༄༅།། ཞི་ཅིན་ཕིང་གིས་ཀན་སུའུ་རུ་རྟོག་ཞིབ་མཛད་སྐབས་ནན་གྱིས་བསྟན་དོན། - རྒྱལ་ནང་གསར་འགྱུར། - མདོ་ལྷོ་དྲ་བ།-甘南香巴拉在线
  中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > གསར་འགྱུར། > རྒྱལ་ནང་གསར་འགྱུར། >
༄༅།། ཞི་ཅིན་ཕིང་གིས་ཀན་སུའུ་རུ་རྟོག་ཞིབ་མཛད་སྐབས་ནན་གྱིས་བསྟན་དོན།
དུས་ཚོད།2019-08-25 19:24:06     རྩོམ་གྱི་ཡོང་ཁུངས།ཤིན་ཧྭ་གསར་འགྱུར་ཁང་།    ཆུང་། | འབྲིང་། | ཆེ།
ཞི་ཅིན་ཕིང་གིས་ཀན་སུའུ་རུ་རྟོག་ཞིབ་མཛད་སྐབས་ནན་གྱིས་བསྟན་དོན།
ཡིད་ཆེས་བརྟན་པོ་དང་གསར་གཏོད་གསར་སྤེལ། དངོས་འཛིན་བདེན་སྒྲུབ། རྡོག་རྩ་གཅིག་སྒྲིལ་གྱིས་མི་དམངས་འབྱོར་ཕྱུག་དང་ཀན་སུའུ་དར་རྒྱས་ཀྱི་རྣམ་པ་གསར་བ་གསར་འབྱེད་བྱ་དགོས།

\
 ཟླ8པའི་ཚེས19ཉིན་ནས22ཉིན་བར། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་གིས་ཀན་སུའུ་རུ་རྟོག་ཞིབ་མཛད། འདི་ནི་ཚེས་བཅུ་དགུ་ཉིན་གྱི་ཕྱི་དྲོར། ཞི་ཅིན་ཕིང་གིས་ཏུན་ཧོང་མོ་ཀའོ་བྲག་ཕུག་ཏུ་རྟོག་དཔྱོད་ཞིབ་འཇུག་གནང་སྐབས། ཡུལ་སྐོར་པ་རྣམས་ལ་བརྩེ་བའི་ཕྱག་བརྡ་གནང་བའི་ཚུལ་རེད།
\

འདི་ནི་ཚེས་བཅུ་དགུ་ཉིན་གྱི་ཕྱི་དྲོར། ཞི་ཅིན་ཕིང་གིས་ཏུན་ཧོང་ཞིབ་འཇུག་ཁང་ནས་ཉར་ཚགས་བྱས་པའི་རིག་དངོས་དང་རིག་གཞུང་གྲུབ་འབྲས་འགྲེམ་སྟོན་ལ་གཟིགས་པའི་ཚུལ་རེད།

\

འདི་ནི་ཚེས་བཅུ་དགུ་ཉིན་གྱི་ཕྱི་དྲོར། ཞི་ཅིན་ཕིང་གིས་ཏུན་ཧོང་ཞིབ་འཇུག་ཁང་ནས་འབྲེལ་ཡོད་ཆེད་མཁས་པ་དང་རིག་གནས་ལས་ཁུངས་ཀྱི་འཐུས་ཚབ་པར་བཞུགས་མོལ་མཛད་པར་མ་ཟད་གསུང་བཤད་གལ་ཆེན་གནང་བའི་ཚུལ་རེད།
\

འདི་ནི་ཞི་ཅིན་ཕིང་ཀྲང་ཡེ་གྲོང་ཁྱེར་ཀའོ་ཐའེ་རྫོང་དུ་ཕེབས་ནས། ཀྲུང་གོའི་བཟོ་ཞིང་དམར་དམག་ནུབ་ལམ་དམག་གི་རྗེས་དྲན་རྡོ་རིང་ལ་མཇལ་ཏེ། གསར་བརྗེ་སྔོན་གཤེགས་དཔའ་བོར་མེ་ཏོག་སི་ར་འབུལ་བའི་ཚུལ་རེད།
