中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > གསར་འགྱུར། > རང་ཁུལ་གསར་འགྱུར། >
༄༅།། གཙོས་གྲོང་ཁྱེར་གྱི་ཞིང་སྡེའི་ཕྱུག་འགྱུར་གྱི་གཞུང་ལམ་ཤར་གཏོང་ཐུབ་པ།
དུས་ཚོད།2021-09-13 10:29:45     རྩོམ་གྱི་ཡོང་ཁུངས།ཀན་ལྷོའི་གསར་འགྱུར།    ཆུང་། | འབྲིང་། | ཆེ།
    (རང་རེའི་གསར་འགྱུར་གྱི་སྤེལ་འཕྲིན།)རྒྱང་རིང་གི་རི་རྩེ་ནས་ཀླུ་ཤོད་གྲོང་རྡལ་ལ་བལྟས་ཚེ། ཀྱག་ཀྱོག་ལྡན་པའི་ཨར་འདམ་གྱི་གཞུང་ལམ་ཞིག་གྲོག་རོང་དང་ནགས་ཚལ་བརྒྱུད་ནས་དྲི་མེད་དྭངས་གཙང་གི་ཁ་བཏགས་ཤིག་དང་འདྲ་བར་ཀླུ་ཤོད་གྲོང་རྡལ་གྱི་ཕྱོགས་སུ་འཐེན་ཡོད་ལ། སྔོ་ལྗང་ལྗང་གི་ནགས་ཀླུང་དང་དྭངས་གཙང་གི་ཆུ་བོ་ཡིས་གཞུང་ལམ་གྱི་མཐའ་ནས་བསྐོར་འདུག
    “སྔོན་ཆད་གཞུང་ལམ་འདི་ནི་ས་ལམ་ཡིན་པས་ཆར་བ་འབབ་པའི་དུས་སུ་ལམ་ངོས་ཚང་མ་ས་འདམ་གྱིས་ཁེངས་ནས་འགྲོ་སྐྱོད་བྱེད་པར་སྟབས་བདེ་མིན། མང་ཚོགས་ཕྱུག་འགྱུར་ཡོང་དགོས་ན་སྔོན་ལ་ལམ་ལས་དགོས་པ་རེད། སྲིད་གཞུང་གིས་ང་ཚོར་གཞུང་ལམ་འདི་འདྲ་ལེགས་པོ་ཞིག་བསྐྲུན་པས། ད་སྐབས་ཡུལ་སྐོར་དུ་ཡོང་མཁན་ཇེ་མང་ནས་ཇེ་མང་རེད”ཅེས་ཀླུ་ཤོད་གྲོང་ རྡལ་ཤྭ་སྡེའི་ཏང་ཀྲི་པུའུ་ཧྲུའུ་ཅི་བན་དེ་མཁར་གྱིས་བཤད།
    གཙོས་གྲོང་ཁྱེར་ཤྭ་སྡེ་ནས་ཕ་གྱོ་སྡེ་བའི་བར་གྱི་ཨར་འདམ་གྱི་གཞུང་ལམ་དེ་ནི་གཙོས་གྲོང་ཁྱེར་གྱི 2021ལོའི་རང་བྱུང་སྡེ་བའི་གཞུང་ལམ་འཛུགས་སྐྲུན་ལས་གཞིའི་གྲས་ཤིག་ཡིན་པ་དང་། ལམ་ཐིག་དེའི་སྤྱིའི་རིང་ཚད་ཀྱིས་སྟོང་སྨི 2.85ཟིན་ལ། ལས་གཞིའི་སྔོན་རྩིས་དངུལ་འབོར་སྒོར་ཁྲི 215.46ཡིན།
