中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > ཚན་རྩལ་ཤེས་བྱ། >
༄༅།། བོད་ཡུལ་གྱི་རྒྱུན་མཐོང་ནད་རིགས་ཏེ་མཆིན་ཚིལ་རྒྱས་པའི་ནད།
དུས་ཚོད།2019-04-24 10:20:02     རྩོམ་གྱི་ཡོང་ཁུངས། ཀན་ལྷོའི་གསར་འགྱུར།    ཆུང་། | འབྲིང་། | ཆེ།
 མཆིན་ཚིལ་རྒྱས་པའི་ནད་ནི་མཆིན་པའི་ཕྲ་ཕུང་ལ་ཚིལ་གསོག་ནས་མཆིན་པའི་ནུས་པ་ཉམས་པའི་ནད་ཅིག་ཡིན་ཞིང་། འདི་ཡང་ནད་གཞན་པ་ལྟར་སྔར་ནས་ངོས་འཛིན་བྱས་ཏེ་དུས་ཐོག་ཏུ་བཅོས་ན་ཕན་ཡོན་ཆེ།
མཆིན་ཚིལ་རྒྱས་པའི་ནད་ཀྱི་རྒྱུ་ནི་གཤམ་དུ་གསལ།
    1.ཆང་རག་ནི་བྱུང་རྐྱེན་ཡིན། ཡུན་རིང་དུ་ཆང་རག་བཏུངས་ན། རིམ་བཞིན་དུ་ཆང་རག་གི་དུག་ཕོག་ནས་མཆིན་ཚིལ་ལ་དབྱང་འགྱུར་བྱེད་མི་ནུས། མཆིན་ཚིལ་དབྱང་འགྱུར་བྱེད་མ་ཐུབ་ཚེ་ཚིལ་འཇུ་མི་ཐུབ་སྟེ་མཆིན་པའི་ནང་ཡུན་རིང་གསོག་པས་ཆང་རག་འཐུང་མཁན་ནད་པ 60% ནི་མཆིན་ཚིལ་རྒྱས་པའི་ནད་པ་ཡིན་ལ། 20% ནས 30% ནི་མཆིན་པ་རྒུད་པའི་ནད་དུ་འགྱུར་སྲིད།  2. ཡུན་རིང་དུ་ཚིལ་དང་སྣུམ། རོ་མངར་བའི་རིགས་ཟོས་པ་མང་དྲག་པ་ནི་མཆིན་ཚིལ་རྒྱས་པའི་རྒྱུ་རྐྱེན་ཡིན། 3.ཤ་རྒྱག་ཅིང་ལུས་རྩལ་མི་བྱེད་པ་ནི་མཆིན་ཚིལ་རྒྱས་པའི་རྒྱུ་ཡིན། 4. གཅིན་སྙི་ཟ་ཁུའི་ནད་ནི་མཆིན་ཚིལ་རྒྱས་པའི་རྒྱུ་ཡིན། 5.མཆིན་ནད་ལྡེམ་བུ་ནི་མཆིན་ཚིལ་རྒྱས་པའི་རྒྱུ་ཡིན། 6.སྨན་འགའ་རེ་ནི་མཆིན་པའི་ནུས་པ་ལ་གནོད་པ་བྱས་ཏེ་མཆིན་ཚིལ་རྒྱས་པའི་རྒྱུ་རུ་འགྱུར།
མཆིན་ཚིལ་རྒྱས་པའི་ནད་ཀྱི་མངོན་རྟགས།
   མཆིན་ཚིལ་རྒྱས་པའི་ནད་ལ་མངོན་རྟགས་མི་འདྲ་བ་མང་པོ་ཡོད་ཅིང་། ནད་ཚབས་ཅུང་ཆུང་བ་ལ་ཐང་ཆད་པའི་ཚོར་བ་ཡོད་ལ། ནད་རྟགས་མངོན་གསལ་མིན། ནད་པ་ཕལ་ཆེར་ཤ་རྒྱག་པ་ཡིན་ཞིང་ནད་རྟགས་མི་མངོན། ནད་ཚབས་འབྲིང་བ་དང་ཆེན་པོའི་རིགས་ནི་མཆིན་ནད་ལྡེམ་བུ་དང་འདྲ་ཞིང་ཡི་ག་ཆད་པ། ངལ་དུབ་ཆེ་བ། བྲང་ཁ་མི་བདེ་བ། སྐྱུགས་པ། མཆིན་པའི་གནས་དང་གསུམ་པའི་གཡས་ཕྱོགས་སུ་ན་ཟུད་ཡོད་ཅིང་ལུས་ཀྱི་ཤ་རིད་པ་སོགས་ཀྱི་ནད་རྟགས་ཡོད་དོ།།