\

ཚེས་ཉི་ཤུ་ཉིན་གྱི་ཕྱི་དྲོར། ཞི་ཅིན་ཕིང་གིས་ཀྲུང་གོ་ཞིང་ལས་འཕེལ་རྒྱས་སྡེ་ཚོགས་ཧྲན་ཏན་རྟ་ར་ཚད་ཡོད་འགན་ལེན་མཐུན་གཉེར་ཁང་དུ་རྟོག་ཞིབ་མཛད་ནས། མདོ་ལ་རི་བོའི་སྐྱེ་ཁམས་ཁོར་ཡུག་སླར་གསོ་དང་སྲུང་སྐྱོབ་གནས་ཚུལ་ལ་ཡུལ་དངོས་ནས་རྒྱུས་ལོན་མཛད་བཞིན་པ།
\

ཚེས་ཉེར་གཅིག་ཉིན་གྱི་སྔ་དྲོར། ཞི་ཅིན་ཕིང་གིས་ཝུའུ་ཝེ་གྲོང་ཁྱེར་ཀུའུ་ལང་རྫོང་ཧོང་ཧྭ་ཐང་སྐྱེ་ཁམས་ཡུལ་སྤོར་ཁུལ་དམངས་ཕྱུག་སྡེ་གསར་དུ་སྡེ་མི་དང་བརྩེ་བའི་གསུང་གླེང་མཛད་བཞིན་པ།
\

ཚེས་ཉེར་གཅིག་ཉིན་གྱི་ཕྱི་དྲོར། ཞི་ཅིན་ཕིང་གིས་ལན་ཀྲིག་གྲོང་ཁྱེར་རྨ་ཆུ་བཅོས་སྐྱོང་གི་ལས་གཞི་སྤེལ་ཡུལ་དུ། རྨ་ཆུ་འགྲམ་གཉིས་ཀྱི་སྐྱེ་ཁམས་སླར་གསོ་དང་ཡུལ་ལྗོངས་འཛུགས་སྐྲུན་གནས་ཚུལ་ལ་གཟིགས་བཞིན་པ།

 
    (ཤིན་ཧྭ་གསར་འགྱུར་ཁང་གི་གསར་འཕྲིན་ལྟར།) ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་འམ་རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུའི་ཀྲུའུ་ཞི་ཞི་ཅིན་ཕིང་གིས་ཉེ་ཆར་ཀན་སུའུ་རུ་རྟོག་ཞིབ་གནང་སྐབས། དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་དང་ཏང་གི་ཚོགས་ཆེན་བཅུ་དགུ་བའི་དགོངས་དོན་ལག་བསྟར། བརྟན་ཐོག་ཡར་འཕེལ་གྱི་བྱ་བའི་རྩ་བའི་དགོངས་གཞི་མཐའ་འཁྱོངས། འཕེལ་རྒྱས་ཀྱི་འདུ་ཤེས་གསར་བ་ལག་བསྟར། ཡིད་ཆེས་བརྟན་པོ། གསར་གཏོད་གསར་སྤེལ། དངོས་འཛིན་བདེན་སྒྲུབ། རྡོག་རྩ་གཅིག་སྒྲིལ་བཅས་བྱེད་ཅིང་། ཁྱོན་ཡོངས་ནས་འཕར་སྣོན་བརྟན་པོ་དང་། བཅོས་སྒྱུར་སྐུལ་སྤེལ། གྲུབ་ཚུལ་ལེགས་སྒྲིག དམངས་འཚོར་ཕན་བདེ། ཉེན་ཁ་སྔོན་འགོག