中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > ཆོས་ལུགས། > གསུང་རབ། >
༄༅།། ཆོས་ཀྱི་རྩ་བ་ནི་སྙིང་རྗེ་ཡིན།
དུས་ཚོད།2017-11-01 15:06:48     རྩོམ་གྱི་ཡོང་ཁུངས། རྔ་བའི་གསར་འགྱུར་དྲ་བ།    ཆུང་། | འབྲིང་། | ཆེ།
  \
  ཆོས་ཀྱི་རྩ་བ་སྙིང་རྗེ་ཡིན་པར་སྟོན་པས་གསུངས་ཀྱང་དེ་གལ་ཆེ་བའི་རང་བཞིན་མ་ཤེས་ན། དམ་པའི་ཆོས་ཀྱི་མཛད་འཕྲིན་མ་ཟད་འཇིག་རྟེན་བྱ་བ་ཕྲན་ཚེགས་ཤིག་ཀྱང་ལེགས་འགྲུབ་འབྱུང་དཀའ། ང་ཚོས་ཆོས་འཇིག་རྟེན་གྱི་བྱ་བ་གང་ཡིན་ཡང་སྙིང་རྗེ་ཐོག་མར་གལ་ཆེ་བ་ཁོ་ན་བསམས་ཀྱིན་ཡོད་པ་ལས། བྱ་བའི་བར་མཇུག་ཏུ་སྙིང་རྗེ་ཡི་ཆོས་སྐོར་ལ་དོ་སྣང་དེ་ཙམ་མི་འབྱུང་ལ། དེ་མ་བྱུང་བས་ཐོག་མར་སྙིང་རྗེས་ཆོས་སམ་འཇིག་རྟེན་གྱི་བྱ་བ་ཞིག་དཀའ་བ་ཆེན་པོས་མགོ་བརྩམས་ཡང་། བར་དུ་བརྩེ་བས་བདག་སྐྱོང་དང་སེམས་ཅན་གྱི་ལོག་སྒྲུབ་ལ་བཟོད་པའི་སྙིང་རྗེ་སྐྱེས་པ་མེད་པས་ཡིད་ཞུམ་ནས་ལྷག་བསམ་དང་སྤོབས་པ་ཉམས་པར་གྱུར་སྟེ་དོན་མཐའ་འཁྱོངས་པ་དཀའ། བར་དུ་སྙིང་རྗེ་ཆེན་པོས་དོན་དེ་ལེགས་པར་སྒྲུབ་ཡང་མཇུག་ཏུའང་སྙིང་རྗེ་མེད་ན། དོན་དེ་ལེགས་འགྲུབ་བྱུང་ཡང་རྐྱེན་སྣ་ཚོགས་ཀྱིས་ཡལ་བར་བོར་བའམ་ཆུད་ཟོས་དང་ལེ་ལོ་སོགས་ཀྱིས་སེམས་ཅན་ལ་ཕན་པའི་འབྲས་བུ་མངོན་མི་ཐུབ། དེ་བས་སྙིང་རྗེ་ནི་ཐོག་མཐའ་བར་གསུམ་དུ་གལ་ཆེ་བས་ཆོས་དང་འཇིག་རྟེན་བྱ་བའི་ལམ་གྱི་རྩ་བ་སྟེ། དཔལ་ལྡན་ཟླ་བ་གྲགས་པས། གང་ཕྱིར་བརྩེ་ཉིད་རྒྱལ་བའི་ལོ་ཏོག་ཕུན་ཚོགས་འདིས།། ས་བོན་དང་ནི་སྤེལ་ལ་ཆུ་འདྲ་ཡུན་རིང་དུ།། ལོངས་སྤྱོད་གནས་ལ་སྨིན་པ་ལྟ་བུར་འདོད་གྱུར་བ།། དེ་ཕྱིར་བདག་གིས་ཐོག་མར་སྙིང་རྗེ་བསྟོད་པར་བགྱི།། ཞེས་གསུངས་པ་སྤྱི་ཚོགས་འདིའི་སྐྱ་སེར་ཡོངས་ལ་གདམས་པའི་གནད་དུ་མཐོང་ངོ་།།
                                    རྩོམ་སྒྲིག་པ། རྡོ་རྗེ་བཀྲ་ཤིས།

 
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།