中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > གསར་འགྱུར། > རྒྱལ་སྤྱིའི་གསར་འགྱུར། >
༄༅།། མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱིས་དྲག་ཆས་ཉེས་ཅན་གྱིས་མཱ་ལི་རུ་སྡོད་པའི་ཞི་བདེ་སྲུང་སྐྱོང་དམག་དཔུང་ལ་འཇབ་རྒོལ་བྱས་པར་རྒོལ་གཏམ་དྲག་པོ་བཏང་བ།
དུས་ཚོད།2021-04-07 19:38:15     རྩོམ་གྱི་ཡོང་ཁུངས། ཤིན་ཧྭ་གསར་འགྱུར་ཁང་གི་གསར་འཕྲིན།    ཆུང་། | འབྲིང་། | ཆེ།
    ཟླ 4བའི་ཚེས 3ཉིན་ལ།  མཉམ་འབྲེལ་རྒྱལ་ཚོགས་བདེ་འཇགས་ལས་འཛིན་ལྷན་ཚོགས་ཀྱིས་གསལ་བསྒྲགས་སྤེལ་ཏེ། དྲག་ཆས་ཉེས་ཅན་གྱིས་ཚེས 2ཉིན་མཉམ་འབྲེལ་རྒྱལ་ཚོགས་ཀྱི་མཱ་ལིའི་ཕྱོགས་བསྡུས་གཏན་འཇགས་ཆེད་མངག་ཚོགས་པར་འཇབ་རྒོལ་བྱས་པར་རྒོལ་གཏམ་དྲག་པོ་བཏང་།
    མཱ་ལིའི་གཏན་འཇགས་ཆེད་མངག་ཚོགས་པའི་མཱ་ལིའི་བྱང་ཕྱོགས་ཀྱི་ཅི་ཏཱ་ཨར་ས་ཁོངས་ཀྱི་ཨ་ཀའེ་ལོ་ཁི་ས་ཁུལ་དུ་ཡོད་པའི་དམག་སྒར་ཞིག་ལ་ཚེས་གཉིས་ཉིན་འཇབ་རྒོལ་ཐེབས་ཏེ། ཀྲ་ཏིའི་ཞི་བདེ་སྲུང་སྐྱོང་དམག་མི་བཞི་རྐྱེན་ལམ་དུ་ཤོར་བ་དང་། མི་བཅུ་དགུར་རྨས་ཕོག་ཡོད།
    བདེ་འཇགས་ལས་འཛིན་ལྷན་ཚོགས་ཀྱིས་ཁ་ཚིག་དྲག་པོས་ཐེངས་འདིའི་འཇབ་རྒོལ་དོན་རྐྱེན་ལ་རྒོལ་གཏམ་དྲག་པོ་བཏང་། གསལ་བསྒྲགས་ལས་བཤད་རྒྱུར། བདེ་འཇགས་ལས་འཛིན་ལྷན་ཚོགས་ཀྱི་ཁོངས་གཏོགས་རྒྱལ་ཁབ་དག་གིས་མཱ་ལིའི་སྲིད་གཞུང་གིས་མྱུར་མོར་འཇབ་རྒོལ་དོན་རྐྱེན་དེར་རྟོག་ཞིབ་བྱས་ཏེ། ལག་དམར་ཁྲིམས་ལ་སྦྱོར་དགོས་པའི་འབོད་སྐུལ་བཏང་བ་མ་ཟད། དེའི་ཞོར་དུ་ཞི་བདེ་སྲུང་སྐྱོང་མི་སྣར་དམིགས་པའི་འཇབ་རྒོལ་དེས་འཐབ་འཁྲུག་ནག་ཉེས་གྲུབ་ཡོད་སྲིད་པས། ཐེངས་འདིའི་འཇབ་རྒོལ་གྱི་འཆར་འགོད་མཁན་དང་བཀོད་འདོམ་མཁན། རོགས་སྐྱོར་མཁན། ལག་བསྟར་མཁན་བཅས་བདེ་འཇགས་ལས་འཛིན་ལྷན་ཚོགས་ཀྱི་གྲོས་ཆོད་ལས་གཏན་འཁེལ་བྱས་པའི་བཀག་སྡོམ་བྱ་ཡུལ་དུ་འགྱུར་ཡང་སྲིད་པ་ནན་གྱིས་བསྟན།
    གསལ་བསྒྲགས་ལས་བཤད་རྒྱུར། བདེ་འཇགས་ལས་འཛིན་ལྷན་ཚོགས་ཀྱི་ཁོངས་གཏོགས་རྒྱལ་ཁབ་དག་གིས་མཱ་ལིའི་བདེ་འཇགས་གནས་བབ་དང་སཱ་ཧི་ལེ་ས་ཁུལ་གྱི་འཇིགས་སྐུལ་འཇིགས་ཉེན་གྱི་རྒྱལ་ཁོངས་བརྒལ་བའི་རང་བཞིན་ལ་སེམས་ཁུར་བྱེད་བཞིན་ཡོད་པ་དང་། མཱ་ལིའི་ཕྱོགས་ཁག་སོ་སོས་ཞི་བདེ་དང་འགྲིག་མཐུན་གྱི་གྲོས་མཐུན་ཕྱོགས་ཡོངས་ནས་ལག་བསྟར་བྱ་དགོས་པའི་འབོད་སྐུལ་བཏང་། ཕྱོགས་ཡོངས་ནས་གྲོས་མཐུན་ལག་བསྟར་བྱེད་པ་དང་དོ་མཉམ་མིན་པའི་འཇིགས་ཉེན་ལ་ཆམ་ཕབ་གཏོང་བར་ཤུགས་སྣོན་བྱས་ན་མཱ་ལི་མངའ་ཁོངས་ཧྲིལ་བོའི་བདེ་འཇགས་གནས་བབ་ལེགས་བཅོས་བྱེད་པར་ཕན་ཐོགས་ཡོད་པ་དང་། སཱ་ཧི་ལེའི་རྒྱལ་ཁབ་ལྔའི་སྡེ་ཚོགས་ཀྱི་མཉམ་འབྲེལ་དམག་དཔུང་གིས་ས་ཁུལ་དེའི་འཇིགས་སྐུལ་རྩ་འཛུགས་དང་རྩ་འཛུགས་ཡོད་པའི་ནག་ཉེས་ཚོགས་ཁག་གཞན་པར་ཆམ་ཕབ་བཏང་ན་སཱ་ཧི་ལེ་ས་ཁུལ་གྱི་གཏན་འཇགས་ལ་སྲུང་སྐྱོང་བྱེད་པར་ཕན་ཐོགས་ཡོད།
    ཚེས 2ཉིན། མཉམ་འབྲེལ་རྒྱལ་ཚོགས་ཀྱི་དྲུང་ཡིག་ཆེན་མོ་ཀུའུ་ཐི་ལོས་སི་ཡིས་ཁོའི་མགྲིན་ཚབ་པ་བརྒྱུད་དེ་གསལ་བསྒྲགས་སྤེལ་ནས། ཐེངས་འདིའི་འཇབ་རྒོལ་དོན་རྐྱེན་ལ་རྒོལ་གཏམ་དྲག་པོ་བཏང་བ་དང་། མཱ་ལིའི་སྲིད་གཞུང་གིས་ནུས་པ་ཅི་ཡོད་བཏོན་ནས་མྱུར་མོར་ལག་དམར་ཁྲིམས་ལ་སྦྱོར་དགོས་པའི་འབོད་སྐུལ་བཏང་།
རྩོམ་སྒྲིག་པ། སངས་རྒྱས་འཚོ།
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།