོང་རོང་བཅས་ནི་གྲོག་རོང་གི་ལྗོངས་ཁུལ་ཡིན།རི་བོའི་ལྗོངས་ཁུལ་ནི་རྐང་ཐང་དུ་མཐོང་བའི་ཧ་པཱ་གངས་རི་ལྗོངས་ཁུལ་དེ་རེད།

འབྲི་ཆུའི་ཀྱོག་གུག་དང་པོ།
འབྲི་ཆུའི་ཀྱོག་གུག་དང་པོ་ནི་བདེ་ཆེན་བོད་རིགས་རང་སྐྱོང་ཁུལ་སེམས་ཀྱི་ཉི་ཟླ་རྫོང་གི་ལྷོ་ཕྱོགས་ཧྲང་སུང་པི་གྲོང་སྡེ་དང་ས་ཐང་གྲོང་ཁྱེར་གྱི་རྡོ་རྔ་རོང་གྲོང་རྡལ་གཉིས་ཀྱི་བར་དུ་གནས་ཡོད།རྒྱ་མཚོའི་ངོས་ལས་མཐོ་ཚད་སྨི1850ཡོད།སེམས་ཀྱི་ཉི་ཟླ་རྫོང་མཁར་ནས་ས་ཐག་ལེ་དབར130ཡོད།གཞུང་ལམ་ཤར་རྒྱག་ཐུབ་པ།ལེ་དབར་ཁྲི་དང་ལྡན་པའི་འབྲི་ཆུས་འཛམ་གླིང་གི་ཡང་རྩེ་མཚོ་བོད་ས་མཐོ་བརྒྱུད་ནས་འབའ་ཐང་རྫོང་གི་ས་ཁུལ་ནས་ཡུན་ནན་གྱི་ས་ཁོངས་སུ་འབབ་པ།  རྫ་ཆུ་དང་རྒྱལ་མོ་རྔུལ་ཆུ་མཉམ་དུ་འཕྲེད་རྒྱུག་རི་རྒྱུད་དུ་བརྒལ་ནས་བབ་པ།སེམས་ཀྱི་ཉི་ཟླ་རྫོང་གི་ཧྲང་སུང་པི་གྲོང་སྡེའི་མཚམས་ནས།གློ་བུར་དུ་འཇལ་གྲངས་ཏུའུ100ལྷག་གི་ཁ་འཁོར་ནས་ཤར་བྱང་ཕྱོགས་སུ་འགྲོ་བ་དང་།མཐོང་རྒྱུ་ཧ་ཅང་དཀོན་པའི་གཟུགས་དབྱིབས་Vདང་ཆགས་པ་རེད།   མི་རྣམས་ཀྱིས་གནས་ཚུལ་ངོ་མཚར་ཅན་འདི་ལ་འབྲི་ཆུའི་ཀྱོག་གུག་དང་པོ་ཞེས་མིང་བཏགས་ཡོད།


\

\

\

 
  ཆུ་ཤུགས་རྒྱ་ཆེ་བ།གཙང་ཆུ་སྔོ་སེང་སེང་།ཕྱོགས་གཉིས་ལ་ལྕང་མ་སྐྱེས་པ།གནས་འདི་ནི་འབྲི་ཆུའི་ཁུག་སོ་དང་པོ་ནུབ་ཁའི་ཉི་མ་ལྟ་བུའི་ས་གནས་ཡག་པོ་ཞིག་ཡིན།ཧྲང་སུང་པི་གྲོང་སྡེ་རྒྱབ་ཀྱི་རི་བོ་ལ་འཛེག་ན་འབྲི་ཆུའི་ཀྱོག་གུག་དང་པོ་ཡོངས་སུ་མཐོང་ཐུབ་པ།

                                                                 རྩོམ་སྒྲིག་པ། ལྷ་ཁོ།




Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།