༄༅།།"འཛིན་གསུམ་སྐུལ་གསུམ"གྱི་ཉིན་བརྒྱའི་བྱེད་སྒོ་སྤེལ་འགོ་ཚུགས་པ། - རང་ཁུལ་གསར་འགྱུར།

ཁུལ་དམངས་ཆེན་རྒྱུན་ཨུ་ཁང་གི་ཏང་ཙུའུ་ཡི་ཧྲུའུ་ཅིའམ་ཀྲུའུ་རེན་བཀྲ་ཤིས་འཚོ་ཚོགས་འདུར་ཞུགས་པ་མ་ཟད་གཏམ་བཤད།
  ཁུལ་དམངས་ཆེན་རྒྱུན་ཨུ་ཁང་གི་ཀྲུའུ་རེན་གཞོན་པ་ཀའོ་ཞའོ་ཏུང་གིས་ཚོགས་འདུའི་གཙོ་འགན་ཁུར།
  ཁུལ་དམངས་ཆེན་རྒྱུན་ཨུ་ཁང་གི་ཀྲུའུ་རེན་གཞོན་པ་ཏུང་ཡན་ཆིང་དང་དབྱང་ཞུའེ་ཧྥིན། ཀྲང་ཀྲི་ཧུང་། ཅའོ་ཝེ་ཀྲུང་དང་དེ་མིན་ཁུལ་དམངས་ཆེན་རྒྱུན་ཨུ་ཁང་གི་དྲུང་ཡིག་ཆེན་མོ་དབྱང་ཞའོ་ཆིང་བཅས་ཚོགས་འདུར་ཞུགས།
  འགོ་ཚུགས་ཚོགས་འདུའི་སྟེང་དུ "འཛིན་གསུམ་སྐུལ་གསུམ"གྱི་བྱེད་སྒོའི་ཁྲོད་རིམ་པ་སོ་སོའི་དམངས་ཆེན་འཐུས་མི་རྩ་འཛུགས་བྱས་ཏེ། "འགན་འཁྲི་འཁུར་ཕོད་པ་དང་། ལས་ལ་བརྩོན་པ། སྤྱོད་བཟང་མངོན་པ"བཅས་ཀྱི་ཉིན་བརྒྱའི་བྱེད་སྒོའི་ཇུས་གཞི་སྒྲོག་འདོན་བྱས། འབྲེལ་ཡོད་རྫོང་དང་གྲོང་ཁྱེར་གྱི་དམངས་ཆེན་རྒྱུན་ཨུ་ཁང་གི་ཀྲུའུ་རེན་དང་། ཤང་གྲོང་ཁ་ཤས་ཀྱི་དམངས་ཆེན་ཀྲུའུ་ཞི། ཁུལ་དང་རྫོང་། ཤང་བཅས་རིམ་པ་གསུམ་གྱི་དམངས་ཆེན་འཐུས་མིས་གཏམ་བཤད།
  བཀྲ་ཤིས་འཚོས་ཉེ་བའི་ལོ་ཤས་རིང་ལ། ཁུལ་དམངས་ཆེན་རྒྱུན་ཨུ་ཁང་གིས་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་སྟོན་དུ་བྱ་རྒྱུ་མཐའ་འཁྱོངས་བྱས་པ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མི་དམངས་འཐུས་མི་ཚོགས་ཆེན་གྱི་ལམ་ལུགས་རྒྱུན་འཁྱོངས་དང་འཐུས་ཚང་དུ་གཏོང་བའི་སྐོར་གྱི་དགོངས་པ་གལ་ཆེན་དང་། མི་དམངས་དམངས་གཙོའི་བརྒྱུད་རིམ་ཧྲིལ་བོ་འཕེལ་རྒྱས་གཏོང་བའི་སྐོར་གྱི་རྒྱས་བཤད་གལ་ཆེན་དོན་འཁྱོལ་གཏིང་ཟབ་བྱས་ཏེ། ཁུལ་ཡོངས་ཀྱི་འཐུས་མིའི་བྱ་བ་ལ་གྲུབ་འབྲས་མངོན་གསལ་ཐོབ་པ་དང་། རྒྱལ་ཡོངས་དམངས་ཆེན་དང་ཞིང་ཆེན་དམངས་ཆེན་གྱི་འབྲེལ་ཡོད་འགོ་ཁྲིད་པའི་ཁས་ལེན་དང་ཚད་མཐོའི་གདེང་འཇོག་ཐོབ། ད་དུང་སྐྱེ་ཁམས་ལྗང་མདོག་གི"འཕེལ་རྒྱས་ཆེན་པོ"ལ་གཞོགས་འདེགས་བྱེད་པ་དང་། མི་རིགས་སོ་སོའི་མི་དམངས་ཀྱི"མཐུན་སྒྲིལ་ཆེན་པོར"སྐུལ་འདེད་གཏོང་བ། ཚོང་གཉེར་ཁོར་ཡུག"ལེགས་སྒྱུར་གཏོང་བར"བརྩོན་པ་བྱེད་པ། མཛེས་སྡུག་ལྡན་པའི་གྲོང་གསེབ"དར་རྒྱས་ཆེན་པོར"ཟབ་ཞུགས་བྱེད་པ། རིག་གནས་ཡུལ་སྐོར་ཐོན་ལས"མཆོང་སྐྱོད་ཆེན་པོ"ཡོང་བར་སྐུལ་འདེད་གཏོང་བ་དང་། འཐུས་མིའི་བྱ་བ"མཐོར་འདེགས་ཆེན་པོ"ཡོང་བར་བྱེད་པའི་གཙོ་གནད་ལས་འགན་དྲུག་པོ་དམ་འཛིན་དང་སྐུལ་འདེད་གཏོང་དགོས་ཞེས་ནན་གྱིས་བསྟན།།