༄༅།། དཔེ་ཀློག་ལ་འཇུག་པའི་ཐབས་ཤེས་འགའ། - ཚན་རྩལ་ཤེས་བྱ། - མདོ་ལྷོ་དྲ་བ།-甘南香巴拉在线
  中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > ཚན་རྩལ་ཤེས་བྱ། >
༄༅།། དཔེ་ཀློག་ལ་འཇུག་པའི་ཐབས་ཤེས་འགའ།
དུས་ཚོད།2020-06-10 09:28:49     རྩོམ་གྱི་ཡོང་ཁུངས།ཀན་ལྷོའི་གསར་འགྱུར།     ཆུང་། | འབྲིང་། | ཆེ།
   1. བསྡུར་བའི་ཐབས།
    དཔེ་ཀློག་བྱས་པ་དང་མཉམ་དུ། དཔེ་ཆ་དང་རྩོམ་ཡིག་གི་བརྗོད་བྱ་གཙོ་བོ་ཤེས་རྗེས། དཔེ་ཆ་དང་རྩོམ་ཡིག་ལ་བལྟས་པའི་ལྟ་ཚུལ་གནད་དོན་ཕྱོགས་བསྡུས་སྤྱི་སྡོམ་བྱས་ནས་སྤེལ་བ་དང་། མཉམ་གཅིག་ཏུ་མི་འདྲ་བའི་ཆ་དེར་བསྡུར་བ་བྱས་ཏེ། བརྡར་ཤ་གསལ་བོར་ཆོད་པར་བྱས་རྗེས་རྩོམ་ཡིག་འབྲི་དགོས།
    2. དཀར་ཆག་སྒྲིག་ཐབས།
    རང་ཉིད་ཀྱིས་དཔེ་ཀློག་སྤུས་དག་བྱས་པའི་དཔེ་ཆའི་མིང་དང་། རྩོམ་པ་པོ། དཔེ་སྐྲུན་ལས་ཁུངས་ཀྱི་མིང་བཅས་གཅིག་བསྡུས་བྱས་ཏེ། གྲངས་ཀའི་དཀར་ཆག་བསྒྲིགས་ན་སླད་མར་རྒྱུ་ཆ་འཚོལ་སྐབས་སྟབས་བདེ་བ་ཡིན།
    3. མཚོན་རྟགས་འགོད་ཐབས།
    དཔེར་ན། དྲང་ཐིག (-)གིས་ཁྱད་པར་ཅན་དང་ནང་དོན་གཙོ་བོའམ་གནད་ཚིག་མཚོན། གོར་ཐིག་ཆུང་བ (。)ནི་གནད་འགག་རང་བཞིན་ལྡན་པའི་ཐ་སྙད་འོག་ཏུ་འབྲི་དགོས། གསེག་ཐིག (/)གིས་རང་གྲུབ་ཚན་པ་དགར་སྟངས་མཚོན། འབོད་རྟགས (!)ཀྱིས་ཕུལ་དུ་བྱུང་བའི་ཚིག་གྲུབ་ལ་རོལ་མྱོང་བྱེད་པ་མཚོན། དྲི་རྟགས (?)ཀྱིས་ལྟ་ཚུལ་དང་ནང་དོན་གྱི་དོགས་གཞི་མཚོན།
    4. གནད་བསྡུས་བྱེད་ཐབས།
    གནད་བསྡུས་བྱ་ཐབས་ལ་གཉིས་ཡོད་དེ། གཅིག་ནི་མ་རྩོམ་དེ་རང་གི་སྐད་ཆ་ལྟར་འབྲི་བ་དང་། དེ་ནི་རང་གི་གོ་བ་བསྐྱེད་པ་དང་རྩོམ་ཡིག་འབྲི་བ་ལ་འཚམ་ཞིང་། རྒྱུ་ཆ་ལ་ཐད་ཀར་སྤྱོད་ཆོད་པ་ཞིག་མིན། གཉིས་ནི་གོ་བ་གཏིང་ཟབ་པའི་དཔེ་ཆ་དང་རྩོམ་ཡིག ཡང་ན་ནང་དོན་ལ་ལྟ་ཚུལ་འདོན་པའི་རྣམ་པ་ལྟར་བསྒྲིགས་ཏེ་ཟིན་ཐོར་བཀོད་ནས། དེབ་ཧྲིལ་བོའི་ནང་དོན་དང་གཏན་ཚིགས་ཀྱི་སྒྲིག་གཞི་ཁོང་དུ་ཆུད་དགོས། ཡང་ན་མ་རྩོམ་གྱི་ལེའུ་ཁ་བྱང་བཤུ་འབྲི་བྱེད་པ་དང་། ལེའུ་རེ་རེའི་སྤྱི་དོན་བྲིས་ཀྱང་ཆོག སྐབས་འགར་མ་རྩོམ་བཤུ་འབྲི་བྱེད་པ་དང་། སྐབས་འགར་རང་ཉིད་ཀྱིས་རགས་བསྡུས་བྱེད་དགོས།
    5. དཔྱད་མཆན་འགོད་ཐབས།
    དཔེ་ཀློག་བྱེད་སྐབས། དཔེ་ཆའི་ངོས་ཀྱི་སྟོང་ཆའི་གནས་སུ་འབྲེལ་ཡོད་མཆན་འགྲེལ་དང་དཔྱད་གཏམ་འབྲི་དགོས། དཔྱད་མཆན་གྱི་ནང་དོན་ལ་ཧ་ཅང་གསོན་ཉམས་དོད་པ་དང་། ཐ་སྙད་ཀྱི་གོ་བ་ལོན་པར་བྱེད་པ། ཚིག་དོན་གྱི་ནང་དོན་ལ་དབྱེ་ཞིབ། རང་གྲུབ་ཚན་པ་རགས་བསྡུས། གསལ་བཤད་བྱེད་ཐབས་མཚོན་པ་བཅས་ལྡན་དགོས།
