中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > ཡུལ་སྐོར་སྐྱེ་ཁམས། >
༄༅།། གངས་རིའི་མེས་པོ་ཧི་མ་ལ་ཡ།
དུས་ཚོད།2020-04-16 09:54:41     རྩོམ་གྱི་ཡོང་ཁུངས། མཚོ་སྔོན་པོའི་དྲ་ཚིགས།    ཆུང་། | འབྲིང་། | ཆེ།
རི་བོ་ཧི་མ་ལ་ཡ་ནི་འཛམ་གླིང་སྟེང་ཆེས་མཐོ་བའི་རི་བོ་ཞིགཡིན། དེ་ཉིད་ཀྲུང་གོའི་བོད་རང་སྐྱོང་ལྗོངས་དང་ཁྱིམ་མཚེས་རྒྱལ་ཁབ་པ་ཅི་སི་ཐན། ཧིན་རྡུ། ནི་པ་ལ། འབྲས་ལྗོངས། འབྲུག་ཡུལ་བཅས་ཀྱི་མཚམས་ན་གནས་ཡོད་པར་མ་ཟད། ད་དུང་ཤར་ནས་ནུབ་བར་སྤྱི་ལེ2450ཙམ་དང་ལྷོ་ནས་བྱང་བར་སྤྱི་ལེ200ནས350ཙམ་ཡོད་པ་རེད། རི་བོ་ཧི་མ་ལ་ཡའི་ཆགས་དབྱིབས་ནི་ཡུ་བ་ལྷོ་རུ་བསྟན་པའི་གཞུ་ཞིག་དང་ཀུན་ནས་འདྲ་ལ། དེ་ནི་ས་ཤུན་འགུལ་སྐྱོད་ཀྱིས་ལྟེབ་རྩེག་ཐེབས་ནས་བྱུང་བའི་ཆགས་ཚུལ་རྙོག་འཛིང་ཆེ་བའི་རི་བོ་གསར་བ་ཞིག་ཡིན།
དེ་ཡང་བྱང་ནས་ལྷོ་རུ་རི་བོ་ཁྲལ་ཟིག་དང་ལ་དྭགས་རི་བོ། རི་བོ་ཧི་མ་ལ་ཡ་ཆེ་ཆུང་གཉིས། རི་བོ་ཞི་བ་ལེག་བཅས་བཞི་ཡོད་པ་ལས། རི་བོ་ཧི་མ་ལ་ཡ་ཆེ་བ་ནི་ཆེས་མཐོ་ཤོས་ཡིན། ཆ་སྙོམས་བྱས་ན་རྒྱ་མཚོ་ངོས་ནས་སྨི6000ཙམ་གྱིས་མཐོ་བ་དང༌། གྲོ་མོ་ནས་མ་ཏིང་ལ་ཁའི་བར་མཐོ་ཚད་ལ་སྨི8000ཡན་སོན་པའི་རི་རྩེ་བཅུ་ཙམ་གནས། དེ་དག་གི་ནང་ནས་ཀྱང་རང་རྒྱལ་དང་ནེ་པ་ལའི་ས་མཚམས་སུ་ཆགས་པའི་རི་བོ་ཇོ་མོ་གླིང་མ་ནི་འཛམ་གླིང་གི་རི་རྩེ་མཐོན་པོ་ཨང་དང་པོ་ཡིན་ལ། ལོ་ཧྲིལ་བོར་རི་རྩེ་གངས་ཀྱིས་ཁེབས་ཡོད་པ་རེད། རི་བོ་དེའི་འཁྱག་རླུང་གི་གཞི་ཁྱོན་ལ་སྤྱི་ལེ་གྲུ་བཞི་མ་ཁྲི་ཚོ1ཡོད་པདང༌། གངས་མི་བཞུ་པའི་གནས་དེ་ལྷོ་ཕྱོགས་དམའ་ཞིང་བྱང་ཕྱོགས་མཐོ་བ་ཞིག་ཡིན། རི་བོའི་ལྷོ་འདབས་སུ་ཆར་འབབ་ཞིང་སྨི1000མན་གྱི་ས་ཆ་ནི་ཚ་བ་ཆེ་བའི་ས་ཁུལ་གྱི་ཆར་དུས་ནགས་ཚལ་ཡིན། རི་བོའི་བྱང་འདབས་ནི་གཙོ་བོ་རི་མཐོའི་རྩྭ་ཐང་ཡིན་ལ། སྨི4100མན་གྱི་གྲོག་རོང་ལུང་གཞུང་ནི་སྡོང་ཐུང་ནགས་ཚལ་ཡིན་པས། རི་ཁྲོད་ན་རྨ་བྱ་དང་དཔུང་རིང་སྤྲ། དོམ། གསའ། གཙོད་ལ་སོགས་པའི་འདབ་ཆགས་དང་གཅན་གཟན། རི་དྭགས་རྩ་ཆེན་སོགས་མང་པོ་འདུས་ཡོད་པར་མ་ཟད། ད་དུང་གཏེར་ཁའང་འདྲ་མིན་སྣ་ཚོགས་ཡོད།
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།