中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > ཚན་རྩལ་ཤེས་བྱ། >
༄༅།། དགོང་ཟས་སྟབས་བདེ་བཟའ་དགོས།
དུས་ཚོད།2022-04-19 16:21:23     རྩོམ་གྱི་ཡོང་ཁུངས། མཚོ་སྔོན་ཞིང་ཆེན་སྲིད་གཞུང་དྲ་བ།     ཆུང་། | འབྲིང་། | ཆེ།
   དགོང་ཟས་ནི་ཞོགས་ཟས་དང་དགུང་ཟས་བཞིན་རྒྱས་པོ་མ་བྱུང་ནའང་འགྲིག འོན་ཀྱང་ཟ་ལུགས་ཟ་སྟངས་ལེགས་པོ་མ་བྱུང་ན་གཟུགས་པོར་གནོད་འཚེ་ཆེན་པོ་བཟོ་ཡི་ཡོད། ང་ཚོ་བོད་རིགས་ལ་དགོང་ཟས་ཕྱི་པོ་ཟ་བའི་གོམས་གཤིས་ཡོད། འོན་ཀྱང་ཞིབ་འཇུག་བྱས་པར་གཞིགས་ན། ཟས་ཟོས་རྗེས་ཀྱི་ཆུ་ཚོད་ལྔའི་གཡས་གཡོན་ནི་མིའི་གཟུགས་པོས་ཀའི་ཕྱིར་འབུད་ཤུགས་ཆེ་བྱེད་པའི་དུས་ཡིན་ཞིང་། གལ་ཏེ་དགོང་ཟས་བཟའ་རྒྱུ་ཕྱི་དྲགས་ན་གཟུགས་པོས་ཀའེ་ཕྱིར་འབུད་བྱེད་པའི་དུས་ལ་ཏག་ཏག་མི་གཉིད་ཁུག་ཟིན་པར་བརྟེན་ཕྱིར་འབུད་བྱ་རྒྱུའི་སྙིགས་རོ་གཟུགས་པོའི་ནང་ལུས་ནས་དུས་ཚོད་གང་ཙམ་སོང་རྗེས་གཅིན་ལམ་རྡོ་སྐྲན་ཆགས་པའི་ཉེན་ཁ་ཡོད། གཞན་ཡང་ཚན་རིག་ཞིབ་འཇུག་བྱས་པར་གཞིགས་ན། དགོང་ཟས་ཤ་དང་། སྒོ་ང་།འོ་མ་སོགས་སྤྱི་དཀར་བཅུད་ཧ་ཅང་ཆེ་བའི་ཟས་རིགས་བཟས་ན་གཅིན་ལམ་རྡོ་སྐྲན་ནད་ཕོག་པའི་ཉེན་ཁ་ཆེན་པོ་ཡོད་པས་སྤྱིར་ན་དགོང་ཟས་ལ་སྔོ་ཚལ་གྱི་རིགས་དང་ཐན་ཆུའི་འདྲེས་སྦྱོར་དངོས་པོ་འདུས་ཚད་མཐོ་བའི་ཟས་རིགས་བཟས་ན་ཡག་པོ་ཡོད།
   སྤྱིར་ན་དགོང་མོ་འགུལ་སྐྱོད་བྱ་རྒྱུ་ཉུང་བས་དགོང་ཟས་ཉུང་ཙམ་བཟས་ན་འཚམ་པོ་ཡོད། དགོང་ཟས་བཟའ་རྒྱུ་མང་དྲགས་ན་གཟུགས་པོར་གཤམ་གསལ་གནོད་འཚེ་ཕོག་སླ།
  1.གཟུགས་པོའི་ནང་གི་མཁྲིས་རྒྱུ་གཤེར་རྩི་མཐོ་རུ་ཕྱིན་ནས་མཆིན་པས་འདུས་ཚད་དམའ་བའི་ཞག་ཚིལ་སྤྱི་དཀར་བཟོ་རྒྱུར་སྐུལ་འདེད་ཐེབས་ཏེ་འཕར་རྩ་མཁྲེགས་འགྱུར་གྱི་ནད་གཞི་སློང་ཉེན་ཡོད།
  2. གལ་ཏེ་རྒྱུན་དུ་དགོང་ཟས་བཟའ་རྒྱུ་མང་དྲགས་ན་གཅིན་སྙི་ཟ་ཁུའི་ནད་སློང་ཉེན་ཆེན་པོ་ཡོད།
  3. དགོང་ཟས་བཟའ་རྒྱུ་མང་དྲགས་ན་ཕོ་བ་སྦོས་སྐྲངས་བྱས་པ་ལས་ཀླད་པར་ཟུག་གཟེར་བཏང་བས་ཡུན་རིང་ཕྱིན་ན་གཟུགས་པོར་གནོད་འཚེ་བཟོ་ཡི་ཡོད། དེར་བརྟེན་ང་ཚོས་རྒྱུན་དུ་དགོང་ཟས་སྟབས་བདེ་ཉུང་ཙམ་བཟའ་དགོས།
རྩོམ་སྒྲིག་པ། བཀྲ་ཤིས་གཡང་མཚོ།
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།