དང་བོ། ལུད་རྒྱག་པ། སྒོག་ཆེན་ལ་ལུད་འདང་ངེས་རྒྱག་པ་ཕུད་ལོ་མ་རྐང 3སྐྱེས་པའི་དུས་སུ་ངེས་པར་དུ་ལུད་ཐེངས 1རྒྱག་དགོས་ཤིང་མུའུ་རེར་བཙོག་ཁུའི་ལུད་སྤྱི་རྒྱ 2000-2500འམ་ཐན་ཨན་སྤྱི་རྒྱ 20-25ལ་ཆུ་སྤྱི་རྒྱ 2000-2500བསྲེས་ཏེ་རྒྱག་དགོས། རྫས་ལུད་རྒྱག་པའི་སྐབས་སྒོག་ཆེན་གྱི་ལོ་མ་དང་ཐད་ཀར་ཐུག་མི་ཉན་ཞིང་དེས་ལོ་མ་འཚིག་སྲིད།
གཉིས་པ། ཡུར་མ་ཡུར་དགོས། ལུད་རྒྱག་པ་དང་ཟུང་འབྲེལ་བྱས་ཏེ་ཡུར་མ་ཡུར་ཐེངས 1བྱ་དགོས་ཤིང་རྣང་མའི་དབར་གྱི་ས་ཞིབ་རྣམས་སྒོག་མྱུག་གི་རྩ་བའི་ངོས་སུ་བརྒྱབ་ན་ལུད་རྫས་ཡལ་འགྲོ་བ་འགོག་པ་མ་ཟད་འབྲས་བུ་མི་འཁྱགས་པའི་ནུས་པའང་ལྡན་ཡོད།
གསུམ་པ། ཐན་འགོག སྒོག་ཆེན་ཐན་པར་སྐྲག་ཞིང་ཐན་པས་སྒོག་ཆེན་སྐྱེ་འཚར་ལ་ཤུགས་རྐྱེན་ཐེབས་ཏེ་ཡང་བར་ལོ་རྩེ་བསྐམས་ནས་སེར་པོ་ཆགས་པ་དང་ལྕི་བར་མྱུ་གུ་སྐམ་ཤི་ཐེབས་ཀྱི་ཡོད། དེར་བརྟེན་ལུད་ཆུ་མཉམ་དུ་གཏོར་བ་དང་ཐན་པ་སྟོན་པའི་དུས་སུ་བཙོག་ཁུའི་གཤེར་ཁུ་རྒྱག་པ་ཟུང་འབྲེལ་གྱིས་ཉིན 10-15ལ་ཆུ་ཐེངས 1འདྲེན་དགོས་སོ།།
རྩོམ་སྒྲིག་པ། སངས་རྒྱས་འཚོ།
|