བརྟན་ལྷིང་སྲུང་སྐྱོང་བཅས་ཀྱི་ལས་དོན་ཁག་ཕྱོགས་ཡོངས་ནས་ཡག་པོ་བསྒྲུབས་ཏེ་དབུལ་ཐར་མཁྲེགས་གཏོར་གཏིང་ཟབ་ཏུ་གཏོང་བ་དང་། སྤུས་ཚད་མཐོ་བའི་འཕེལ་རྒྱས་མགྱོགས་སུ་གཏོང་བ། སྐྱེ་ཁམས་ཁོར་ཡུག་སྲུང་སྐྱོང་ལ་ཤུགས་སྣོན་པ། དམངས་འཚོ་འགན་ལེན་དང་ལེགས་སུ་གཏོང་བ་བཅས་བྱས་ཏེ་མུ་མཐུད་དུ་བདེ་སྐྱིད་དང་མཛེས་སྡུག་ལྡན་པའི་ཀན་སུའུ་གསར་བ་འཛུགས་སྐྲུན་བྱེད་པ་མགྱོགས་སུ་བཏང་ནས་མྱ་དམངས་འབྱོར་ཕྱུག་དང་ཀན་སུའུ་དར་རྒྱས་ཀྱི་རྣམ་པ་གསར་བའི་དུས་རབས་ལེ་ཚན་གསར་འབྱེད་བྱ་དགོས་ཞེས་གསུངས།
    ཟླ 8པའི་ཚེས 19ཉིན་ནས་ཚེས 22ཉིན་གྱི་བར། ཞི་ཅིན་ཕིང་ཀན་སུའུ་ཞིང་ཆེན་ཏང་ཨུའི་ཧྲུའུ་ཅི་ལིན་ཏུའོ་དང་ཧྲིན་ཀྲང་ཐང་རིན་ཅན་གཉིས་ཀྱི་འགྲོ་རོགས་འོག སྔ་གཞུག་ཏུ་ཅིའུ་ཆོན་དང་ཅ་ཡུས་ཀོན་འགག་སྒོ། ཀྲང་ཡེ། ཝུའུ་ཝེ། ལན་ཀྲོའུ་སོགས་ཀྱི་རིག་དངོས་སྲུང་སྐྱོབ་ལས་ཁུངས་དང་། ཞིང་སྡེ། སློབ་གྲྭ། རྩྭ་ར་དང་ནགས་ར། གསར་བརྗེའི་རྗེས་དྲན་ཁང་། ཆུ་ལོག་འགོག་པའི་བཟོ་སྐྲུན་སྤེལ་ཡུལ། རིག་གནས་ཁེ་ལས་སོགས་སུ་ཕེབས་ནས། དཔལ་འབྱོར་སྤྱི་ཚོགས་འཕེལ་རྒྱས་དང་ཐོག་མའི་བསམ་འདུན་མི་བརྗེད་པར་འགན་འཁྲི་ཡིད་ལ་དམ་པོར་བཅངས་པའི་བརྗོད་དོན་སློབ་གསོའི་གནས་ཚུལ་ལ་བརྟག་དཔྱད་ཞིབ་འཇུག་མཛད།
    ཚེས 19ཉིན་གྱི་སྔ་དྲོར། ཞི་ཅིན་ཕིང་པེ་ཅིན་ནས་གནམ་གྲུར་བཞུགས་ཏེ་ཅིའུ་ཆོན་གྲོང་ཁྱེར་གྱི་ཁོངས་སུ་ཡོད་པའི་ཏུན་ཧོང་གྲོང་ཁྱེར་དུ་ཐོན་མ་ཐག མོ་ཀའོ་བྲག་ཕུག་ཏུ་ཕེབས་ནས། མོ་ཀའོ་བྲག་ཕུག་ལོ་རྒྱུས་དང་རིག་དངོས་སྲུང་སྐྱོབ་ཞིབ་འཇུག་གི་གནས་ཚུལ་རྒྱུས་ལོན་མཛད་པ་མ་ཟད། བྲག་ཕུག་ནང་གི་ལོ་རྒྱུས་རིང་བའི་ཚོན་རིས་དང་ལྡེབས་རིས་ལ་གཟིགས། ཁོང་གིས་མེས་པོ་རྣམས་ཀྱིས་ང་ཚོར་བཞག་པའི་རིག་གནས་ཤུལ་བཞག་རྩ་ཆེན་འདི་ལ་གཅེས་སྤྲས་ལེགས་པོ་བྱེད་པ་དང་། སྲུང་སྐྱོབ་དམིགས་བསལ་དུ་འཛིན་པའི་འདུ་ཤེས་རྒྱུན་འཁྱོངས་ཀྱིས་བྲག་ཕུག་གི་བཟོ་བཀོད་དང་ཚོན་རིས། ལྡེབས་རིས་བཅས་ཀྱི་སྲུང་སྐྱོབ་ལ་ཤུགས་སྣོན་པ་དང་། སྔོན་ཐོན་གྱི་ཚན་རིག་ལག་རྩལ་བཀོལ་ནས་སྲུང་སྐྱོབ་ཆུ་ཚད་མཐོར་འདེགས་སུ་བཏང་སྟེ། འཛམ་གླིང་གི་རིག་གནས་ཤུལ་བཞག་འདི་ཉིད་མི་རབས་ནས་མི་རབས་སུ་རྒྱུན་འཛིན་བྱ་དགོས་ཞེས་ནན་གྱིས་བསྟན།
