中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > ཆོས་ལུགས། > དུས་ཆེན། >
༄༅།། སྐུ་འབུམ་བྱམས་པ་གླིང་གི་མེ་ཏོག་མཆོད་པ།
དུས་ཚོད།2015-12-08 12:18:55     རྩོམ་གྱི་ཡོང་ཁུངས།ལུག་ཚང་དཔལ་ཡོན། རྩོམ་སྒྲིག་པ། དངོས་སྦྱོང་སློབ་མ་ལྷ་མོ་སྒྲོན།    ཆུང་། | འབྲིང་། | ཆེ།
      སྙན་པའི་གྲགས་པ་ཡུལ་གྲུ་ཀུན་ལ་ཁྱབ་པའི་སྐུ་འབུམ་བྱམས་པ་གླིང་གི་མེ་ཏོག་མཆོད་པ་ནི། བོད་མི་རིགས་ཀྱི་བློ་གྲོས་ཀྱི་རྩལ་ལས་བྱུང་བའི་ཐུན་མོང་མ་ཡིན་པའི་སྒྱུ་རྩལ་བརྩམས་ཆོས་ལེགས་པོ་ཞིག་ཡིན་པས། ད་ལྟ་རྒྱལ་ཁབ་ཕྱི་ནང་གི་ལྗོངས་རྒྱུ་པ་དང་མཇལ་སྐོར་པ་རྣམས་ཀྱི་མིག་གི་དབང་བོ་ཅིག་ཅར་འཕྲོག་སྟེ། མཐོང་མ་ཐག་ནས་བསྟོད་པའི་མཐེ་བོང་མི་སྒྲེང་མཁན་གཅིག་ཀྱང་མེད། སྐུ་འབུམ་བྱམས་པ་གླིང་གི་མེ་ཏོག་མཆོད་པ་བྱུང་ཚུལ་མི་འདྲ་བ་གཉིས་མཆིས་ཏེ། དང་པོ་ནི་རྒྱ་བཟའ་ཀོང་ཇོ་བོད་དུ་ཕེབས་སྐབས་སྐལ་རྫོགས་སུ་བསྣམས་པའི་ཇོ་བོ་ཤཱཀྱ་མུ་ནེ་དགུང་ལོ་བཅུ་གཉིས་ལ་སོན་པའི་སྐུ་ཞལ་དེ་ར་ས་གཙུག་ལག་ཁང་དུ་བཞུགས་སུ་བཅུག རྒྱ་གར་དུ་སྐུ་གསུང་ཐུག་རྟེན་ལ་མེ་ཏོག་དང་དྲི་ཆབ། ཞལ་ཟས་མར་མེ་སོགས་ཀྱིས་མཆོད་པའི་སྲོལ་ཡོད་མོད། བོད་ཡུལ་ནི་བསིལ་དུས་ཀྱི་ཡུན་ཅུང་རིང་བའི་ཡུལ་གྲུ་ཡིན་པས། མེ་ཏོག་གི་མཆོད་པའི་རྒྱུན་རིང་བོ་བསྲིངས་མི་ཐུབ། དེ་ནས་མར་རྒྱན་གྱིས་བཟོས་པའི་མེ་ཏོག་གི་མཆོད་པ་ཕུལ་བས། ད་ལྟའི་ཐུན་མོང་མ་ཡིན་པའི་སྒྱུ་རྩལ་གྱི་སྲོལ་རྒྱུན་འདི་ཉིད་བྱུང་བར་གྲགས།  
\
  གཉིས་པ་ནི་རྗེ་ཙོང་ཁ་པ་ཆེན་པོ་ཞལ་བཞུགས་དུས་མནལ་ལམ་དུ་འཇིག་རྟེན་སྟེང་གི་རྩྭ་རྩི་ཤིང་ཐམས་ཅད་སྒྲོན་མེ་དང་། ཚེར་མ་ཐམས་ཅད་མེ་ཏོག་ཏུ་གྱུར་པ་ཞིག་རྨིས། ཕྱི་ཉིན་ཁོང་གིས་མནལ་ལམ་ཇི་བཞིན་འཁོར་རྣམས་ལ་གསོལ་མར་གྱིས་མེ་ཏོག་བཟོ་བར་བསྐུལ་ནས་མེ་ཏོག་གི་མཆོད་པས་རྒྱ་ལོའི་བཅོ་ལྔའི་ཉིན་སྐུ་གསུང་ཐུགས་རྟེན་ལ་མཆོད་པ་ཕུལ། དུས་དེ་ནས་བཟུང་ལོ་རེ་བཞིན་རྒྱུན་ཆད་མེད་པར་མེ་ཏོག་གི་མཆོད་པ་བྱས་པར་གྲགས། མེ་ཏོག་གི་མཆོད་པ་འདི་ནི་ཟངས་བཟོ་དང་འཇིམ་བཟོ་ལྟ་བུ་ཞིག་མིན་པར། མར་གྱི་སྲ་མཁྲེགས་སྲུང་འཛིན་བྱེད་ཆེད་ལས་བཟོ་བྱེད་པའི་དུས་ནི་དགུན་དུས་ཡིན་དགོས། ལོ་ངོ་འདི་གར་བཞེངས་པའི་མེ་ཏོག་མཆོད་པ་ལའང་རྣམ་པ་མང་ཞིང་རྒྱ་ཧ་ཅང་ཆེ་སྟེ།༼སངས་རྒྱས་ཀྱི་མཛད་རྣམ༽དང་། ༼དྲི་མེད་ཀུན་ལྡན༽ ༼འགྲོ་བ་བཟང་མོ༽༼འཇམ་པའི་དབྱངས༽སོགས་གཙོ་སྐུ་རུ་བཞེངས་ཡོད་པ་མ་ཟད། ཟུར་བརྒྱན་དུ་རི་དང་གཙང་བོ། བ་གམ། ལྡིང་ཁང་སོགས་བཞེངས་ཡོད་པས་དངོས་གནས་ལྟ་བས་ཆོག་མི་ཤེས་པ་ཞིག་ཡིན་ནོ། །
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།