中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > ཚན་རྩལ་ཤེས་བྱ། >
༄༅།། ཨ་ཧྥེ་རི་ཁའི་ཕག་གི་འགོས་ནད་ཀྱི་སྔོན་འགོག་དང་ཚོད་འཛིན་ཤེས་བྱ།
དུས་ཚོད།2019-06-20 09:03:10     རྩོམ་གྱི་ཡོང་ཁུངས།ཀན་ལྷོའི་གསར་འགྱུར།    ཆུང་། | འབྲིང་། | ཆེ།
ཨ་ཧྥེ་རི་ཁའི་ཕག་པའི་འགོས་ནད་ནི་འགོས་ནད་གང་འདྲ་ཞིག་ཡིན་ནམ།
    ཨ་ཧྥེ་རི་ཁའི་ཕག་གི་འགོས་ནད་ནི་ཨ་ཧྥེ་རི་ཁའི་ཕག་པའི་འགོས་ནད་ཀྱི་ནད་དུག་གིས་བསླངས་པའི་མྱུས་གཤིས་ཅན་དང་ཚ་ཤུགས་ཆེ་བ། ཚད་མཐོའི་འཕྲད་འབྲེལ་རང་བཞིན་བཅས་ཀྱི་སྲོག་ཆགས་ཀྱི་འགོས་ནད་ཅིག་ཡིན་པས་གོ་ལ་ཧྲིལ་པོའི་ཕག་གསོའི་ལས་རིགས་ལ་གནོད་འཚེ་ཚབས་ཆེན་ཕོག་གི་ཡོད། རང་རྒྱལ་གྱིས་ཨ་ཧྥེ་རི་ཁའི་ཕག་གི་འགོས་ནད་དེ་སྲོག་ཆགས་ཀྱི་འགོས་ནད་རིགས་དང་བོར་བརྩིས་ཡོད། འདི་ནི་ཕྱི་ནས་ཡོང་བའི་འགོས་ནད་དྲག་པོ་ཞིག་ཡིན་པ་དང་། དེའི་དུག་ཤེད་དྲག་པོས་ཕག་པར་ནད་ཕོག་ཚད་མཐོ་བ་དང་ཤི་ཚད100%ལ་གཏོང་ངེས་ཡིན།
ཨ་ཧྥེ་རི་ཁའི་ཕག་པའི་འགོས་ནད་དེ་མིའི་སྟེང་དུ་འགོ་སྲིད་དམ།      ཨ་ཧྥེ་རི་ཁའི་ཕག་གི་འགོས་ནད་ནི་མི་ཕྱུགས་གཉིས་ལ་ཕོག་པའི་ནད་ཅིག་མིན། ཕག་ནི་ཨ་ཧྥེ་རི་ཁའི་ཕག་པའི་འགོས་ནད་ཀྱི་ནད་དུག་དེ་རང་བྱུང་དུ་གནས་ཐུབ་བྱེད་ཀྱི་རྒྱུ་གཅིག་པུ་དེ་ཡིན་ཞིང་། ཁྱིམ་གསོས་ཕག་པ་དང་ཕག་རྒོད་ལས་གཞན་སྲོག་ཆགས་གཞན་དག་ལ་ནད་དུག་དེ་མི་འགོས་པ་རེད། ནད་དུག་དེས་ཕག་གི་སྲོག་ལ་ཉེན་ཁ་བཟོ་སྲིད་ན་ཡང་། མི་ལ་གནོད་འཚེ་གཏོང་མི་ཐུབ། དེ་ནི་དཔེ་མཚོན་རང་བཞིན་ཅན་གྱི་ཕག་ལ་མ་གཏོགས་མི་ལ་མི་འགོས་པའི་ནད་དུག་ཅིག་རེད།
ཨ་ཧྥེ་རི་ཁའི་ཕག་གི་འགོས་ནད་ལ་རིམས་འགོག་གི་བྱེད་ཐབས་ཡོད་དམ།
    ཨ་ཧྥེ་རི་ཁའི་ཕག་གི་འགོས་ནད་ལ་མིག་སྔར་ནུས་ལྡན་གྱི་རིམས་འགོག་སྨན་ཁབ་མེད་པས། ནད་འགོས་པའི་ཕག་དེ་བསད་ནས་གཙང་བཟོའི་བྱེད་པའི་བྱ་ཐབས་སྤྱོད་དགོས་ཀྱི་ཡོད།
ཨ་ཧྥེ་རི་ཁའི་ཕག་གི་འགོས་ནད་ལ་ནད་རྟགས་ཅི་ཞིག་ཡོད་དམ།
