中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > ཚན་རྩལ་ཤེས་བྱ། >
༄༅།། ཟས་ཇི་ལྟར་སྤྱད་ན་སྦྲུམ་བུས་འཚོ་བཅུད་བསྡུ་ལེན་བྱེད་ཐུབ་པ་ཡིན།
དུས་ཚོད།2019-09-09 09:45:50     རྩོམ་གྱི་ཡོང་ཁུངས།ཀན་ལྷོའི་གསར་འགྱུར།    ཆུང་། | འབྲིང་། | ཆེ།
སྦྲུམ་བུའི་འཚོ་བཅུད་བསྡུ་ལེན་བྱེད་པར་ཡང་ཆེས་འོས་འཚམ་གྱི་བྱེད་ཐབས་སྤྱོད་དགོས་ཏེ། མངལ་སྦྲུམ་མ་ཐག་ཏུ་སྦྲུམ་བུ་འཚར་སྐྱེ་བྱུང་བ་བལྟོས་བཅས་ཀྱིས་ཅུང་དལ་བས་འཚོ་བཅུད་ཀྱི་དགོས་མཁོ་ཡང་མངལ་མ་ཆགས་གོང་དང་ཁྱད་པར་ཆེན་པོ་མེད་མོད། འོན་ཀྱང་སྦྲུམ་བུ་འཚར་སྐྱེ་བྱུང་བ་དང་བསྟུན་ནས་འཚོ་བཅུད་ཀྱི་དགོས་མཁོ་ཡང་ཇེ་མང་དུ་འགྲོ་ངེས་ཡིན།
    གཅིག ལོ་མའི་སྐྱུར་རྒྱུ་དང་ལྕགས་འདུས་པའི་ཟས་རིགས་མང་བོ་ཟ་དགོས།
    ལོ་མའི་སྐྱུར་རྒྱུ་ནི་སྦྲུམ་བུ་འཚར་སྐྱེ་ལ་ཧ་ཅང་མཁོ་གལ་ཆེ་བའི་འཚོ་རྒྱུ་ཞིག་ཡིན་པ་དང་། མངལ་ཆགས་རྗེས་ལོ་མའི་སྐྱུར་རྒྱུ་དཀོན་པས་སྦྲུམ་བུའི་དབང་རྩ་ཡ་མ་གཟུགས་དང་མངལ་ཤོར། ཟླ་ཁ་མ་གང་བར་བཙའ་བ། བཙས་རྗེས་ལུས་པོའི་ལྗིད་ཚད་དམའ་དྲགས་པ་སོགས་ཀྱི་གནད་དོན་འབྱུང་སྲིད། ལོ་མའི་སྐྱུར་རྒྱུ་འདུས་པའི་ཟས་རིགས་གཙོ་བོ་ནི་ལོ་མ་ལྗང་ནག་གི་སྔོ་ཚལ་དང་། ལབ་སེར། སྲོག་ཆགས་ཀྱི་མཆིན་པ། སྒོ་ང་། མངར་ཁམ། ལྷོ་ཀུབ། ཏིལ་འབྲུ། སྲན་མ། གྲོ། གྲོ་ནག་སོགས་ཡོད།
    གཉིས། ཟས་ཐུན་ཇེ་མང་ཟ་ཚད་ཇེ་ཉུང་དུ་བཏང་ནས་ཐཱན་ཆུ་འདྲེས་འགྱུར་རྫས་འདང་དགོས།
    མངལ་ཆགས་མ་ཐག་ཏུ་སྦྲུམ་བུ་འཚར་སྐྱེ་བྱུང་བ་བལྟོས་བཅས་ཀྱིས་ཅུང་དལ་བས་དེར་མཁོ་བའི་ནུས་ཚད་དང་འཚོ་བཅུད་སྔོན་དང་ཁྱད་པར་ཆེན་པོ་མེད། སྦྲུམ་མར་སྐྱུག་མེར་ལངས་ནས་ཟ་མ་མང་བོ་ཟ་མ་ཐུབ་ཚེ། ཀླད་པའི་ཕུང་གྲུབ་ཀྱིས་རྒུན་མངར་གྱི་དགོས་མཁོ་ཁག་ཐེག་བྱེད་པ་དང་ཐོང་ནད་སྐྱུར་དུག་གིས་སྦྲུམ་བུར་གནོད་འཚེ་འབྱུང་བར་སྔོན་འགོག་བྱ་ཆེད། ཉིན་རེར་མ་མཐའ་ཡང་ཐཱན་ཆུའི་འདྲེས་སྦྱོར་དངོས་རྫས་ཁེ་བརྒྱ་དང་སུམ་ཅུ་ཙམ་བསྡུ་ལེན་བྱ་དགོས་པ་དང་། ཐཱན་ཆུའི་འདྲེས་སྦྱོར་དངོས་རྫས་དང་འཇུ་སླ་བའི་འབྲུ་རིགས་དང་འབྲུ་རིགས་ཀྱི་ཟས་རིགས་སྟེ། དཔེར་ན་འབྲས་དང་། ཕྱེ། བག་ལེབ་བསྲེགས་མ། མོག་མོག་བསྲེགས་མ་སོགས་འདེམས་དགོས། མངར་ཟས་སྣ་ཚོགས་དང་ཞོག་ཁོག་རིགས། རྩ་རྐང་རིགས་ཀྱི་སྔོ་ཚལ། ཤིང་ཏོག་ཁ་ཤས་ཀྱི་ནང་དུའང་ཐཱན་ཆུ་འདྲེས་འགྱུར་རྫས་ཅུང་མང་བོ་ཡོད།
