中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > ཡུལ་སྐོར་སྐྱེ་ཁམས། >
༄༅།། གནས་མཆོག་ཁ་བ་དཀར་པོ།
དུས་ཚོད།2020-04-16 09:48:13     རྩོམ་གྱི་ཡོང་ཁུངས། དཀར་མཛེས་ཉིན་རེའི་ཚགས་པར་ལས་དྲངས།     ཆུང་། | འབྲིང་། | ཆེ།
གནས་མཆོག་ཁ་བ་དཀར་པོའི་རི་རྒྱུད་ནི་ཡུན་ནན་ཞིང་ཆེན་གྱིས་ཆེས་བརྗིད་ཉམས་ལྡན་པའི་གནས་རི་ཞིག་ཡིན་ལ།རི་རྒྱུད་དེས་སེམས་ཀྱི་ཉི་ཟླ་(སྔོན་གྱི་བདེ་ཆེན་རྫོང་།)རྫོང་གི་ས་ཆའི་རྒྱ་ཁྱོན་ལས་བརྒྱ་ཆ་34.5ཡན་ཆད་ཟིན་ཡོད་པ་རེད།དེ་གར་རྒྱ་མཚོ་ངོས་ལས་མཐོ་ཚད་སྨི་6000ཡན་ཆད་ཡོད་པའི་གངས་རི་བཅུ་གསུམ་ཡོད་པ་དང་།གནས་ཆེན་ཁ་བ་དཀར་པོའི་གངས་ནི་རྒྱ་མཚོ་ངོས་ལས་མཐོ་ཚད་སྨི་6700ལྷག་ཡོད་པ་རེད།རི་རྒྱུད་དེར་གངས་ནགས་རྩྭ་གསུམ་འཛོམས་པས་མཛེས་སྡུག་རབ་ཏུ་ལྡན་ལ།བོད་ཁམས་ཀྱི་གནས་མཆོག་བརྒྱད་ཀྱི་ཡ་གྱལ་དུའང་བགྲང་སྲོལ་ཡོད་པ་ཞིག་རེད།
ངག་རྒྱུན་དུ་བཤད་པ་ལྟར་ན།ཁ་བ་དཀར་པོའི་གནས་རི་དེ་དང་ཐོག་བཀའ་བརྒྱུད་པའི་བསྟན་སྲུང་ཞིག་ཡིན་པ་དང་།ཡོན་རྒྱལ་རབས་ཀྱི་སྐབས་སུ་ཀརྨ་པ་སྐུ་ཕྲེང་གསུམ་པ་རང་བྱུང་རྡོ་རྗེ་(སྤྱི་ལོ་༡༢༨༤ནས་༡༣༣༩)དངོས་སུ་གནས་དེར་ཕེབས་ཤིང་ཁ་བ་དཀར་པོར་རབ་གནས་མཛད་པ་ནས་བཟུང་གནད་མཆོག་དེ་བཀའ་བརྒྱུད་པའི་སྒྲུབ་གནས་སུ་གྱུར་པར་བཤད། ཡང་<<གླིང་གེ་སར་རྒྱལ་པོའི་སྒྲུང་­~རྒྱ་གླིང་།>>དུ་་ཁ་བ་དཀར་པོའི་རི་ནི་སྔོན་ཆད་གསང་བདག་གི་གནས་དང་།སློབ་དཔོན་པདྨ་འབྱུང་གནས་ཀྱི་ཆོས་གཏེར་བདག་གཉེར་བྱེད་མཁན་གྱི་ལྷ་ཞིག་ཀྱང་ཡིན་པར་བརྗོད། གེ་སར་རྒྱལ་པོས་དམ་ལ་བཏགས་ཏེ་དགེ་བསྙེན་གྱི་སྡོམ་པ་བསྐུར་བ་ནས་བཟུང་བསྟན་སྲུང་དུ་གྱུར་ཟེར། གནས་དེའི་ལྷ་ཁང་ཞིག་ཏུ་སྟོན་པ་ཤྰཀྱ་ཐུབ་པའི་འབག་སྐུའི་གཡོན་ཕྱོགས་སུ་ཁ་བ་དཀར་པོ་བཅིབས་རྟ་དཀར་པོ་ཞིག་ལ་བཅིབས་པ་དང་།ཕྱག་ཏུ་མདུང་རིང་ཐོགས་པའི་གཞི་བདག་གཅིག་གི་ཚུལ་དུ་བཞེངས་ཡོད། བཤད་ཚུལ་ལྟར་ན། ལོ་རེའི་ཟླ་༣པའི་ཚེས་༡༥ཉིན།ཕྱོགས་བཞི་མཚམས་བརྒྱད་ནས་ཡོང་བའི་བོད་རིགས་སྤུན་ཟླས་གནས་དེ་ནས་བསང་མཆོད་ཕུལ་ཏེ་བསྟན་སྲུང་ཁ་བ་དཀར་པོར་མཆོད་འབུལ་བྱེད་པའི་སྲོལ་ཞིག་དར་ཡོད་པ་རེད། ལུག་གི་ལོ་ནི་བསྟན་སྲུང་ཁ་བ་དཀར་པོའི་རང་ལོ་ཡིན་པས་དད་ལྡན་མང་ཚོགས་དང་ལྗོངས་རྒྱུ་བ་སྔར་བས་མང་པོ་ཞིག་གནས་དེར་ཡོང་ནས་ལྗོངས་རྒྱུ་ལྟད་མོེར་རོལ་བཞིན་ཡོད་པ་རེད།
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།