中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > གསར་འགྱུར། > རྒྱལ་ནང་གསར་འགྱུར། >
༄༅།། ཞི་ཅིན་ཕིང་གིས་ཀྲུང་དབྱང་དམག་དོན་ཨུ་ཡོན་ལྷན་ཁང་གི་བཀའ་ཁྱབ་དང་བོའི་སྟེང་མཚན་བཀོད་གནང་བ།
དུས་ཚོད།2021-01-11 16:46:30     རྩོམ་གྱི་ཡོང་ཁུངས། ཤིན་ཧྭ་གསར་འགྱུར་ཁང་གི་གསར་འཕྲིན།    ཆུང་། | འབྲིང་། | ཆེ།
    ཟླ 1པའི་ཚེས 4ཉིན་ལ། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅིའམ་རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཀྲུའུ་ཞི་ཞི་ཅིན་ཕིང་གིས་ཀྲུང་དབྱང་དམག་དོན་ཨུ་ཡོན་ལྷན་ཁང་གི་བཀའ་ཁྱབ་དང་བོའི་སྟེང་མཚན་བཀོད་དེ་དམག་ཡོངས་ལ་སྦྱོང་བརྡར་སྐུལ་སློང་བཀའ་ཁྱབ་བཏང་།
    2021ལོར། དམག་ཡོངས་ཀྱིས་ཞི་ཅིན་ཕིང་གི་དུས་རབས་གསར་བའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་མཛུབ་སྟོན་དུ་བྱེད་པ་དང་། ཞི་ཅིན་ཕིང་གི་དམག་དཔུང་སྟོབས་ལྡན་དགོངས་པ་དང་དུས་རབས་གསར་བའི་དམག་དོན་འཐབ་ཇུས་བྱེད་ཕྱོགས། ཀྲུང་དབྱང་དམག་དོན་ཨུ་ཡོན་ལྷན་ཁང་གི་དམག་དོན་སྦྱོང་བརྡར་གྲོས་ཚོགས་ཀྱི་དགོངས་དོན་བཅས་ལག་བསྟར་དོན་འཁྱོལ་བྱེད་པ། ཏང་གིས་དམག་དོན་སྦྱོང་བརྡར་བྱ་བའི་འགོ་ཁྲིད་ལ་ཤུགས་སྣོན་པ། དམག་འཐབ་གྲ་སྒྲིག་གཅིག་བསྡུས་བྱེད་པ། དམག་དོན་སྦྱོང་བརྡར་ཚུལ་བསྒྱུར་ལ་སྐུལ་འདེད་ནན་མོ་གཏོང་བ། དམག་དོན་སྦྱོང་བརྡར་མ་ལག་གསར་བ་འཛུགས་སྐྲུན་བྱེད་པ་བཅས་བྱས་ནས་སྦྱོང་བརྡར་དངོས་འཐབ་ཅན་གྱི་ཆུ་ཚད་དང་རྒྱལ་ཁ་ལེན་པའི་ནུས་པ་ཁྱོན་ཡོངས་ནས་མཐོར་འདེགས་གཏོང་དགོས།
    ཚན་རྩལ་གྱིས་སྦྱོང་བརྡར་ལ་ཤུགས་སྣོན་རྒྱུ་གཏིང་ཟབ་ཏུ་སྤེལ་བ་དང་། ཚན་རྩལ་ནུས་པ་ཇེ་དྲག་ཏུ་གཏོང་རྒྱུ་ནི་འཐབ་རྩོད་ནུས་པ་གཙོ་བོའི་དགོས་མཁོ་ཡིན་པ་དང་། དེང་རབས་ཚན་རྩལ་ལ་ཤུགས་སྣོན་པ་དང་། ལྷག་པར་དུ་དམག་དོན་ལག་རྩལ་མཐོ་བའི་ཤེས་བྱར་སློབ་སྦྱོང་བྱ་རྒྱུར་ཤུགས་སྣོན་པ། སྒྲིག་ཆས་གསར་བ་དང་སྟོབས་ཤུགས་གསར་བ། ཁྱབ་ཁོངས་གསར་བའི་སྦྱོང་བརྡར་བཅས་ལ་ཤུགས་སྣོན་པ་དང་། དམག་འཐབ་མ་ལག་གི་སྦྱོང་བརྡར་འདྲེས་པར་བྱེད་པ། ལད་ཟློས་ཅན་དང་དྲ་རྒྱ་ཅན། འགྲན་རྒོལ་རང་བཞིན་གྱི་ཐབས་ལམ་འཛུགས་སྐྲུན་ལ་ཤུགས་སྣོན་པ། ཚན་རྩལ་དང་དྲ་རྒྱ་མཉམ་བསྲེས་སོགས་ཀྱི་སྦྱོང་བརྡར་ཐབས་ལམ་འཚོལ་ཞིབ་བྱས་ནས་སྦྱོང་བརྡར་ཁྲོད་ཀྱི་ཚན་རྩལ་འདུས་ཚད་མཐོར་འདེགས་གཏོང་དགོས།
    ཁྲིམས་ལྟར་སྦྱོང་བརྡར་བྱ་རྒྱུ་གཏིང་ཟབ་ཏུ་སྤེལ་བ་དང་། སྦྱོང་བརྡར་དོ་དམ་གྱི་བཅོས་སྒྱུར་ལ་སྐུལ་འདེད་གཏོང་བ། སྦྱོང་བརྡར་གྱི་གཅིག་གྱུར་འཆར་འགོད་ལ་ཤུགས་སྣོན་པ། སྦྱོང་བརྡར་གྱི་ཁྲིམས་སྲོལ་ཚད་གཞི་འཐུས་ཚང་དུ་གཏོང་བ། སྦྱོང་བརྡར་གྱི་ནང་དོན་དང་ཐབས་ལམ་གསར་སྐྲུན་བྱེད་པ། རྩ་དོན་ལྟར་སྦྱོང་བརྡར་ནན་མོ་བྱེད་པ། སྦྱོང་བརྡར་གྱི་ལྟ་སྐུལ་ལ་ཤུགས་སྣོན་དང་ལེགས་བཅོས་བྱེད་པ། སྦྱོང་བརྡར་དཔྱད་ཞིབ་གདེང་འཇོག་མ་ལག་འཛུགས་སྐྲུན་དང་འཐུས་ཚང་དུ་གཏོང་བ། སྦྱོང་བརྡར་གྱི་བདེ་འཇགས་འགོག་སྲུང་དམ་འཛིན་བྱས་ནས་སྦྱོང་བརྡར་ནན་མོ་བྱེད་པ་དང་། ཚན་རིག་ལྟར་སྦྱོང་བརྡར་བྱེད་པ། བདེ་འཇགས་ངང་སྦྱོང་བརྡར་བྱེད་པ་བཅས་གཅིག་གྱུར་བྱ་རྒྱུ་མངོན་འགྱུར་བྱ་དགོས།
    དམག་ཡོངས་ཀྱི་འཐབ་མོ་བ་དག་གིས་ཏང་ཀྲུང་དབྱང་དང་ཀྲུང་དབྱང་དམག་དོན་ཨུ་ཡོན་ལྷན་ཁང་གི་ཇུས་ཆོད་མཛུབ་སྟོན་ལག་བསྟར་དོན་འཁྱོལ་བྱེད་པ་དང་། དཀའ་ངལ་ལ་མི་སྐྲག་པ་དང་རང་སྲོག་ཤོར་བར་མི་སྐྲག་པའི་འཐབ་རྩོད་སྙིང་སྟོབས་དར་སྤེལ་གཏོང་བ། སྦྱོང་བརྡར་སྤྱོད་ཚུལ་ལེགས་བཅོས་བྱེད་པ། འཐབ་རྩོད་ཀྱི་སྙིང་སྟོབས་སྦྱོང་བརྡར་བྱེད་པ་བཅས་བྱས་ནས། བློ་བརྟན་འགྱུར་མེད་ཀྱིས་ཏང་དང་མི་དམངས་ཀྱིས་གནང་བའི་དུས་རབས་གསར་བའི་འགན་འཁྲི་ཡོངས་གྲུབ་བྱ་དགོས་པ་དང་། གྲུབ་འབྲས་བཟང་བོས་ཀྲུང་གོ་གུང་ཁྲན་ཏང་བཙུགས་ནས་ལོ་འཁོར་བརྒྱ་ལོན་པར་དགའ་བསུ་ཞུ་དགོས།།
རྩོམ་སྒྲིག་པ། སངས་རྒྱས་འཚོ།      

Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།