ལོ་གཅིག་གི་འཆར་གཞི་དཔྱིད་དུས་སུ་འགོད།། ལོ་གཅིག་གི་མཛེས་ལྗོངས་དཔྱིད་འདེབས་ལ་རག། ཉེ་ཆར། ནམ་ཟླ་ཇེ་དྲོར་ཡོང་བ་དང་བསྟུན་ནས་ཅོ་ནེ་རྫོང་གིས་དཔྱིད་འདེབས་གྲ་སྒྲིག་ཉིན་མོ་དགའ་བས་བསུས་ཤིང་། ཀླུ་ཆུའི་འགྲམ་རྒྱུད་ཀྱི་ངོགས་གཉིས་སུ་མང་ཚོགས་ཀྱིས་ཞིང་རྨོ་བ་དང་ལུད་རྒྱག་པའི་ལས་ལ་བྲེལ་བཞིན་པ་དང་། ཞིང་ཁར་བྲེལ་འཚུབ་ཀྱི་རྣམ་པས་ཁེངས་འདུག

    གསར་འགོད་པ་མར་རུ་གྲོང་རྡལ་ཀླུ་ཆུའི་འགྲམ་རྒྱུད་ཀྱི་ཞིང་ཁར་བསྐྱོད་སྐབས། ལུས་ལ་བྱུ་རུ་པདྨ་ཅན་གྱི་གོས་ཀྱིས་རྒྱན་པའི་མང་ཚོགས་ཀྱིས་དུས་ཚིགས་བཟང་བོ་དམ་འཛིན་བྱས་ཏེ་ཞིང་ཁ་ན་འདེབས་འཛུགས་ཀྱི་ལས་ལ་བྲེལ་བཞིན་ཡོད་ལ། འཕྲུལ་ཆས་ཀྱི་སྒྲ་གྲགས་པ་དང་བསྟུན་ནས། ཞིང་རྨོ་བ་དང་ས་བོན་འདེབས་པ་སོགས་ཀྱི་བརྒྱུད་རིམ་ཡོངས་གཅིག་ཀྱང་མ་ལུས་པར་བྲེལ་འཚུབ་ངང་གོ་རིམ་ལྡན་པའི་དཔྱིད་འདེབས་ཀྱི་ལས་ལ་བྲེལ་བཞིན་མཆིས། དཔྱིད་འདེབས་ལས་འགོ་ཚུགས་པས་ཐོན་ལས་དར་ཞིང་རྒྱས་པ་དང་སྐྱེ་དགུ་ཐ་དག་ལ་གསོན་ཤུགས་རྒྱས་ཏེ་ངལ་རྩོལ་མི་དམངས་ལས་ལ་བྲེལ་ཞིང་། རོང་འབྲོག་མང་ཚོགས་ཀྱིས་འབྱོར་ཕྱུག་ལྡན་པའི་མཛེས་སྡུག་གི་རི་མོ་ཞིག་འབྲི་བཞིན་རེ་བའི་ཞིང་སར་ཅི་དགར་རོལ་བཞིན་མཆིས།།

 

（རིན་ཆེན་འཚོ་ཡིས།）