中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > ཚན་རྩལ་ཤེས་བྱ། >
༄༅།། ཙོང་རིལ་གྱི་སྨན་བཅོས་བྱེད་ནུས་ནི་ག་འདྲ་ཡིན།
དུས་ཚོད།2017-11-01 15:58:56     རྩོམ་གྱི་ཡོང་ཁུངས། ཡོངས་འཛིན།    ཆུང་། | འབྲིང་། | ཆེ།
\

  ཙོང་རིལ་ནང་སྤྲི་དཀར་དང་ཀ་ར། ཀའེ།  ལིན། ལྕགས། འཚོ་བཅུད་སྣ་ཚོགས། དེ་བཞིན་དུ་ཨར་ཞི་པིན་ཅེ(二烯丙基)དང་ཨར་ལིག་འདྲེས་སྦྱོར་དངོས་རྫས(二硫化合物)སོགས་མང་བོ་ལྡན་ཞིང་། དེ་ལ་ནད་འབུ་སྣ་ཚོགས་གསོད་པ་དང་ཁྲག་རྩ་སྲ་འགྱུར་སྔོན་འགོག  ཁྲག་སྤྲི་དམའ་རུ་གཏོང་བ་སོགས་ཀྱི་བྱེད་ནུས་ལྡན། དུས་རྒྱུན་ཙོང་རིལ་ཟོས་ན་ཁྲག་རྒྱུན་གྱིས་སྐྲན་ནད་སྔོན་འགོག་བྱེད་པའི་ནུས་པ་མཐོ་འདོགས་དང་། ཁྲག་ཤེད་མཐོ་བ་སྔོན་འགོག  སྙིང་ནད་མི་འབྱུང་བ་བཅས་ལ་ཕན་ཐོགས་སོ། ། དེ་ཡང་ཙོང་རིལ་གྱིས་གཉན་ཚད་རྨ་ཁ་གསོ་བར་ཕན་ཆེན་པོ་ཐོགས་སྲིད་དེ། རྡུང་སྟེ་ལྡེ་གུ་བཟོས་པའི་རྒྱ་ཙོང་གིས་རྨ་ཁ་ཐེངས་ཁ་ཤས་ལ་བདུག་པ་ན་ན་ཟུག་འཇོག་ཐུབ་པར་མ་ཟད།  རྨ་ཁའང་སོས་སླ་བ་ཡིན།  ཀྲུང་ལུགས་གསོ་རིག་ལྟར་ན། ཙོང་རིལ་གྱི་རོ་མངར་ལ་བསྐ་བ།  རང་བཞིན་འཇམ་པ།  ཟས་སུ་བསྟེན་ན་གློ་ལུ་བ་དང་ལུད་པ་མང་བ།  གཅིན་པ་བཅས་ལ་སྨན་ནུས་འབྱིན་པ་ཡིན།  ཙོང་རིལ་ལྡེ་གུར་བཟོས་ཏེ་རྨ་ཁ་དང་སྨུག་པོའི་ནད་སོགས་ཀྱི་སྟེང་བྱུག་ན་རྨ་ཁ་སོས་སླ་བ་དང་། རྒྱུན་དུ་ཙོང་རིལ་ཟོས་ན་མཁལ་ཚལ་རང་བཞིན་ཅན་གྱི་ཆུ་སྐྲངས་ནད་དང་གཅིན་མངར་ནད་རྣམས་ལ་ཕན།  དམངས་ཁྲོད་ཀྱི་བཤད་རྒྱུན་ལ། ཙོང་རིལ་རློན་པ་བལྡད་ན་ཆམ་པ་དང་ཁའི་གཉན་ཚད་ནད་བཅས་ལའང་ཕན་པར་བརྗོད་དོ། །  ཉེ་ལམ་ཨ་མེ་རི་ཁའི་ཅ་ཀྲིག་སློབ་ཆེན་གྱི་སྐྱེད་དངོས་ཕྲ་རབ་ལ་ཞིབ་འཇུག་བྱེད་པའི་སློབ་དཔོན་ཞིག་གིས་ཞིབ་འཇུག་བྱས་པ་ལས་བསྟན་དོན།  ཙོང་རིལ་ལ་སྐྲན་འགོག་གི་བྱེད་ནུས་ལྡན་ཞིང་།  ལྷག་པར་དུ་ཕོ་བའི་སྐྲན་ནད་འགོག་པ་ལ་ཁྱད་འཕགས་ཀྱི་ནུས་པ་ལྡན་པ་དང་། རྒྱུ་མཚན་ནི་ཙོང་རིལ་ནང་ཀྲོ་ཕེ་ཧོང་སོ(株皮黄素)ཞེས་པའི་རྫས་ཤིག་མངའ་ཞིང་།  རྫས་དེ་ཡིས་སྐྲན་འབྱུང་དོངས་རྫས་བཀག་འགོག་བྱེད་པར་མ་ཟད། སྐྲན་གྱི་ཕྲ་ཕུང་མུ་མཐུད་སྐྱེ་བར་ཡང་བཀག་སྡོམ་བྱེད་པ་ཡིན།  སྡོམ་རྩིས་བྱས་པ་ལྟར་ན།    ནམ་རྒྱུན་ཙོང་རིལ་ཟོས་པའི་མི་ལ་ཕོ་སྐྲན་བྱུང་བའི་བསྡུར་ཚད་མ་ཟོས་པའི་མི་ལས25﹪ཙམ་དམའ་བར་བཤད་དོ། །
 རྩོམ་སྒྲིག་པ། ལྷ་ཁོ།

Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།