中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > ཡུལ་སྐོར་སྐྱེ་ཁམས། >
༄༅།། ཉི་ཟླ་ཉག་ག
དུས་ཚོད།2020-04-16 09:53:17     རྩོམ་གྱི་ཡོང་ཁུངས། ཁམས་པའི་དྲ་བ།     ཆུང་། | འབྲིང་། | ཆེ།
ཉི་ཟླ་ཉག་ག་ཞེས་པའི་ས་མིང་དེ་ནི་དེང་གི་མཚོ་སྔོན་ཞིང་ཆེན་གྱི་གུང་ཧོ་དང་ཧོང་ཡོན་རྫོང་གཉིས་ཀྱི་མཚམས་ན་ཡོད་ཅིང་།དེང་སང་ཡུལ་སྐོར་ལྗོངས་རྒྱུ་བྱེད་སའི་གནས་མཆོག་ཅིག་ཡིན་པ་རེད།འོ་ན་ཉི་ཟླ་ཉག་ག་ཞེས་པའི་མིང་དེ་ཇི་ལྟར་ཐོག་པ་ཡིན་ཟེར་ན།ས་གནས་དེ་གའི་དམངས་ཁྲོད་དུ་གཏམ་རྒྱུད་སྙན་པོ་འདི་འདྲ་ཞིག་བཤད་རྒྱུ་འདུག  ལོ་ཆིག་སྟོང་ལྷག་ཙམ་གྱི་སྔོན་དུ་རྒྱ་བཟའ་ཀོང་ཇོ་བོད་རྗེ་བཙན་པོའི་བཙུན་མོར་བསུ་བའི་སྐབས་སུ།ཀོང་ཇོ་དང་འཁོར་རྣམས་སྔོན་དུ་ལམ་ལ་ཆས།རྗེས་སུ་འོང་བཞིན་པའི་བློན་པོ་མགར་གྱིས་རྒྱ་ནག་གི་རྒྱལ་པོར་སྟོབས་འབྱོར་མངའ་ཐང་ལྡན་ཞིང་།བོད་དེ་ལྟར་མིན་པས་སྲས་མོ་ཕྱིར་རྒྱ་ཡུལ་དུ་ལོག་པ་དོགས་ནས་བསམ་བློ་བཏང་མཐར་ཐབས་བཀོད་ལེགས་པོ་ཞིག་རྙེད།ཁོང་གི་རྡོ་ལེབ་གོར་མོ་གཉིས་ཀྱི་སྟེང་དུ་གསེར་རྩི་དང་དངུལ་རྩི་བྱུགས་ཏེ་ཏ་ལེན་ཞིག་གི་ནང་དུ་བཅུག་ནས་རྟ་ལ་བཀལ་སྟེ་སླེབས་པ་ན་ས་འདིར་ཀོང་ཇོ་དང་འཁོར་རྣམས་ཀྱི་རྗེས་ལ་ཟིན།དེ་ནས་ངལ་གསོ་སྐབས་བློན་པོ་མགར་གྱིས་ཀོང་ཇོ་ལ།ཁྱེད་ཀྱི་ཡབ་ཁྱེད་ལ་བྱམས་བརྩེ་ཤིན་ཏུ་ཆེ་བར་འདུག་པས་ཁྱེད་རང་ལ་གསེར་དངུལ་གྱི་རྫོང་བ་བསྐུར་ཡོད་ཅེས་བཤད།ཀོང་ཇོས་བདག་གིས་བལྟའོ་ཟེར་ནས་སྣོད་ཀྱི་ཁ་ཕྱེ་བ་ན།རྡོ་གོར་མོ་གཉིས་ཀྱི་སྟེང་གི་གསེར་རྩི་དང་དངུལ་རྩི་རྣམས་སྣོད་གཙུབ་བརྡར་བྱས་ནས་ནག་རོག་གེར་གྱུར་འདུག་པར་མཐོང་། བློན་པོ་མགར་གྱིས་དེ་མ་ཐག་ཏུ།ལྟོས་དང་།ཁྱེད་ཀྱི་ཡབ་ཀྱིས་རྡོ་གོར་མོ་གཉིས་ཁྱེད་ལ་རྫོང་བ་བྱིན་པ་དེ་ཁྱེད་ལ་མགོ་བསྐོར་བ་དང་འདང་རྩིས་མེད་པའི་རྟགས་མིན་ནམ་ཞེས་བཤད།
 དེའི་སྐབས་སུ་ཀོང་ཇོ་ངོ་གནོང་བ་དང་ཁོང་ཁྲོ་ལངས་ནས་རྡོ་གོར་མོ་གཉིས་ཉག་ཆེན་དེའི་རྒྱབ་ཕྱོགས་དང་མདུན་ཕྱོགས་སུ་རྦབ་ལ་བསྒྲིལ་ཏེ་ན་རེ།རྡོ་གོར་མོ་འདི་གཉིས་རང་འགུལ་གྱིས་ཕྱོགས་གཅིག་ལ་འཛོམས་རྒྱུ་མ་རག་བར་དུ་ང་རང་ཡུལ་དུ་མི་ལོག་ཅེས་མནའ་བཞག དེ་ནས་བཟུང་ཉག་ག་དེར་ཉི་ཟླ་ཉག་ག་ཞེས་པའི་མིང་དེ་ཐོགས་པ་བཤད།
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།