ས་ཁོད་སྙོམས་ཏེ་རྣང་མ་བཟོ་བ། པོའོ་ཚལ་ནི་ས་རྒྱུ་གཤིན་ལ་བཞའ་བརླན་ལྡན་པ་དང་འབྲིང་གཤིས་ཀྱི་ཅུང་བུལ་ཅན་དང་རུལ་རྫས་རྒྱུ་འདུས་ཚད་མཐོ་བའི་ས་རྒྱུར་དགའ་བས་དེར་བརྟེན་སྐྱེ་ལྡན་ལུད་མང་ཙམ་རྒྱག་དགོས། པོའོ་ཚལ་ལ་ལོ་མ་ངོ་མ་སྐྱེས་རྗེས་བཙོག་ཆུ་སླ་པོ་ཐེངས་གཅིག་རྒྱག་པ་དང་ཆབས་ཅིག་ཤིན་ཀོའོ་ཀྲེ་མོའོ་གཏོར་ནས་ནད་འབུ་འགོ་ཁྱབ་བྱེད་པ་འགོག་དགོས་པ་དང་རང་བྱུང་གི་གནོད་འཚེ་འགོག་ནུས་མཐོ་རུ་གཏོང་བ། འོད་སྦྱོར་ནུས་པའི་ཤུགས་ཚད་མཐོ་རུ་བཏང་ནས་པོའོ་ཚལ་གྱི་མྱུག་ཕྲུག་སྐྱེ་འཚར་བཟང་བོ་ཡོང་བར་སྲུང་སྐྱོབ་བྱ་དགོས།
དུས་མཚམས་སུ་འདེབས་འཛུགས་བྱེད་པ། པོའོ་ཚལ་གྱི་གཙོ་རྐང་སྦོམ་ལ་ས་གཏིང་རིང་བོར་འཛུལ་བ་དང་ཆུ་འཇུ་ལེན་བྱེད་ཤུགས་ཆེ་ཞིང་ཐན་བཟོད་ཞོད་སྐྱོན་མི་བཟོད་པས་ཆུ་འབུད་བདེ་བའི་ས་ཆར་འདེབས་འཛུགས་བྱས་ན་འཚམ། འདེབས་འཛུགས་བྱ་སྐབས་སན་འབྲུ་ཤིན་ཀོའོ་ཀྲེ་མོའོ་ཡིས་སྦང་ན་མཆེ་བ་འབུས་ཚད་མཐོ་རུ་འགྲོ་ཐུབ། དེ་རྗེས་སོན་འབྲུ་ཆུའི་ནང་ཆུ་ཚོད 12སྦངས་རྗེས་དུས་མཚམས་སུ་འདེབས་འཛུགས་བྱ་དགོས།
ཞིང་ནང་དོ་དམ་བྱ་ཐབས། པོའོ་ཚལ་འདེབས་འཛུགས་བྱས་རྗེས་ཀྱི་ཉིན 7-15ལ་མྱུ་གུ་ཐོན་པ་དང་མྱུག་ཕྲུག་སྐྱེ་འཚར་དལ་བས་རྩྭ་ཡན་སྐྱེས་སླ་མོ་ཡོད། དེར་བརྟེན་ཆུ་ལུགས་མཐུན་འདྲེན་པ་དང་ཡུར་མ་ཡུར་བ། དུས་མཚམས་སུ་ལུད་རྒྱག་དགོས། མྱུ་གུའི་མཐོ་ཚད་ལི་སྨི 6-7ལ་སླེབས་སྐབས་མྱུ་གུ་འཕྲལ་གསེད་བྱ་དགོས་པ་དང་སྡོང་རྒྱས་ལིང་འོས་འཚམ་གཏོར་ན་སྐྱེ་དངོས་ཀྱི་སྡོང་ལག་སྦོམ་དུ་འགྲོ་བ་དང་ལོ་མ་མཐུག་པ། ལོ་མའི་མདོག་ལེགས་ལ་སོས་པ། སྡོང་ལག་སྐྱེ་འཚར་བཟང་བ། རང་བྱུང་བྲོ་བ་ལེགས་པ་བཅས་ཡོང་ཐུབ། པོའོ་ཚལ་ནི་བརྔ་བསྡུ་ཐེངས་མང་བྱེད་པའི་སྔོ་ཚལ་རིགས་ཤིག་ཡིན་པས་བརྔ་བསྡུ་བྱ་ཐེངས་རེར་ལུད་ཐེངས་རེ་བརྒྱབ་ན་མྱུ་གུ་སྐྱེ་འཚར་ལ་སྐུལ་སྤེལ་ཐེབས་ཐུབ།
ནད་འབུ་འགོག་བཅོས་བྱ་ཐབས། པོའོ་ཚལ་སྐྱེ་འཚར་བྱེད་པའི་དུས་ཡུན་རིང་གཙོ་བོའི་ནད་འབུའི་གནོད་འཚེ་ལ་སད་རུལ་ནད་དང་གཞན་རྟེན་སྲིན་འབུ་སོགས་ཡོད་ཅིང་། དེར་དམིགས་སའི་རང་བཞིན་གྱི་སྨན་རྫས་ལ་ཤིན་ཀོའོ་ཀྲེ་མོའོ་ཟུང་འབྲེལ་བྱས་ཏེ་མཉམ་དུ་གཏོར་ན་ནད་དུག་འགོ་ཁྱབ་འགྲོ་བར་འགོག་པ་མ་ཟད་ཞིང་སྨན་གྱི་ནུས་པ་མཐོ་རུ་འགྲོ་བ་དང་རང་བྱུང་གི་གནོད་འཚེ་འགོག་ནུས་དང་འོད་སྦྱོར་ནུས་པའི་ཤུགས་ཚད་མཐོ་རུ་ཕྱིན་ཏེ་སྐྱེ་དངོས་སྐྱེ་འཚར་བཟང་བོ་ཡོང་བར་སྲུང་སྐྱོབ་བྱ་ཐུབ།།
རྩོམ་སྒྲིག་པ། སངས་རྒྱས་འཚོ།
|