    “ལས་གཞི་འཛུགས་སྐྲུན་བྱེད་པའི་སྐབས་སུ། འཛུགས་སྐྲུན་ལས་ཁུངས་དང་ཞིབ་བཤེར་ཚད་ལེན་ལས་ཁུངས། ཨར་ལས་ལས་ཁུངས། ལྟ་ཞིབ་དོ་དམ་ལས་ཁུངས་བཅས་ཀྱིས་སྤུས་ཚད་ལ་མཐོང་ཆེན་དང་། བླང་བྱ་ནན་མོ་འདོན་པ། མྱུར་ཚད་མགྱོགས་པོ་བྱེད་པ་བཅས་བྱས་ནས་ལས་གཞི་འཛུགས་སྐྲུན་དེ་རྩེར་སོན་ལས་གྲྭ་དང་དཔེ་མཚོན་ལས་གྲྭ དམངས་སེམས་ལས་གྲྭ་བཅས་སུ་འགྱུར་བར་ནུས་ཤུགས་ཡོད་རྒུ་བཏོན”ཞེས་གཙོས་གྲོང་ཁྱེར་འགྲིམ་འགྲུལ་སྐྱེལ་འདྲེན་ཅུས་ཀྱི་ཏང་ཙུའུ་ཧྲུའུ་ཅིའམ་ཅུས་ཀྲང་ཡུམ་ཚེ་རིང་གིས་བཤད།
    ཉེ་བའི་ལོ་འགར། གཙོས་གྲོང་ཁྱེར་ཏང་ཨུ་དང་སྲིད་གཞུང་གིས་འགྲིམ་འགྲུལ་གྱི་རྨང་གཞིའི་སྒྲིག་བཀོད་འཛུགས་སྐྲུན་བྱ་བར་ཚད་མཐོའི་མཐོང་ཆེན་བྱས་ནས་ཧུར་ཐག་སྒོས་ལས་གཞི་བརྩོན་ལེན་དང་མ་དངུལ་གྲབས་གསོག་བྱས་ཏེ། རང་བྱུང་སྡེ་བར་ཨར་འདམ་གཞུང་ལམ་ཤར་གཏོང་བྱེད་པའི་ལས་གཞིའི་འཛུགས་སྐྲུན་ལ་ནུས་ཤུགས་ཡོད་རྒུས་སྐུལ་འདེད་བཏང་།  
    ད་ལོར་གཙོས་གྲོང་ཁྱེར་གྱི་རང་བྱུང་སྡེ་བའི་གཞུང་ལམ་འཛུགས་སྐྲུན་ལས་གཞིའི་ཁྲོད་རང་བྱུང་སྡེ་བའི་གཞུང་ལམ་ཁག 21ཡོད་ལ། བསྡོམས་པས་སྤྱི་ལེ 106ཟིན་པ་དང་། ལས་གཞི་ལ་བསྡོམས་པས་མ་དངུལ་སྒོར་ཁྲི 9137བཏང་། ལས་གཞི་མཇུག་སྒྲིལ་རྗེས་རང་བྱུང་སྡེ་བ 42ལ་ཨར་འདམ་གཞུང་ལམ་ཤར་གཏོང་ཐུབ་རྒྱུ་རེད། དེའི་ཁྲོད་ཀྱི་གཙོས་གྲོང་ཁྱེར་དུང་ཁྱུང་སྡེ་བ་ནས་དུང་ཁྱུང་སྡེ་བའི་རུ་ཁག་གསུམ་པའི་བར་གྱི་ཨར་འདམ་གཞུང་ལམ་དེ་དུས་བདེའི་སྡེ་བའི་དཔེ་སྟོན་གཞུང་ལམ་དུ་འཛུགས་སྐྲུན་བྱས་པ་དང་། མ་མོ་སུམ་སྣ་ནས་ཚལ་མདོ་བར་གྱི་གཞུང་ལམ་དེ་སྐྱེ་ཁམས་ཡུལ་སྐོར་དཔེ་སྟོན་གཞུང་ལམ་དུ་འཛུགས་སྐྲུན་བྱས།། 
རྩོམ་སྒྲིག་པ། བན་དེ་ཚེ་རིང་།
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།