ཟླ5བའི་ཚེས24ཉིན་ལ། ཁུལ་དམངས་ཆེན་རྒྱུན་ཨུ་ཁང་གིས་ཏང་ཙུའུ་གཞུང་ལུགས་སློབ་སྦྱོང་ལྟེ་གནས་ཚན་ཆུང་གི་གྲོས་ཚོགས་བསྡུས། ཁུལ་དམངས་ཆེན་རྒྱུན་ཨུ་ཁང་གི་ཏང་ཙུའུ་ཡི་ཧྲུའུ་ཅིའམ་ཀྲུའུ་རེན་བཀྲ་ཤིས་འཚོ་ཡིས་གྲོས་ཚོགས་ཀྱི་གཙོ་འགན་ཁུར་བ་མ་ཟད་གཏམ་བཤད།
ཁུལ་དམངས་ཆེན་རྒྱུན་ཨུ་ཁང་གི་ཏང་ཙུའུ་ཡི་ཁོངས་མིའམ་ཀྲུའུ་རེན་གཞོན་པ་དབྱང་ཞུའེ་ཧྥུན་དང་ཀྲང་ཀྲི་ཧུང་གྲོས་ཚོགས་སུ་ཞུགས།
གྲོས་ཚོགས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སྐབས་ཉི་ཤུ་བའི་ཀྲུང་དབྱང་ཆབ་སྲིད་ཅུས་ཀྱི་ཐུན་མོང་སློབ་སྦྱོང་ཐེངས་བཞི་བར་གནང་བའི་གསུང་བཤད་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཧུ་པེ་དང་ཧྲན་ཞི། ཧྲན་ཞིས་བཅས་སུ་རྟོག་ཞིབ་བྱེད་སྐབས་སུ་གནང་བའི་མཛུབ་སྟོན་གལ་ཆེན་གྱི་དགོངས་དོན། པེ་ཅིང་དང་ཐན་ཅིན་ཧོ་པེ་གསུམ་མཐུན་སྦྱོར་ངང་འཕེལ་རྒྱས་ཡོང་བར་སྐུལ་འདེད་གཏོང་བའི་བཞུགས་མོལ་གྲོས་ཚོགས་སྟེང་གི་གསུང་བཤད་གལ་ཆེན་གྱི་དགོངས་དོན། བློ་མཐུན་ཧོ་ཁྲེང་ཧྲིན་གྱིས་སྐབས་དོན་ཚགས་པར་སྟེང་སྤེལ་བའི་མིང་འགོད་རྩོམ་ཡིག《སེམས་ཤུགས་གཅིག་སྒྲིལ་ངང་ཀྲུང་གོ་རྣམ་པའི་དེང་རབས་ཅན་གྱི་ཀན་སུའུ་ལག་ལེན་ལ་སྐུལ་འདེད་གཏོང་བ》ཞེས་པ་སོགས་ཀྲུང་དབྱང་དང་ཞིང་ཆེན་ཏང་ཨུ། ཁུལ་ཨུའི་གྲོས་ཚོགས་ཀྱི་ཡིག་ཆའི་དགོངས་དོན་སློབ་སྦྱོང་དང་བརྒྱུད་བསྒྲགས་གཏིང་ཟབ་བྱས།
བཀྲ་ཤིས་འཚོ་ཡིས་ཁྲིམས་སྐྱོང་གི་ལམ་བུའི་སྟེང་འཕེལ་རྒྱས་ཀྱི་བརྒྱུད་རིམ་ཧྲིལ་བོའི་མི་དམངས་དམངས་གཙོའི་དམངས་ཆེན་ལག་ལེན་ལ་སྐུལ་འདེད་གཏོང་དགོས་པ་དང་། དམངས་ཆེན་གྱི་འགན་ནུས་དང་ངེས་གནས་ལ་དམ་པོར་དམིགས་པ། དམངས་ཆེན་ལམ་ལུགས་ཀྱི་དགེ་མཚན་འདོན་སྤེལ་བྱེད་པ། དམངས་ཆེན་གྱི་ལྟ་སྐུལ་བྱ་བའི་དམིགས་སའི་རང་བཞིན་དང་དངོས་ཕན་རང་བཞིན་ཆེ་རུ་བཏང་ནས། “སྲིད་གཞུང་གཅིག་དང་ཁྲིམས་ཁང་གཉིས”ཀྱིས་ཁྲིམས་ལྟར་སྲིད་འཛིན་དང་འདྲ་མཉམ་ཁྲིམས་འཛིན་བྱེད་པར་སྐུལ་འདེད་གཏོང་དགོས་ལ། བརྟག་དཔྱད་ཞིབ་འཇུག་བྱེད་པ་དང་སྤུས་ཚད་མཐོན་པོས་དམངས་ཆེན་གྱི་ཁྲིམས་འཛུགས་དང་ལྟ་སྐུལ་སོགས་ཀྱི་བྱ་བ་ལེགས་པོ་བསྒྲུབ་པ་གཉིས་ཟུང་འབྲེལ་བྱ་དགོས་པ་དང་། བརྟག་དཔྱད་ཞིབ་འཇུག་གི་ཚན་རིག་རང་བཞིན་དང་དངོས་ཕན་རང་བཞིན་མཐོར་འདེགས་སུ་གཏོང་དགོས་ལ། གནས་ཚུལ་གསལ་བོ་བྱེད་པ་དང་གནད་དོན་འཚོལ་བ། སྤུས་ཚད་མཐོན་པོས་བརྟག་དཔྱད་ཞིབ་འཇུག་གི་གྲུབ་འབྲས་ཤིག་གྲུབ་ཅིང་། ཁུལ་ཨུའི་ཐབས་ཇུས་ལ་དཔྱད་གཞི་གལ་ཆེན་མཁོ་འདོན་བྱས་ནས། ཁུལ་ཡོངས་ཀྱི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་སྒོ་ནས་འཕེལ་རྒྱས་འགྲོ་བར་རོགས་འདེགས་བྱ་དགོས་ཞེས་ནན་གྱིས་བསྟན།
ཁུལ་དམངས་ཆེན་ཆེད་དོན་ཨུ་ཡོན་ལྷན་ཁང་གི་ཀྲུའུ་རེན་ཨུ་ཡོན་དང་ཀྲུའུ་རེན་ཨུ་ཡོན་གཞོན་པ། རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་སོ་སོའི་གཞུང་སྒྲུབ་ཁང་གི་ཀྲུའུ་རེན། ཀྲུའུ་རེན་གཞོན་པ་སོགས་གྲོས་ཚོགས་སུ་ཞུགས།།
(བཀྲ་ཤིས་གཡང་མཚོ་ཡིས་བསྒྱུར།)
རྩོམ་སྒྲིག་པ། དབྱང་ལུང་ཅང་།
