|
གུང་གཞོན་ཚོགས་པ་བསང་ཆུ་རྫོང་ཨུས་ན་གཞོན་བྱ་འགུལ་ལྟེ་གནས་དང་མཉམ་དུ་བརྩེ་སེམས་བྱ་འགུལ་སྤེལ་བ།
ཟླ་གསུམ་པའི་ཚེས་ཉེར་ལྔ་ཉིན་ལ། གུང་གཞོན་ཚོགས་པ་བསང་ཆུ་རྫོང་ཨུས་ན་གཞོན་བྱ་འགུལ་ལྟེ་གནས་དང་མཉམ་དུ་བརྩེ་སེམས་བྱ་འགུལ་སྤེལ་ནས་སྤྱི་ཚོགས་སྟེང་གི་བརྩེ་སེམས་མི་སྣ་བཙལ་ནས་བྱིས་པ་ཚོའི་ལག་བཟོས་བརྩམས་ཆས་སྣ་ཚོགས་ཉོ་རུ་བཅུག་སྟེ་སྤྱི་ཚོགས་ཡོངས་ལ་ཕན་ཚུན་བརྩེ་བས་སྐྱོང་བར་སྐུལ་སློང་བྱས།
གུང་གཞོན་ཚོགས་པ་བསང་ཆུ་རྫོང་ཨུའི་ཧྲུའུ་ཅི་ལྷ་མོ་སྐྱབས་ཀྱིས་བཤད་དོན། དེ་རིང་། ང་ཚོའི་གུང་གཞོན་ཚོགས་པས་ན་གཞོན་བྱ་འགུལ་ལྟེ་གནས་དང་མཉམ་དུ་ལེ་ཧྥིན་ཆུང་ཆུང་ཞེས་པའི་བརྩེ་སེམས་བྱ་འགུལ་སྤེལ་བ་འདི། བྱིས་པ་ཆུང་ཆུང་ཚོས་ལེ་ཧྥིན་ལ་སློབ་སྦྱོང་བྱས་པ་དང་སྤྱི་ཕན་ལས་དོན་ལ་ཞུགས་པར་སྐུལ་མ་བཏང་བ་ཡིན་ལ། དེ་མིན་བྱིས་པ་ཚོས་གློག་རྡུལ་རོལ་རྩེད་དོར་ནས་ནུས་པ་གསོ་སྐྱོང་དང་ཁྱིམ་བདག་དང་བྱིས་པ་ཚོའི་འབྲེལ་བ་ཇེ་བཟང་དུ་གཏོང་ཕྱིར་ཡིན། རྗེས་ཕྱོགས་ཡང་འཛིན་གསུམ་སྐུལ་གསུམ་གྱི་བྱེད་སྒོ་དང་ལེན་བྱས་ནས་རྫོང་ཨུ་དང་རྫོང་སྲིད་གཞུང་གི་བྱ་བ་གཙོ་བོར་དམིགས་ནས་གུང་གཞོན་ཚོགས་པའི་ན་གཞོན་གཅིག་བསྡུའི་ནུས་པ་འདོན་རྒྱུ་ཡིན།
བླ་བྲང་སློབ་ཆུང་གི་སློབ་མ་ཞིག་གིས་བཤད་དོན། བྱ་འགུལ་ཐེངས་འདི་ལ་ཞུགས་པས་ངའི་སྙིང་སྟོབས་ཇེ་ཆེར་བཏང་བས་མི་ཚད། མི་གཞན་དང་འབྲེལ་འདྲིས་བཟང་བོ་བྱེད་ཤེས་སུ་བཅུག རང་གིས་ལས་པའི་ལག་བཟོས་དངོས་བོ་ཕྱིར་ཚོང་དུས་རེར་སེམས་ལ་དགའ་སྤྲོ་ཆེན་པ་སྐྱེས།
རྒྱུས་ལོན་པ་ལྟར་ན། བྱ་འགུལ་འདི་ལས་འདུས་པའི་སྒོར་མོ་དག་རྒན་གཉོར་ཁང་ལ་འབུལ་རྒྱུ་རེད།།
（པཎ་ཆེན་སྐྱབས་ཀྱིས།）
|