མཆིན་ཚིལ་རྒྱས་པའི་ནད་ཀྱི་ཉེན་ཁ།
    མཆིན་ཚིལ་རྒྱས་པའི་ནད་དེ་འགོར་ན་གཤམ་གྱི་ནད་རྟགས་འབྱུང་སྲིད།
    1.མཆིན་པ་རྒུད་པའི་ནད་དང་མཆིན་པའི་ནུས་པ་ཉམས་པའི་ནད་འབྱུང་སྲིད། མཆིན་ཚིལ་རྒྱས་པའི་ནད་མ་བཅོས་པར་ཡུན་རིང་སོང་ན་མཆིན་པའི་ཕྲ་ཕུང་ལ་འཚོ་བཅུད་མི་འདང་བས། མཆིན་པ་རྒུད་པའི་ནད་དང་མཆིན་པའི་སྐྲན་ནས་སོགས་སློང་སྲིད། དེ་མིན་མཆིན་ཚིལ་རྒྱས་པ་ལ་མཆིན་པ་རྒུད་པའི་ནད་དང་མཆིན་ནད་སྡེམ་བུ་སོགས་བླ་གཉན་གྱིས་སློང་སྟེ། ཐ་མར་མཆིན་པའི་ངན་སྐྲན་གྱི་ནད་སློང་ཚད་རྒྱུན་ལྡན་གྱི་མི་ལས་ལྡབ 150ཡིས་མཐོ།  2.འཇུ་བྱེད་མ་ལག་གི་ནད། མཆིན་སྒོ་སྡོད་རྩའི་གནོན་ཤུགས་མཐོ་བའི་ནད་མིན་པ་དང་ཕོ་བའི་སྡོད་རྩའི་གནོན་ཤུགས་མཐོ་བའི་ནད་མིན་པ་དང་ཕོ་བའི་སྡོད་རྩ་ལ་ཁྲག་ཤོར་བ། 3.འཕར་རྩའི་ནང་གི་ཁྲག་གར་མོ་དང་འཕར་རྩ་སྲ་མོར་གྱུར་ཏེ་སྙིང་དང་ཀླད་པའི་ནད། ཁྲག་ཤེད་མཐོ་བ། ཀླད་པའི་ཁྲག་རྩ་འགག་པ། ཀླད་པར་ཁྲག་ཤོར་བའི་ནད་སོགས་སློང་།  4. མཆིན་ཚིལ་རྒྱས་ཤིང་མེ་དྲོད་ཉམས་པའི་ནད་ཀྱིས་ཁུ་བ་ཉུང་བར་གྱུར་བ། 5.མིག་མི་གསལ་བ། མཆིན་ཚིལ་རྒྱས་ནས་མེ་དྲོད་ཉམས་ཕྱིར་འཚོ་བཅུད Aདྭངས་སྙིགས་འབྱེད་མི་ནུས་པར་མིག་མི་གསལ་བར་འགྱུར།
མཆིན་ཚིལ་རྒྱས་པའི་ནད་ཀྱི་སྔོན་འགོག་བྱེད་ཐབས།
    1.ཟས་འཕྲོད་ལུགས་དང་མཐུན་དགོས། 2.ཆང་རག་བཏུང་བ་སྤངས་དགོས། 3.ལུས་ཕུང་སྦྱོང་བརྡར་བྱ་དགོས། 4.སྨན་ལ་བརྟེན་དུས་ཡིད་གཟབ་བྱ་དགོས། 5.སེམས་ཁམས་དྭངས་དགོས།།
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།