    ཨ་ཧྥེ་རི་ཁའི་ཕག་གི་འགོས་ནད་ཀྱི་ནད་རྟགས་ནི་རྒྱུན་མཐོང་གི་ཕག་གི་འགོས་ནད་དང་འདྲ་མཚུངས་ཡིན་ཏེ། གལ་ཏེ་རི་བོང་གི་འགོས་ནད་ཕོག་ནས་ཕག་གི་འགོས་ནད་འགོ་མྱོང་བའི་ཕག་ལ་ནད་རྟགས་མེད་པར་གློ་བུར་དུ་ཤི་ཚད་ཇེ་མང་དུ་སོང་བ་དང་། དབུགས་འབྱིན་རྔུབ་དཀའ་བ། གསུས་པ་ན་བའམ་རྩ་འགག་པ། བཤང་གཅིའི་ནང་ཁྲག་འདྲེས་པ། ཚིགས་སྐྲངས་པ། པགས་པ་ཁ་ཤས་རལ་ཟགས་དང་ཤི་འདྲུལ་སོགས་ཀྱི་ནད་རྟགས་བྱུང་ན། ཨ་ཧྥེ་རི་ཁའི་ཕག་གི་འགོས་ནད་ཡིན་པར་དོགས་པ་སྐྱེ་ཆོག 
ཨ་ཧྥེ་རི་ཁའི་ཕག་གི་འགོས་ནད་བྱུང་ཚེ་ཇི་ལྟར་བྱ་དགོས།
    གསོ་ཚགས་དུད་ཚང་གིས་ཨ་ཧྥེ་རི་ཁའི་ཕག་ནད་ཀྱི་ནད་རྟགས་ཡོད་པ་ཤེས་རྟོགས་བྱུང་དུས། སྐབས་ཐོག་ཏུ་ཕག་ཁྱུ་ཟུར་དུ་འགོག་དགོས་པ་དང་། ཕག་ཁྱུ་གནས་སྤོ་བྱ་རྒྱུར་ཚོད་འཛིན་བྱེད་དགོས་པ་མ་ཟད། འཕྲལ་མར་ས་གནས་དེ་གའི་རིམས་འགོག་པའམ་ཡང་ན་ས་གནས་དེ་གའི་ཕྱུགས་རིགས་སྨན་པའི་སྡེ་ཁག་ལ་བརྡ་ཐོ་གཏོང་དགོས་པ་དང་ཆབས་ཅིག་དུག་སེལ་ལས་དོན་ཡག་པོ་བསྒྲུབས་ནས་འབྲེལ་ཡོད་སྡེ་ཚན་གྱིས་ལྟ་སྐུལ་དོ་དམ་ཡག་པོ་བྱེད་པར་རམ་འདེགས་གནང་དགོས། ནད་འགོ་བའི་ཕྱོགས་ལ་སྔ་མོ་ནས་དབྱེ་འབྱེད་བྱ་དགོས།
    མཁོ་བ་ལྔ་ནི།  གཅིག་ནས་སྒོ་རའི་ཕྱིའི་མི་སྣ་དང་རླངས་འཁོར་ཕག་གསོ་ར་བའི་ནང་དུ་འགྲོ་རྒྱུ་ཇེ་ཉུང་དུ་གཏོང་དགོས། གཉིས་ནས་མི་སྣ་དང་རླངས་འཁོར་ཕག་གསོ་ར་བའི་ནང་མ་འཛུལ་གོང་དུག་སེལ་མཐར་ཕྱིན་པ་བྱ་དགོས། གསུམ་ནས་ཕག་ཁྱུ་ཕྱི་ལ་གཏོང་བ་དང་ནང་དུ་ཡོང་བར་དོ་དམ་ཡག་པོ་བྱེད་པར་ལག་བསྟར་བྱེད་དགོས། བཞི་ནས་ཕྱི་ནས་ནང་དུ་གསར་འདྲེན་བྱས་པའི་ཕག་པ་ལོགས་སུ་བཀར་དགོས། ལྔ་ནས་གཏན་འབེབས་ལྟར་འགོས་ནད་ཞིབ་བཤེར་བྱ་དགོས།    མི་རུང་བ་བཞི་ནི། ཟ་ཁང་དང་ཐབ་ཚང་གི་བཤལ་ཆུ་དང་ཟས་ལྷག་སོགས་གད་སྙིགས་ཀྱིས་ཕག་གསོ་མི་རུང་། ཕག་ལྟོ་གང་སར་མ་གཡུགས། ཁྱིམ་གསོས་ཕག་དང་ཕག་རྒོད་བར་འབྲེལ་འདྲིས་བྱེད་དུ་འཇུག་མི་རུང་། འགོས་ནད་བྱུང་ཡོད་པའི་ས་ཁུལ་ནས་ཕག་སྐྱེལ་འདྲེན་བྱ་མི་རུང་། དོགས་པ་ཅན་གྱི་ཕག་ནད་བྱུང་ཡོད་དུས་གསང་མི་རུང་།།
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།