中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > ཚན་རྩལ་ཤེས་བྱ། >
༄༅།། བོད་ལྗོངས་གཞིས་རྩེ་རྒྱལ་ཁབ་ཞིང་ལས་ཚན་རྩལ་གླིང་གིས། ཚན་རྩལ་གསར་སྐྲུན་ནུས་པ་ཆེ་རུ་བཏང་བ།
དུས་ཚོད།2017-09-22 10:24:33     རྩོམ་གྱི་ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ།     ཆུང་། | འབྲིང་། | ཆེ།
   བོད་ལྗོངས་གཞིས་རྩེ་རྒྱལ་ཁབ་ཞིང་ལས་ཚན་རྩལ་གླིང་གིས།   ཚན་རྩལ་གསར་སྐྲུན་ནུས་པ་ཆེ་རུ་བཏང་བ།


འདི་ནི་རིག་ནུས་ཅན་གྱི་འགྱིག་ཤོག་དྲོད་ཁང་ནང་མྱུ་གུ་གསོ་བའི་གནས་ཚུལ་ཡིན་པ།

\
 
  བོད་ལྗོངས་གཞིས་རྩེ་རྒྱལ་ཁབ་ཞིང་ལས་ཚན་རྩལ་གླིང་ནི་2012ལོའི་ཟླ་4པར་ཚན་རྩལ་པུའི་ཆོག་མཆན་ཐོབ་པའི་ཁག་བཞི་པའི་རྒྱལ་ཁབ་ཞིང་ལས་ཚན་རྩལ་གླིང་གི་གྲས་ཤིག་ཡིན་པ་དང་ཁོངས་གཏོགས་ནང་ལྟེ་བའི་ཁུལ་2དང་དཔེ་སྟོན་གླིང་3ཡོད་ཅིང་། པ་སྣམ་ལྟེ་བའི་ཁུལ་གྱིས་སྒྲིག་བཀོད་སྔོ་ཚལ་ཐོན་ལས་དང་ཞིང་ཁུལ་ཕྱུགས་རིགས་གསོ་ཚགས་ཐོན་ལས་ཀྱིས་གཙོ་བོར་བྱས་ཏེ། གཞིས་རྩེ་གྲོང་ཁྱེར་ནུབ་རྒྱུད་ཀྱི་ལྷ་རྩེ་ཞིང་ལས་ཚན་རྩལ་དཔེ་སྟོན་གླིང་ཁུལ་དུ་ཁྱབ་འགྱེད་སྐུལ་ཁྲིད་བྱེད་པ་དང་། རྒྱལ་རྩེ་ལྟེ་བའི་ཁུལ་གྱིས་ནས་ཀྱི་ལས་སྣོན་ཞིབ་ཚགས་དང་། བོད་སྨན་སྨན་རྒྱུ་འདེབས་འཛུགས། བཟའ་བྱའི་ཤ་མོ་འདེབས་འཛུགས་བཅས་ཀྱི་ཐོན་ལས་ཀྱིས་གཙོ་བོར་བྱས་ཏེ། ཡར་ཀླུང་གཙང་པོའི་བྱང་ངོགས་སྣོད་བཅུད་གླིང་དང་གཞིས་རྩེའི་རྩེར་སོན་སྣོད་བཅུད་གླིང་གིས་མཉམ་དུ་ས་མཐོའི་མེ་ཏོག་འདེབས་འཛུགས་དང་བོད་སྨན་སྨན་རྒྱུ་ཐོན་སྐྱེད་ལས་སྣོན་བྱེད་པའི་རྣམ་པ་ཞིག་ཆགས་ཡོད་པ་རེད། མིག་སྔའི་བར་གཞིས་རྩེ་ཚན་རྩལ་གླིང་ཁུལ་དུ་དངོས་སུ་ཞུགས་མཁན་ཁེ་ལས་10དང་། ཐོ་བཀོད་མ་རྩ་ཁྱོན་བསྡོམས་སྒོར་ཁྲི་9980 ལས་མི་ཁྱོན་བསྡོམས་495བཅས་ཟིན་ཡོད། ནས་ཀྱི་ཐོན་ལས་དང་། སྒྲིག་བཀོད་སྔོ་ཚལ་འདེབས་འཛུགས་ཐོན་ལས། ཞིང་ཁུལ་ཕྱུགས་རིགས་གསོ་ཚགས་ཐོན་ལས་བཅས་དང་དེ་བཞིན་ཡུལ་སྐོར་ལས་རིགས་འཕེལ་རྒྱས་འགྲོ་བའི་བརྒྱུད་རིམ་ཁྲོད། ཉེ་འགྲམ་གྱི་ཞིང་འབྲོག་པ་མི་ཐེངས་ཁྲི་10ལས་ཞུགས་ཐུབ་པར་སྐུལ་ཁྲིད་བྱས་ཏེ་མི་རེའི་ཆ་སྙོམས་ཡོང་འབབ་སྒོར་2800ཙམ་འཕར་བ་དང་། མིག་སྔར་གླིང་ཁུལ་དུ་ནས་ཀྱི་ལས་སྣོན་རྟེན་གཞི་3དང་། ཕྱུགས་རིགས་བདེ་ཐང་གསོ་ཚགས་རྟེན་གཞི་5 ཁྱད་ལྡན་ཐོན་རྫས་ལས་སྣོན་རྟེན་གཞི་2 སྒྲིག་བཀོད་སྔོ་ཚལ་རྟེན་གཞི་2 བཟའ་བྱའི་རིགས་ཀྱི་ཤ་མོའི་འདེབས་འཛུགས་རྟེན་གཞི་1 བོད་སྨན་སྨན་རྒྱུའི་འདེབས་འཛུགས་རྟེན་གཞི་3བཅས་ཡོད་པ་རེད།


                                                               རྩོམ་སྒྲིག་པ། ལྷ་ཁོ།




Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།