中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > གསར་འགྱུར། > རྒྱལ་ནང་གསར་འགྱུར། >
༄༅།།ཞི་ཅིན་ཕིང་གིས་དཔུང་སྡེའི་དམག་གྲབས་ལས་དོན་ཐད་ཞིབ་བཤེར་གནང་བ།
དུས་ཚོད།2023-01-20 20:54:47     རྩོམ་གྱི་ཡོང་ཁུངས།ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།    ཆུང་། | འབྲིང་། | ཆེ།
       ལོ་སར་འཆར་ཉེར་ཡོད་པའི་སྐབས་སུ། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨའི་ཀྲུའུ་ཞི་ཞི་ཅིན་ཕིང་གིས་སྤྱི་ཚེས18ཉིན་པེ་ཅིང་བརྒྱད་གཅིག་ཐོག་བརྩེགས་ཁང་ཆེན་ནས་བརྙན་ལམ་བརྒྱུད་དམག་དཔུང་གི་དམག་གྲབས་ལས་ཀར་ཞིབ་བཤེར་གནང་བ་དང་འབྲེལ་ཡོད་དཔུང་སྡེར་བྱམས་བརྩེའི་ངང་འཚམས་འདྲི་ཞུས་གནང་ཞིང་། ཏང་ཀྲུང་དབྱང་དང་ཀྲུང་དབྱང་དམག་ཨུད་ཀྱི་ཚབ་ཞུས་ནས་མི་དམངས་བཅིངས་འགྲོལ་དམག་གི་བཀོད་འཐབ་པ་ཡོངས་དང་། དྲག་ཆས་ཉེན་རྟོག་དཔུང་སྡེའི་དཔོན་དམག དམག་དཔུང་གི་ཞི་བའི་ལས་དོན་སྒྲུབ་མཁན། ཡུལ་དམག་དང་གྲ་སྒྲིག་དམག་ཞབས་མི་སྣ་བཅས་ལ་ཟོལ་མེད་ཀྱི་འཚམས་འདྲི་དང་དཔྱིད་གསར་གྱི་སྨོན་འདུན་ཞུས་གནང་ཡོད། 
      ལོ་སར་འཆར་ཉེར་ཡོད་པའི་སྐབས་སུ་དམག་ཡོངས་ཀྱི་དམག་གྲབས་ལས་ཀར་དམ་འཛིན་ཅི་འདྲ་བྱུང་ཡོད་མེད་ཐད་ཞི་ཅིན་ཕིང་གིས་ཚད་མཐོའི་མཐོང་ཆེན་གནང་ཡོད། ཕྱི་དྲོའི་ཆུ་ཚོད4དང་སྐར་མ30གཡས་གཡོན་དུ། ཞི་ཅིན་ཕིང་གིས་མཐའ་སྲུང་མཚོ་སྲུང་མཁའ་སྲུང་དང་དེ་བཞིན་བརྟན་སྲུང་དང་ཐོལ་བྱུང་དོན་རྐྱེན་ཐག་གཅོད་བྱེད་པའི་དམག་གྲབས་ལས་འགན་འཁུར་མཁན་འབྲེལ་ཡོད་དཔུང་སྡེ་དང་བརྙན་ལམ་བརྒྱུད་བཀལ་མོལ་གནང་བ་རེད། ཤིན་ཅང་དམག་ཁུལ་གྱི་ཧུང་ཆི་ལཱ་ཕུའུ་མཐའ་སྲུང་བརྒྱ་ཤོག་གི་ལས་སྒྲུབ་སོ་ལྟ་ཁང་གིས་མེས་རྒྱལ་གྱི་ནུབ་སྒོ་ཆེན་མོ་སྲུང་བཞིན་ཡོད། ཞི་ཅིན་ཕིང་གིས་བརྒྱ་ཤོག་གི་མཐའ་མཚམས་སྐོར་གཡེང་དོ་དམ་ཚོད་འཛིན་གྱི་གནས་ཚུལ་ཐད་བཀའ་འདྲི་གནང་བ་དང་། ཁོང་ཚོ་ནི་རྒྱལ་སྲུང་མཐའ་སྲུང་གི་དཔེ་བཟང་རྙིང་བ་ཡིན་ཞེས་བསྔགས་བརྗོད་གནང་བ་མ་ཟད། ཚང་མར་ཡང་འབད་བསྐྱར་འབད་ཀྱིས་བྱས་རྗེས་གསར་བ་འཇོག་རྒྱུའི་སྐུལ་ལྕག་གནང་བ་རེད། མཚོ་དམག་གི་དཔུང་རུ173པས་དམག་གྲབས་སྐོར་གཡེང་ལས་འགན་སྒྲུབ་བཞིན་ཡོད་པ་དང་། ཞི་ཅིན་ཕིང་གིས་དཔུང་རུའི་འཕྲལ་སྒྲུབ་བཀོད་སྒྲིག་ཐད་ཀྱི་གྲ་སྒྲིག་གནས་ཚུལ་བཀའ་འདྲི་གནང་བ་དང་། ཁོང་ཚོར་མཚོ་ཐོག་ཏུ་དམག་འཐབ་བྱེད་པའི་ལོ་སར་ཞིག་བཏང་ནས་མེས་རྒྱལ་གྱི་མཚོ་ཁོངས་ཡག་པོ་སྲུང་དགོས་པའི་མངགས་བཅོལ་གནང་བ་རེད། མཁའ་དམག་མཁའ་འགྲུལ་དམག་གི་ལུའེ་ཤོག་ག་གེ་མོའི་ལས་རེས་ཡན་ལག་རུ་ཁག་གིས་དམག་འཐབ་ཀྱི་ལས་རེས་བྱེད་བཞིན་ཡོད། ཞི་ཅིན་ཕིང་གིས་ཡན་ལག་རུ་ཁག་གི་རྒྱུན་གཏན་མཁའ་ཟོན་དམག་གྲབས་ལས་དོན་སྤེལ་ཚུལ་ཐད་བཀའ་འདྲི་གནང་བ་དང་། ཁོང་ཚོར་གྲ་སྒྲིག་ཨང་གསར་བྱས་ནས་དུས་ཆེན་རིང་དེ་བས་དོགས་ཟོན་གྱིས་རང་རྒྱལ་གྱི་མཁའ་ཟོན་བདེ་འཇགས་སྲུང་སྐྱོང་ཡག་པོ་བྱེད་དགོས་པའི་བླང་བྱ་བཏོན་གནང་བ་རེད། དྲག་ཆས་ཉེན་རྟོག་ཁྲ་རྔོན་འཕྲལ་རྒོལ་རུ་ཁག་ནི་རྒྱལ་ཁབ་རིམ་པའི་འཇིགས་སྐུལ་ལ་ངོ་རྒོལ་བྱེད་པའི་དཔུང་སྡེ་གཙོ་བོ་ཞིག་ཡིན་པ་དང་། དཔོན་དམག་ཚོས་སྦྱོང་བརྡར་བྱ་ཡུལ་དུ་སྦྱོང་བརྡར་བྱེད་བཞིན་ཡོད། ཞི་ཅིན་ཕིང་གིས་དཔུང་སྡེའི་དམིགས་བསལ་དམག་འཐབ་རྩལ་ནུས་སྦྱོང་བརྡར་བྱས་ཚུལ་ཐད་བཀའ་འདྲི་གནང་བ་དང་། ཚང་མར་དཀའ་སྤྱད་འབད་བརྩོན་གྱིས་འཇོན་ནུས་ཆེ་རུ་གཏོང་བ་དང་བློ་དཀར་སེམས་དཀར་གྱི་སྲུང་དམག་ཡག་པོ་ཞིག་བྱ་རྒྱུའི་མངགས་བཅོལ་གནང་བ་རེད།    
     འབྲེལ་ཡོད་དམག་དཔུང་དང་བརྙན་ལམ་བརྒྱུད་དེ་བཀའ་མོལ་གནང་གྲུབ་རྗེས། ཞི་ཅིན་ཕིང་གིས་དཔུང་སྡེའི་དམག་གྲབས་ལས་ཀར་ཁས་ལེན་གང་ལེགས་གནང་ཡོད། ཁོང་གིས། དཔྱིད་གསར་དུས་ཆེན་འཆར་ཉེར་ཡོད་པས། དམག་ཡོངས་ཀྱི་དཔུང་སྡེས་དམག་གྲབས་ལས་རེས་ལ་ཤུགས་སྣོན་བརྒྱབ་ནས་རྒྱལ་ཁབ་ཀྱི་བདེ་འཇགས་དང་སྤྱི་ཚོགས་བརྟན་ལྷིང་སྲུང་སྐྱོང་མཐའ་གཅིག་ཏུ་བྱེད་པ་དང་། ཉེན་སེལ་གེགས་སེལ་སོགས་དཀའ་ཉེན་ཆེ་ལ་ཛ་དྲག་ཅིང་ལྗིད་རྫོབ་ཆེ་བའི་ལས་འགན་ཐོན་ཚེ་ལེགས་སྒྲུབ་ཡག་པོ་བྱས་ཏེ། རྒྱལ་ཡོངས་མི་དམངས་རྣམས་སྤྲོ་སྣང་དང་། ཞི་མཐུན། བདེ་འཇགས་བཅས་ཀྱི་དཔྱིད་གསར་དུས་ཆེན་ཞིག་གཏོང་ཐུབ་པར་འགན་ལེན་བྱེད་དགོས་པ་དང་དུས་མཚུངས། གཅིག་གྱུར་འཆར་འགོད་ཡག་པོ་བྱ་རྒྱུར་སྣང་ཆེན་བྱས་ནས་དཔོན་དམག་གི་དུས་ཆེན་རིང་གི་འཚོ་བ་བཀོད་སྒྲིག་ཡག་པོ་བྱེད་དགོས་ཞེས་ནན་སྟོན་གནང་ཡོད།  
     ཀྲང་ཡིའུ་ཞ་དང་། ཧོ་ཝེ་ཏུང་། ལི་ཧྲང་ཧྥུ། ལིའུ་ཀྲེན་ལི། མེའོ་ཧྭ། ཀྲང་ཧྲེང་རྨིན་སོགས་བྱེད་སྒོར་ཞུགས་ཡོད་པ་རེད།།
རྩོམ་སྒྲིག་པ། པདྨ་འཚོ།
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།