中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > རིག་གནས་སློབ་གསོ། > བོད་ཀྱི་རིག་གནས། >
༄༅།། ཡར་ཀླུང་རིག་གནས་དུས་ཆེན།
དུས་ཚོད།2019-08-26 11:22:04     རྩོམ་གྱི་ཡོང་ཁུངས། བོད་ལྗོངས་ཉིན་རེའི་ཚགས་པར།    ཆུང་། | འབྲིང་། | ཆེ།
ལྷོ་ཁའི་ཡར་ཀླུང་ནི་བོད་མི་རིགས་ཀྱི་འབྱུང་ཁུངས་དང་བོད་ཀྱི་རིག་གནས་དར་ཡུལ་གཙོ་བོ་ཡིན་ཞིང་། ཡར་ཀླུང་རིག་གནས་དུས་ཆེན་དེ་ལོ་རེའི་སྟོན་ཟླ་བརྒྱད་པའི་ནང་གཟབ་རྒྱས་ངང་སྐོང་ཚོགས་བྱེད་ཅིང་། དུས་ཡུན་ཉིན་ལྔ་ཙམ་གཏོང་བའི་རིག་གནས་དུས་ཆེན་ཐོག་མངོན་གསལ་དོད་ཤོས་ནི་སྣ་མང་ཕུན་སུམ་ཚོགས་པའི་རིག་རྩལ་ལེ་ཚན་ཡིན་ཞིང་། ཉིན་དེ་དག་རིང་ལྷོ་ཁའི་རྫོང་ཁག་གི་དམངས་ཁྲོད་སྒྱུ་རྩལ་ཚོགས་པས་རང་སོ་སོའི་ཁྱད་ཆོས་ལྡན་པའི་འཁྲབ་སྟོན་དང་། རྩེད་ཐང་གྲོང་མི་ཨུ་ཡོན་ལྷན་ཁང་གི་ལྷ་མོ་ཚོགས་པས་ལྷ་མོ་འཁྲབ་སྟོན། ལྷོ་ཁའི་སྒོར་གཞས་འཁྲབ་པ་སོགས་བྱེད་པ་མ་ཟད། སྐབས་རེ་ལྗོངས་ནང་ཁུལ་ནས་གདན་ཞུ་བྱས་པའི་ཆབ་མདོ་དང་ཉིང་ཁྲི་ས་ཁུལ་སྒྱུ་རྩལ་ཚོགས་པ་སོགས་ཀྱིས་ངོ་མཚར་ཆེ་བའི་འཁྲབ་སྟོན་བྱེད་ཀྱི་ཡོད་པས། ས་གནས་དེ་གའི་མང་ཚོགས་དང་ཕྱོགས་བཞིའི་སྐུ་མགྲོན་རྣམས་ལ་སྒྱུ་རྩལ་གྱི་སྟོན་མོ་གྱ་ནོམ་པ་ཞིག་ལོངས་སྤྱོད་ཐུབ་ཀྱི་ཡོད།
 
                     ཡར་ཀླུང་རིག་གནས་དུས་ཆེན་ཐོག ད་དུང་ལྷོ་ཁའི་སྤྱི་ཚོགས་དཔལ་འབྱོར་འཕེལ་རྒྱས་ཀྱི་གྲུབ་འབྲས་འགྲེམས་སྟོན་དང་། ལྷོ་ཁའི་དམིགས་བསལ་ཐོན་ཟོག་འགྲེམས་ཚོང་། ཡུལ་སྐོར་རིག་གནས་ཀྱི་རིམ་སྤེལ་བྱེད་སྒོ ཚོང་འགུགས་རྣམ་གྲངས་འོས་སྦྱོར་ཚོགས་འདུ་སོགས་འཚོགས་ནས་ལྷོ་ཁའི་སྣོད་བཅུད་ཞིང་ལས་དང་། མི་རིགས་ལག་ཤེས་བཟོ་ལས། བོད་སྨན་ཐོན་ལས་སོགས་ངོ་སྤྲོད་རྒྱ་ཆེར་བྱས་ནས་ལྷོ་ཁའི་སྤྱི་ཚོགས་དཔལ་འབྱོར་མཆོང་སྐྱོད་ལྟ་བུའི་འཕེལ་རྒྱས་ཡོང་བ་དང་བསམ་པའི་དཔལ་ཡོན་གཏོད་པར་སྤྱི་ཚོགས་ཀྱི་རྣམ་པ་བཟང་པོ་བཏོད་ཡོད། ལྷག་དོན་དུ་ཡུལ་སྐོར་རིག་གནས་ཀྱི་རིམ་སྤེལ་བྱེད་སྒོའི་ནང་རྐང་འཁོར་བཞོན་ནས་ཡར་འབྲོག་གཡུ་མཚོ་བསྐོར་བ་དང་། མོན་པའི་ཚངས་དབྱངས་རྒྱ་མཚོའི་མགུར་གླུའི་ཡུལ་སྐོར་རིག་གནས་དུས་ཆེན། གྲི་གུའི་འབྲོག་པའི་དུས་ཆེན། རྒྱ་ཚའི་དྭགས་པོ་སྟར་ཁའི་དུས་ཆེན་སོགས་རིམ་སྤེལ་བྱས་ནས་ཕྱོགས་བཞིའི་སྐུ་མགྲོན་ཚོས་ཡར་ཀླུང་གི་རང་བྱུང་མཛེས་ལྗོངས་དང་དམངས་སྲོལ་རིག་གནས་རིམ་བཞིན་ཉམས་སུ་མྱོང་ཐུབ་པ་བྱེད་པ་སོགས་ལྷོ་ཁའི་ཡར་ཀླུང་རིག་གནས་དུས་ཆེན་དེ་རྒྱལ་ཡོངས་སུ་མིང་གྲགས་ཆོད་པའི་དུས་ཆེན་གྱི་གྲགས་རྟགས་ཤིག་ཏུ་གཉེར་རྒྱུའི་དམིགས་ཚད་སྒྲུབ་ཐུབ་པ་བྱེད་ཀྱི་ཡོད།
 
               ལྷོ་ཁ་གྲོང་ཁྱེར་རི་བོ་ཧི་མ་ལ་ཡ་དང་གངས་དཀར་ཏེ་སིའི་རི་རྒྱུད་དང་ཡར་ཀླུང་གཙང་པོའི་བྱང་ངོས་སུ་གནས་ཤིང་། དེ་གར་ཐོན་ཁུངས་ཕུན་སུམ་ཚོགས་ལ་བོད་མིའི་འབྱུང་ཁུངས་དང་བོད་ཀྱི་རིག་གནས་དར་སར་བརྩི་བས་ཕོ་བྲང་དང་པོ་དང་། ཞིང་ཁ་དང་པོ། དགོན་པ་དང་པོ་སོགས་བོད་ཀྱི་ཨང་དང་པོ་མང་དག་ཅིག་ཡོད་ཅིང་། མི་སྣ་གྲགས་ཅན་ཐོན་མང་བ། གནས་དང་གནས་རི་མང་ལ། རིག་གནས་ཕུན་སུམ་ཚོགས་པོ་ཡོད་པའི་ཁར་རིག་གནས་དུས་ཆེན་གྱི་བྱེད་སྒོ་རབ་དང་རིམ་པ་དེ་དག་གིས་ཡར་ཀླུང་གི་སྤྱི་ཚོགས་དང་། དཔལ་འབྱོར། རིག་གནས་བཅས་ཀྱི་སྙན་གྲགས་དེ་བས་གོང་མཐོར་འགྲོ་བར་མཐུན་རྐྱེན་བཟང་པོ་བསྐྲུན་ཡོད། 
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།