    གསུམ། མངལ་ཆགས་དུས་མཇུག་ཏུ་ཉ་དང་སྒོ་ང་། འོ་མ་སོགས་སྤྲི་དཀར་མཐོ་བའི་ཟས་རིགས་མང་ཙམ་བཟའ་དགོས།
    སྦྲུམ་མར་མངལ་ཆགས་པའི་གོ་རིམ་ཁྲོད་ཀལ་རྒྱུ་ཧ་ཅང་མང་བོ་མཁོ་བ་རེད། གལ་ཏེ་སྦྲུམ་མའི་ལུས་ཀྱི་ཀལ་རྒྱུ་མ་འདང་ཚེ་སྦྲུམ་བུ་འཚར་སྐྱེ་ལ་ཐད་ཀར་ཤུགས་རྐྱེན་ཐེབས་སྲིད་པས། སྦྲུམ་མས་མངལ་ཆགས་དུས་མཇུག་ཏུ་ཉ་དང་སྒོ་ང་། འོ་མ་སོགས་སྤྲི་དཀར་མཐོ་བའི་རིགས་ཀྱི་ཟས་མང་ཙམ་བཟའ་དགོས།

    བཞི། མངལ་སྦྲུམ་སྐབས་ཚད་རན་པོའི་འགུལ་སྐྱོད་བྱ་དགོས།
    མངལ་སྦྲུམ་པའི་སྐབས་སུ་འོས་འཚམ་གྱིས་ལུས་ཕུང་སྦྱོང་བརྡར་བྱས་ན་མ་བུ་གཉིས་ལ་ཕན་པ་ཡོད་ཅིང་། མངའ་སྦྲུམ་པའི་སྐབས་སུ་ལུས་ཕུང་མི་བདེ་བའི་ཚོར་བ་ཇེ་ཡང་དུ་གཏོང་བ་མ་ཟད། ད་དུང་རང་བཞིན་གྱིས་བྱིས་པ་སྐྱེ་བར་ཡང་ཕན་པ་ཡོད། འགུལ་སྐྱོད་བྱེད་སྐབས་ལུས་སྟེང་ནས་སྐུལ་རྩི་མང་བོ་ཞིག་ཕྱིར་ཕུད་པ་དེས་མངལ་ཆགས་དུས་ཀྱི་ སེམས་ཁམས་འཚབ་པའི་སྣང་ཚུལ་ཇེ་ཡང་དུ་གཏོང་ཐུབ། ལུས་སྦྱོང་གིས་སྦྲུམ་མའི་ཁྲག་གི་འཁོར་རྒྱུག་ཇེ་མགྱོགས་སུ་བཏང་པས་དབྱང་རླུང་འདང་ངེས་ཤིག་སྦྲུམ་བུའི་ཁྲག་ལམ་དུ་བརྒྱུད་པས་སྦྲུམ་བུ་འཚར་སྐྱེ་བྱུང་བར་ཧ་ཅང་ཕན་པར་མ་ཟད། ད་དུང་སྦྲུམ་བུར་འཕུར་མཉེད་ཀྱི་ནུས་པ་ལྡན་པ་རེད།
    ལྔ། སེམས་ཁམས་སྐྱིད་པོ་ཡོང་བ་རྒྱུན་འཁྱོངས་བྱ་དགོས།
    ཨ་མའི་སྐྱེ་སྟོབས་དང་སེམས་ཁམས་ནི་དབང་རྩ་དང་ལུས་གཤེར་གྱི་འགྱུར་ལྡོག་བརྒྱུད་དེ་ཐད་ཀར་སྦྲུམ་བུའི་ཁྲག་རྒྱུག་ཚད་དང་། དབུགས་རྔུབ་ཚད། མངལ་གྱི་འགུལ་སྐྱོད་སོགས་ལ་ཤུགས་རྐྱེན་ཐེབས་ངེས། བདེ་ཞིང་སྐྱིད་པའི་སེམས་ཁམས་ཀྱིས་སྦྲུམ་མས་བདེ་ཐང་སྐུལ་རྩི་དང་སྐྱེ་དངོས་མའེ་བཅས་ཟགས་ཐོན་བྱེད་པར་ཕན་པ་དང་། ཁྲག་ཚད་དང་ངར་ལངས་དབང་རྩའི་ཕྲ་ཕུང་སྙོམས་སྒྲིག་བྱེད་པའི་ནུས་པ་ཐོན།།
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།