    དཔྱད་མཆན་ཟིན་ཐོ་འགོད་སླ་བ་ལ། ཕྱོགས་གཅིག་ནས་ཀློག་པ་དང་། ཕྱོགས་གཅིག་ནས་ཟིན་ཐོར་འགོད་དགོས། དཔེར་ན། 《རྒྱལ་ཁབ་གསུམ་གྱི་གཏམ་རྒྱུད》དང 《ཆུ་ངོགས་གཏམ་རྒྱུད》 《ཐོག་ཁང་དམར་པོའི་རྨི་ལམ》སོགས་མིང་དུ་གྲགས་པའི་རྩོམ་ཡིག་མང་བོར་མིང་གྲགས་ཅན་གྱི་དཔྱད་བརྗོད་པ་མང་བོས་བྱེད་ཐབས་འདི་རིགས་བཀོལ་ནས་དཔེ་ཆའི་སྟེང་དུ་དཔྱད་མཆན་བཏབ་ཡོད།
    6. ཡོ་བསྲང་བྱེད་ཐབས།
    དཔེ་ཀློག་བྱེད་སྐབས། དཔེ་ཆའི་ནང་གི་ནོར་འཁྲུལ་ལ་ལྟ་བ་ནོར་འཁྲུལ་ཅན་དང་རྒྱུ་ཆར་མི་རུང་བ་རྒྱུ་ཆར་བཀོལ་བ་སོགས་འདུས་ཤིང་། དེ་དག་ཟིན་ཐོ་འདེབས་པའི་རྣམ་པ་ལྟར་བཅའ་དགོས།
    7. གནད་བཤུས་བྱེད་ཐབས།
    དཔེ་ཀློག་བྱས་པའི་རྗེས་སུ། རྒྱུ་ཆའི་རིན་ཐང་ལྡན་པའི་ནང་དོན་གཙོ་བོའི་རིགས་མ་རྩོམ་ལྟར་བཤུ་འབྲི་བྱེད་དགོས་པར་འདོད། དཔེར་ན། གསུང་ཚིག་གྲགས་ཅན་དང་གདམས་ངག སྤྱི་འགྲོས། གཞི་གྲངས། མ་དཔེ། གཏམ་རྒྱུད་སོགས་བཤུ་འབྲི་བྱེད་དགོས་ཤིང་། ཤོག་བྱང་དང་གཙང་ཞིང་དག་པའི་འབྲི་དེབ་སོགས་ཀྱི་སྟེང་དུ་བཤུ་འབྲི་བྱས་ན་ཆེས་ལེགས་པ་དང་། བཤུ་འབྲི་བྱེད་པའི་ནང་དོན་ལ་ཁ་བྱང་ཆུང་བར་རྟགས་རྒྱག་པ་དང་། གསལ་སྟོན་བྱེད་པ། ཤོག་གྲངས། རྩོམ་པ་པོ་སོགས་དགོས་པར་མ་ཟད། ངེས་པར་དུ་མ་རྩོམ་དང་གཅིག་མཐུན་བྱེད་དགོས།
    8. བློ་རྒྱ་སྐྱེད་ཐབས།
    དེ་ནི་དཔེ་ཀློག་བསམ་ཚུལ་ཡིན་ཞིང་། ཅུང་ཙམ་ཚད་ལྡན་གྱི་ཟིན་ཐོ་འགོད་ཐབས་རིགས་ཀྱི་རྣམ་པ་ཞིག་ཀྱང་ཡིན། ཀློག་པ་པོས་དཔེ་ཀློག་གི་བསམ་ཚུལ་ལ་ཆེས་ཐུང་བའི་རྩོམ་ཡིག་དང་། དྲན་རྟོག་ཟིན་ཐོ། ཐོལ་རྩོམ་བཅས་འབྲི་བ་དང་། དེ་ལ་བརྟེན་ནས་དཔེ་ཀློག་གི་འབྲས་བུ་སྲ་བརྟན་དང་མཐོར་འདེགས་བཏང་ཆོག་ལ། དེ་མིན་རང་ཉིད་ཀྱི་ཞིབ་འཇུག་གྲུབ་འབྲས་ཡིན་པར་བརྩིས་ཀྱང་ཆོག འདི་དག་ནི་ཀློག་པ་པོས་དཔེ་ཀློག་དང་བསམ་གཞིག་དང་རྩོམ་འབྲི་བཅས་ཟུང་འབྲེལ་བྱས་པའི་ཐོན་དངོས་ཡིན།
    9. དཔྱད་འདེམས་དང་འོས་སྦྱོར་བྱེད་ཐབས།
    དཔེ་ཀློག་བྱས་རྗེས། རྩོམ་ཡིག་གང་དེ་དོན་སྙིང་ཡོད་ལ་རིན་ཐང་མཐོ་བར་འདོད་ན། རྩོམ་ཡིག་ལ་དཔྱད་བརྗོད་བྱས་ཏེ་མི་གཞན་ལ་དཔེ་ཀློག་བྱེད་པར་འོས་སྦྱོར་བྱེད་དགོས་པ་དང་མཉམ་དུ་དཔེ་ཀློག་བྱེད་པ། ཕན་ཚུན་ལ་གྲོས་བསྡུར་བྱེད་པ་སོགས་ཡོང་ན་རབ་ཏུ་ལེགས།།
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།