    དེའི་རྗེས་སུ་ཞི་ཅིན་ཕིང་ཏུན་ཧོང་ཞིབ་འཇུག་ཁང་དུ་ཕེབས་ནས། ཉར་ཚགས་བྱས་པའི་རིག་དངོས་དང་རིག་གཞུང་གྲུབ་འབྲས་འགྲེམ་སྟོན་ལ་གཟིགས་པ་དང་། རིག་དངོས་སྲུང་སྐྱོབ་དང་ཞིབ་འཇུག ཕུལ་བྱུང་ལོ་རྒྱུས་རིག་གནས་དར་སྤེལ་བཅས་ཀྱི་གནས་ཚུལ་མཚམས་སྦྱོར་བྱས་པར་གསན་པ་མ་ཟད། ཆེད་མཁས་པ་དང་རིག་གནས་ལས་ཁུངས་ཀྱི་འཐུས་མི་དང་བཞུགས་མོལ་མཛད། ཁོང་གིས་ནན་གྱིས་བསྟན་དོན། ཏུན་ཧོང་རིག་གནས་ནི་ཀྲུང་ཧྭའི་རིག་གནས་དང་རིག་གནས་གཞན་པའི་བར་དུ་ཡུན་རིང་སྤེལ་རེས་མཉམ་འདྲེས་བྱས་པའི་འབྲས་བུ་ཡིན། ང་ཚོས་ཀྲུང་ཧྭའི་རིག་གནས་འོད་སྟོང་གསར་བ་འཕྲོ་བར་བྱ་དགོས་ན། སེམས་རྒྱ་སྔར་ལས་ཆེན་པོ་དང་སྔར་ལས་རྒྱ་ཁྱབ་པའི་རྒྱལ་ཁབ་སོ་སོའི་བར་དུ་རིག་གནས་སྤེལ་རེས་བྱས་ཏེ། སྔར་ལས་ཧུར་ཐག་དང་རང་འགུལ་གྱིས་འཛམ་གླིང་གི་ཕུལ་བྱུང་རིག་གནས་ཀྱི་གྲུབ་འབྲས་མཐའ་དག་ལ་སློབ་སྦྱོང་དཔེ་ལྟ་བྱ་དགོས། ཏུན་ཧོང་རིག་གནས་ལ་ཞིབ་འཇུག་དང་དེ་དར་སྤེལ་བྱེད་དགོས་ན། ཏུན་ཧོང་རིག་གནས་དང་ལོ་རྒྱུས་ཤུལ་བཞག་ཁྲོད་དུ་འདུ་བའི་མཚན་ཉིད་རིག་པའི་དགོངས་པ་དང་མི་ཆོས་ལྟ་ཚུལ། རིན་ཐང་འདུ་ཤེས། ཀུན་སྤྱོད་ཚད་གཞི་སོགས་སྔོག་འདོན་ཟབ་མོ་བྱེད་དགོས་ལ། དེའི་ཁྲོད་དུ་ཡོད་པའི་ཀྲུང་ཧྭ་མི་རིགས་ཀྱི་རིག་གནས་སྙིང་སྟོབས་དང་རིག་གནས་བསམ་རྒྱ་ལ་དེ་ལས་ཀྱང་འགྲེལ་བཤད་བྱས་ཏེ། རིག་གནས་རང་རྟོན་རྒྱུན་ཆད་མེད་པར་ཇེ་བརྟན་དུ་གཏོང་དགོས། རྒྱལ་ཁབ་ཀྱི་རིག་གནས་ཉིང་བཅུད་འཛིན་སྤེལ་དང་གཟུགས་འདས་རིག་གནས་ཤུལ་བཞག་གི་སྲུང་སྐྱོབ་ལ་རྒྱབ་སྐྱོར་བྱེད་པར་ཤུགས་སྣོན་པ་དང་། གྲངས་ཉུང་མི་རིགས་ཀྱི་ལོ་རྒྱུས་རིག་གནས་ལ་ཞིབ་འཇུག་བྱེད་པར་ཤུགས་བསྣན་ནས། ཀྲུང་ཧྭ་མི་རིགས་ཀྱི་ཐུན་མོང་ཚོགས་པའི་འདུ་ཤེས་བརྟན་པོར་འཛུགས་དགོས།
