中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > བཅའ་ཁྲིམས་ཁྲིམས་སྲོལ། > རྒྱལ་ཁབ་ཀྱི་བཅའ་ཁྲིམས། >
༄༅།། ཟ་ཁང་རྒྱན་འཛུགས་ཁང་དུ་བསྒྱུར། ཡོང་འབབ་མ་བྱུང་ཆག་སྒོ་ཉོས།
དུས་ཚོད།2017-06-14 15:28:34     རྩོམ་གྱི་ཡོང་ཁུངས།བོད་ལྗོངས་ཁྲིམས་ལུགས་ཚགས་པར།    ཆུང་། | འབྲིང་། | ཆེ།
   ཉིན་ཤས་གོང་། ཀུན་བདེ་གླིང་མངགས་གཏོང་ཁང་བདེ་འཇགས་རུ་འབྲིང་གི་མི་དམངས་ཉེན་རྟོག་པས་ཁོངས་གཏོགས་ཁུལ་དུ་སྐོར་ཞིབ་བྱེད་རིང་རྒྱ་མཚོ་གྲོང་མི་ཨུ་ལྷན་ཉེ་འགྲམ་གྱི་ཟ་ཁང་ཞིག་ནང་མི་ཁག་གཅིག་གིས་དྲ་རྒྱའི་རྒྱན་ཤོག་ལ་བརྟེན་ནས་ཁྲིམས་འགལ་ངང་རྒྱན་པོ་འགྱེད་བཞིན་ཡོད་པ་ཤེས་རྟོགས་བྱུང་།  
   མི་དམངས་ཉེན་རྟོག་པས་འཕྲལ་མར་བརྟག་དཔྱད་དཔང་ལེན་བྱས་པ་བརྒྱུད། རྒྱན་འགྱེད་བྱ་ཡུལ་དེའི་ཞིབ་ཕྲའི་གནས་ཚུལ་དང་བྱེད་སྤྱོད་སྤེལ་བའི་ཆོས་ཉིད་ཁོང་དུ་གསལ་པོ་ཆུད་པ་བྱས་ཏེ་འབྲེལ་ཡོད་ཆ་འཕྲིན་དཔྱད་ཞིབ་བྱས་རྗེས། མངགས་གཏོང་ཁང་གི་བདེ་འཇགས་མི་དམངས་ཉེན་རྟོག་པས་ཉིན་དེའི་དགོང་མོའི་ཆུ་ཚོད་23དང་སྐར་མ་20ལ་ལྐོག་ཏུ་རྒྱན་འགྱེད་སྒྲིག་འཛུགས་བྱེད་མཁན་ཁྲིམས་འགལ་བ་ལིའུ་ཆེ་གེ་མོ་དང་དབྱང་ཆེ་གེ་མོ་བཟུང་བ་རེད།
ལིའུ་ཆེ་གེ་མོས་ངོས་ལེན་ཞུས་དོན། དྲ་རྒྱའི་རྒྱན་འགྱེད་དེར་འབྲེལ་ཡོད་སྡེ་ཚན་གྱི་གཉེར་སྐྱོང་ཆོག་མཆན་ཐོབ་མེད་ལ་བཅའ་ཁྲིམས་ཀྱི་སྲུང་སྐྱོང་ཡང་ཐོབ་མེད། རྒྱན་པོ་འགྱེད་སྟངས་ནི“ཆེ་ཆུང་དང་། ཆ་ཡ། སྟག་འབྲུག”སོགས་འདེམས་དགོས་ཀྱི་ཡོད། བྱ་དགའ་ཐོབ་རྗེས་སྐྱིན་པ་གསབ་ཚད་མཐོ་དམའ་གཞིར་བཟུང་བྱ་དགའ་ཐོབ་མཁན་ལ་སྤྲོད་དགོས་པ་དང་རྒྱན་འཇོག་དངུལ་ནི་སྒོར་10ནས་སྒོར་10000བར་ཡིན། “རྒྱན་ཤོག་འཚོང་ཡུལ”འདི་ལོའི་ཟླ་4ཚེས་1ཉིན་ནས་ད་བར་བཙུགས་ཚུན་ཁྲིམས་འགལ་ཐོབ་ཆ་སྒོར་8000ལྷག་ཙམ་ཟིན་ཡོད་པ་རེད།
   ཀུན་བདེ་གླིང་མངགས་གཏོང་ཁང་བདེ་འཇགས་རུ་འབྲིང་གི་མི་དམངས་ཉེན་རྟོག་པས་དྲ་རྒྱའི་རྒྱན་འགྱེད་ལ་རྒྱན་པོ་འགྱེད་ས་དང་། རྒྱན་འགྱེད་དངུལ། རྒྱན་པོ་འགྱེད་མཁན་བཅས་མཐོང་རྒྱུ་མེད་ཀྱང་དེ་སྲོལ་རྒྱུན་གྱི་རྒྱན་འགྱེད་ཉེས་གསོག་དང་ངོ་བོའི་ཐོག་ནས་འདྲ་པོ་ཡོད་ཅིང་། ཚང་མའི་རྒྱན་པོ་འགྱེད་རྒྱུར་དགའ་བའི་མི་གཤིས་ལ་བསྟུན་ནས་རྒྱུ་ནོར་མགོ་སྐོར་གཡོ་ལེན་བྱེད་ཀྱི་ཡོད། རྒྱན་པོ་འགྱེད་སྟངས་དེའི་སྦས་བསྐུས་རང་བཞིན་ཚད་གཞི་ངེས་ཅན་ཞིག་གི་ཐོག་ནས་བརྗོད་ན་དེ་ནི་གསར་དུ་དར་བའི་དྲ་རྒྱའི་ཞབས་ཞུའི་བྱེད་ཐབས་ལ་བརྟེན་ནས་དྲ་རྒྱའི་འཕེལ་རྒྱས་ལ་ལྟ་སྐུལ་དོ་དམ་བྱེད་མི་ཐུབ་པའི་སྟོང་ཆ་སྤྱད་པ་ཞིག་རེད་ཅེས་ངོ་སྤྲོད་བྱས་པ་རེད།
མིག་སྔར་ལིའུ་ཆེ་གེ་མོ་དང་དབྱང་ཆེ་གེ་མོས་དྲ་རྒྱའི་རྒྱན་ཤོག་ལ་བརྟེན་ནས་མི་སྣ་སྒྲིག་འཛུགས་ཀྱིས་ཁྲིམས་འགལ་ངང་རྒྱན་པོ་འགྱེད་པའི་ཁྲིམས་འགལ་དོན་དངོས་ངོས་ལེན་གཙང་ཞུ་བྱས་པ་རེད། ཀུན་བདེ་གླིང་མངགས་གཏོང་ཁང་བདེ་འཇགས་རུ་འབྲིང་གིས《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་བདེ་འཇགས་དོ་དམ་གྱི་ཆད་གཅོད་བཅའ་ཁྲིམས》ཀྱི་དོན་ཚན་བདུན་ཅུའི་གཏན་འབེབས་གཞིར་བཟུང་ཁྲིམས་ལྟར་ལིའུ་ཆེ་གེ་མོར་སྲིད་འཛིན་བཀག་ཉར་ཉིན་15དང་དངུལ་ཆད་སྒོར་500གཏོང་རྒྱུ་དང་། དབྱང་ཆེ་གེ་མོར་སྲིད་འཛིན་བཀག་ཉར་ཉིན10དང་དངུལ་ཆད་སྒོར500གཏོང་རྒྱུའི་ཆད་པ་བཅད་པ་རེད།   །
 
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།