འཕྲུལ་ཆས་ཀྱི་གཙང་སེལ་བྱེད་ཐབས་ལ་གཙོ་བོར་གཙང་འཕྱག་བྱེད་པ་དང་བཀྲུ་བ། རླུང་རྒྱག་པ། ཚགས་རྒྱག་པ་སོགས་འཕྲུལ་ཆས་ཀྱི་བྱ་ཐབས་སྤྱད་ནས་ནད་དུག་གི་གཞི་རྩ་གཙང་སེལ་བྱེད་པ་དེ་ཡིན། བྱ་ཐབས་འདི་སྤྱིར་བཏང་གི་བྱེད་ཐབས་ཤིག་ཡིན་ལ་རྒྱུན་བཀོལ་ཡང་ཡིན་མོད་དེའི་དུག་སེལ་རྩ་བ་ནས་བྱ་མི་ཐུབ་པས་རམ་འདེགས་ཀྱི་བྱེད་ཐབས་ཡིན་པའི་ཆ་ནས་དུག་སེལ་བྱ་ཐབས་གཞན་དག་དང་བསྟུན་དགོས།
དངོས་ལུགས་ཀྱི་དུག་སེལ་བྱེད་ཐབས་ཀྱིས་ཉི་འོད་དང་སྨུག་ཕྱིའི་འོད། སྐེམ་པ། མཐོ་དྲོད། རླངས་འགྱུར་སོགས་ཀྱི་ཐབས་ལ་བརྟེན་ནས་ཕྲ་ཕུང་དང་ནད་དག་གཙང་སེལ་བྱེད་པ་ཡིན། རྒྱུན་མཐོང་གི་རྫས་འགྱུར་གྱི་དུག་སེལ་བྱེད་ཐབས་ནི་རྫས་འགྱུར་སྨན་རྫས་སྤྱད་ནས་ནད་དུག་གི་གཞི་རྩ་གཙང་སེལ་བྱེད་པ་དེ་ཡིན། དུག་སེལ་སྨན་རྫས་འདེམས་སྐབས་སུ། གཅིག་ནས་ནད་དུག་གི་ཕྲ་ཕུང་སེལ་མིན་དང་ནུས་ཐོན་གར་ཚད་དམའ་མིན། ཕན་ནུས་བཟང་མིན་བཅས་དང་། གཉིས་ནས་མི་དང་ཕྱུགས་ཟོག་ལ་གནོད་པ་ཡོད་མེད། གསུམ་ནས་ངོ་བོ་གཏན་འཇགས་ཡིན་མིན་དང་ཆུ་དང་འདྲེས་སླ་མིན། སྐྱེ་ལྡན་དངོས་པོ་གཞན་དག་དང་རྫས་དངོས་གཞན་པའི་ཤུགས་རྐྱེན་ཐེབས་སླ་མིན་སོགས་དང་། བཞི་ནས་བཀོལ་སྟབས་བདེ་ཡིན་མིན་དང་རིན་གོང་སླ་མིན། ཁྱབ་སྤེལ་བྱ་ཐུབ་མིན་སོགས་དང་། ལྔ་ནས་བྲོ་མེད་པ་དང་དྲི་མི་བཙོག་པ། དུག་སེལ་དངོས་པོར་གནོད་སྐྱོན་མི་བཟོ་བ། དྲུག་ནས་བཀོལ་སྤྱོད་བྱས་རྗེས་ལྷག་ལུས་དངོས་པོ་ཉུང་བའམ་ཞོར་སྐྱོན་ཆུང་བ་སོགས་ཀྱི་ཐད་ལ་བསམ་བློ་གཏོང་དགོས།ལོ་རེར་ཐེངས་གཉིས་ནས་བཞི་ལ་དུས་ཚོད་གཏན་འཁེལ་བྱས་ནས་དུག་སེལ་ཐེངས་རེ་བྱ་དགོས། ཕྱུགས་རའི་ནང་གི་མཁོ་ཆས་ཡོངས་ལ་ཟླ་རེར་དུག་སེལ་ཐེངས་རེ་བྱ་དགོས།།
རྩོམ་སྒྲིག་པ། སངས་རྒྱས་འཚོ།
|