    ཚེས 20ཉིན་གྱི་སྔ་དྲོར། སྤྱི་ཁྱབ་ཧྲུའུ་ཅི་ཞི་ཅིན་ཕིང་ཅ་ཡུས་ཀོན་འགག་སྒོའི་ལྕགས་རི་རིང་པོར་ཕེབས་པ་དང་། འགག་སྒོའི་ཐོག་ཁང་དུ་ཕེབས་ནས་འགག་སྒོའི་སྤྱིའི་རྣམ་པར་གཟིགས་པ་དང་། རྨ་ནུབ་དོག་ལམ་གྱི་ལྕགས་རི་རིང་པོ་དང་། འགག་འཕྲང་ལོ་རྒྱུས་རིག་གནས་ཀྱི་གནས་ཚུལ་ངོ་སྤྲོད་ཞུས་པར་གསན་པ་རེད།
    དེ་རྗེས། སྤྱི་ཁྱབ་ཧྲུའུ་ཅི་ཞི་ཅིན་ཕིང་ཀན་སུའུ་ཞིང་ཆེན་ཀྲང་ཡེ་གྲོང་ཁྱེར་ཀའོ་ཐའེ་རྫོང་དུ་ཕེབས་ནས། ཀྲུང་གོའི་བཟོ་ཞིང་དམར་དམག་ནུབ་ལམ་དམག་དཔུང་གི་དྲན་གསོའི་རྡོ་རིང་དང་དམག་སར་གྲོངས་པའི་སྔོན་གཤེགས་དཔའ་བོའི་སྤྱི་བའི་བང་སོར་ཞལ་མཇལ་གནང་བ་དང་། ནུབ་ལམ་དམག་དཔུང་གསར་བརྗེའི་སྔོན་གཤེགས་དཔའ་བོར་མེ་ཏོག་སི་ར་ཕུལ་བ་མ་ཟད། ཀྲུང་གོའི་བཟོ་ཞིང་དམར་དམག་ནུབ་ལམ་དམག་དཔུང་དྲན་གསོ་ཁང་ལ་གཟིགས་སྐོར་གནང་ཡོད།
    ཉིན་དེའི་ཕྱི་དྲོར། སྤྱི་ཁྱབ་ཧྲུའུ་ཅི་ཞི་ཅིན་ཕིང་ཀྲང་ཡེ་གྲོང་ཁྱེར་ཧྲན་ཏན་རྫོང་དུ་ཕེབས་པ་དང་། ཧྲན་ཏན་ཕེ་ལི་སློབ་གྲྭ་དང་ཧྲན་ཏན་རྟ་གསོ་ར་བར་རྟོག་ཞིབ་གནང་ནས། ས་གནས་དེ་གའི་ལས་རིགས་སློབ་གསོའི་སྦྱོང་བརྡར་དང་རི་བོ་ཆི་ལེན་གྱི་འབྱུང་ཁམས་ཁོར་ཡུག་སླར་གསོ་སྲུང་སྐྱོང་སོགས་ཀྱི་གནས་ཚུལ་ལ་མཁྱེན་རྟོགས་གནང་བ་རེད།
   ཚེས 21ཉིན་གྱི་སྔ་དྲོར། ཞི་ཅིན་ཕིང་ཝུའུ་ཝེ་གྲོང་ཁྱེར་ཀུའུ་ལང་རྫོང་ཧོང་ཧྭ་ཐང་སྐྱེ་ཁམས་གནས་སྤོར་ཁུལ་གྱི་དམངས་ཕྱུག་སྡེ་གསར་དུ་ཕེབས་ནས་བརྟག་དཔྱད་ཞིབ་འཇུག་མཛད། ཞི་ཅིན་ཕིང་གིས་ནན་གྱིས་བསྟན་དོན། ཏང་གི་བྱ་བ་ཐམས་ཅད་མང་ཚོགས་ཀྱི་ཁེ་ཕན་ཆེད་དུ་ཡིན་ལ། མང་ཚོགས་བདེ་སྐྱིད་ལྡན་པར་ཡོང་རྒྱུ་ནི་ཏང་གི་ལས་དོན་ཡིན། དབུལ་ཕོངས་ཀྱི་ཡུལ་མི་རྣམས་དབུལ་ཐར་བྱེད་དུ་འཇུག་པ་ནི་གོམ་སྟབས་དང་བོ་ཡིན་པ་དང་། དེར་མཐུད་ནས་ཡུལ་མི་རྣམས་བརྟན་པོའི་ངང་དབུལ་ཕོངས་ལས་ཐར་བ་ཁག་ཐེག་བྱ་དགོས་ལ། དབུལ་སྐྱོར་སྲིད་ཇུས་དང་དབུལ་སྐྱོར་དཔུང་སྡེ་ད་དུང་དུས་ཡུན་ངེས་ཅན་ཞིག་ལ་བཞག་སྟེ། ཐོན་ལས་གོང་དུ་སྤེལ་བ་དང་ཐུན་མོང་དཔལ་འབྱོར་རྒྱ་བསྐྱེད་པ་སོགས་ཀྱི་ཕྱོགས་ནས་ཐབས་ལམ་བཙལ་ནས། གནས་གཞན་དུ་སྤོས་པའི་མང་ཚོགས་རྣམས་གཞིས་ཆགས་ཐུབ་པ་དང་ལས་ཞུགས་བྱེད་ཐུབ་པ། ཡོང་སྒོ་ཡོད་པ། འཚོ་བ་ཇེ་བཟང་ནས་ཇེ་བཟང་ཡིན་པ་བཅས་བྱ་དགོས།
    ཚེས 21ཉིན་གྱི་ཕྱི་དྲོར། ཞི་ཅིན་ཕིང་ལན་ཀྲོའུ་ཡི་རྨ་ཆུ་བཅོས་སྐྱོང་ལས་གཞི་སྤེལ་ཡུལ་དུ་ཕེབས་ནས། ཀན་སུའུ་ཞིང་ཆེན་དང་ལན་ཀྲོའུ་གྲོང་ཁྱེར་གྱིས་རྨ་ཆུ་བཅོས་སྐྱོང་དང་སྲུང་སྐྱོང་གི་གནས་ཚུལ་མཚམས་སྦྱོར་བྱས་པར་གསན། ཞི་ཅིན་ཕིང་གིས་བསྟན་དོན། རྨ་ཆུ་དང་འབྲི་ཆུ་ནི་ཀྲུང་ཧྭ་མི་རིགས་ཀྱི་མ་ཡུམ་ཆུ་བོ་ཡིན་ལ། མ་ཡུམ་ཆུ་བོར་སྲུང་སྐྱོང་བྱེད་པ་ནི་ཀྲུང་ཧྭ་མི་རིགས་ཀྱི་རླབས་ཆེན་བསྐྱར་དར་དང་ཡུན་རིང་འཕེལ་རྒྱས་ཀྱི་དུས་གཏན་གྱི་ཇུས་ཆེན་དང་འབྲེལ་ཡོད། ཀན་སུའུ་ནི་རྨ་ཆུའི་བཞུར་རྒྱུད་ཀྱི་ཆུ་གསོག་ས་དང་གསབ་ས་གལ་ཆེན་ཡིན་པས། ཐོག་མ་ཉིད་ནས་རྨ་ཆུའི་སྟོད་རྒྱུད་ཀྱི་སྐྱེ་ཁམས་ཉམས་གསོ་དང་ས་ཆུ་སྲུང་འཛིན། སྦགས་བཙོག་འགོག་བཅོས་བཅས་ཀྱི་འགན་འཁྲི་ལྕི་མོ་ཕྲག་ཏུ་ལེན་དགོས། ལན་ཀྲོའུ་རྨ་ཆུའི་དྭངས་གཙང་ལ་སྲུང་སྐྱོང་བྱེད་པའི་ཕྱོགས་ནས་སྔོན་ལ་སྟོབས་ཤུགས་འདོན་པ་དང་འགོ་བཟང་བོ་འཁྲིད་དགོས།
    ཚེས 22ཉིན་གྱི་ཕྱི་དྲོར་ཞི་ཅིན་ཕིང་གིས་ཀན་སུའུ་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་ཞུས་པའི་སྙན་ཞུ་ལ་གསན་ནས་ཀན་སུའུ་ཡི་ལས་དོན་ཁག་ལ་ཐོབ་པའི་གྲུབ་འབྲས་ཁས་ལེན་གང་ལེགས་གནང་ཞིང་། ཁོང་གིས་ཀན་སུའུ་ཡི་མི་རིགས་ཁག་གི་ལས་བྱེད་པ་དང་མང་ཚོགས་ཚོས་ཏང་ཀྲུང་དབྱང་གི་ཐབས་ཇུས་བཀོད་སྒྲིག་ལག་བསྟར་ནན་མོ་བྱས་ནས་ལས་དོན་ཁག་ཏན་ཏིག་ངང་ཡག་པོ་བསྒྲུབ་དགོས་པའི་ཐུགས་རེ་གནང་བ་རེད།
    ཞི་ཅིན་ཕིང་གིས་ནན་གྱིས་བསྟན་དོན། དབུལ་ཐར་མཁྲེགས་གཏོར་ཟབ་སྤེལ་བྱས་ཏེ་དམིགས་འབེན་མི་འཁྱོག་པ་དང་། གནད་ས་མི་འཐོར་བ། ཚད་གཞི་མི་འགྱུར་བ་བཅས་བྱས་ནས། སྡེ་བ་དང་ཁྱིམ་ཚང་། མི་རེ་རེ་བཞིན་དུ་གནད་དོན་ཐག་བཅད་ནས། མཐའ་མཇུག་གི་དབུལ་ཕོངས་ཀྱི་བཀག་རྒྱ་རྩ་བ་ནས་སེལ་དགོས། འབྱོར་འབྲིང་སྤྱི་ཚོགས་ཕྱོགས་ཡོངས་ནས་བསྐྲུན་པའི་ཞན་ས་གསབ་པ་དང་། འདོན་སྤྲོད་ཕྱོགས་ཀྱི་སྒྲིག་གཞི་རང་བཞིན་གྱི་བཅོས་སྒྱུར་སྤེལ་ནས། སྤུས་ཚད་མཐོ་བའི་འཕེལ་རྒྱས་ཀྱི་རྨང་གཞི་རྒྱུན་ཆད་མེད་པར་ཇེ་བརྟན་དུ་གཏོང་དགོས། སྐྱེ་ཁམས་ཁོར་ཡུག་སྲུང་སྐྱོང་ལ་ཤུགས་བསྣན་ཏེ། གསར་སྤེལ་དང་སྲུང་སྐྱོང་བར་གྱི་འབྲེལ་བ་ཐག་གཅོད་ཡང་དག་བྱེད་པ་དང་། སྐྱེ་ཁམས་ཐོན་ལས་མྱུར་དུ་གོང་འཕེལ་དུ་བཏང་ནས། རྒྱལ་ཁབ་ཀྱི་ནུབ་རྒྱུད་སྐྱེ་ཁམས་བདེ་འཇགས་ཀྱི་ལྕགས་རི་བརྟན་པོར་བསྐྲུན་དགོས། དམངས་འཚོ་ལ་འགན་སྲུང་དང་ལེགས་བཅོས་བྱས་ཏེ། མི་དམངས་མང་ཚོགས་བསམ་འཆར་ཆེ་བའི་སློབ་གྲྭར་འགྲོ་དཀའ་བ་དང་། སྨན་བཅོས་བྱེད་དཀའ་བ། འགྲིམ་འགྲུལ་སྟབས་མི་བདེ་བ་སོགས་ཀྱི་གནད་དོན་ཐག་གཅོད་བཟང་བོ་བྱ་དགོས་ལ། གནོད་ཐེབས་མང་ཚོགས་དང་མཁར་གྲོང་གི་དཀའ་ངལ་ཅན་གྱི་མང་ཚོགས་ལ་སེམས་ཁུར་བྱེད་པ་དང་། མི་རིགས་མཐུན་སྒྲིལ་ཡར་ཐོན་གསར་འཛུགས་བྱ་བ་གཏིང་ཟབ་ཏུ་སྤེལ་བ། འགལ་བ་དང་རྩོད་གཞི་སེལ་བའི་བྱ་བ་ཟབ་མོར་སྤེལ་ནས། སྤྱི་ཚོགས་འཆམ་མཐུན་གཏན་འཇགས་ལ་སྲུང་སྐྱོང་བྱ་དགོས།
    ཏིང་ཞུའེ་ཞང་དང་ལིའུ་ཧི། ཧི་ལི་ཧྥུན་བཅས་དང་། ཀྲུང་དབྱང་འབྲེལ་ཡོད་སྡེ་ཁག་གི་འགན་ཁུར་བློ་མཐུན་གྱིས་མཉམ་དུ་རྟོག་ཞིབ་བྱས།།
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།