中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > བཅའ་ཁྲིམས་ཁྲིམས་སྲོལ། > རྒྱལ་ཁབ་ཀྱི་བཅའ་ཁྲིམས། >
༄༅།། འཛད་སྤྱོད་པས་ཚོང་རྫས་ཉོ་སྐབས་བདེན་དཔང་གང་དག་ལེན་དགོས།
དུས་ཚོད།2017-07-14 09:08:38     རྩོམ་གྱི་ཡོང་ཁུངས།ཀྲུང་གོ་བོད་ཀྱི་དྲ་བ།     ཆུང་། | འབྲིང་། | ཆེ།
    ཚོང་རའི་སྟེང་ཚོང་རྫས་རྫུན་མ་བསྟུད་མར་ཐོན་ཡོང་དུས། འཛད་སྤྱོད་པས་ཚོང་རྫས་ཉོ་བའམ་ཡང་ན་འཛད་སྤྱོད་བྱས་རྗེས་ངེས་པར་དུ་འཛད་སྤྱོད་བདེན་དཔང་ལེན་དགོས།  འཛད་སྤྱོད་བདེན་དཔང་ལ་ནང་གསེས་སུ་རིགས་བཞི་ཡོད་དེ།  འཕྲོད་འཛིན།  ཞིག་གསོ་བྱང་བུ།  ཚད་མཐུན་ལག་ཁྱེར་དང་ཐོན་རྫས་གསལ་བཤད་ཡི་གེ་བཅས་ཡིན།  གཞན་འཛད་སྤྱོད་པས་གོང་གསལ་གྱི་བདེན་དཔང་འདི་དག་ས་དེ་ག་ནས་བླངས་ཏེ་ཉར་ཚགས་བྱ་དགོས།   
འཕྲོད་འཛིན་ཞེས་པ་ནི་བཅའ་ཁྲིམས་ཀྱིས་གཏན་ཁེལ་ལྟར་འཛད་སྤྱོད་པར་སྤྲད་པའི་དངུལ་སྤྲད་པའི་ཁ་གྲངས་གསལ་བོར་བྲིས་ཡོད་པའི་དཔང་ཡིག་ཅིག་ལ་ཟེར།  འཕྲོད་འཛིན་གྱི་རྣམ་པ་དང་ནང་དོན་ངེས་པར་ནུས་ལྡན་ཡིན་དགོས།
    འཕྲོད་འཛིན་ནི་སྲིད་འཛིན།  ཁྲིམས་འཛིན་ལས་ཁུངས་དང་འཛད་སྤྱོད་པའི་མཐུན་ཚོགས་ཀྱིས་བདག་སྤྲོད་ཞུ་གཏུག་གི་གལ་ཆེའི་ཆ་རྐྱེན་ཡིན།  འཕྲོད་འཛིན་གྱི་ནང་དོན་ལ་དབྱེ་ན་ཚོང་གཉེར་བ་དང་ཚོང་མགྲོན་གྱི་དངོས་མིང་།  ཚོང་རྫས་ཉོས་པའི་ཉིན་དེ་གའི་དུས་ཚོད།  ཚོང་རྫས་ཚད་གཞི།  ཁ་གྲངས།  རིན་གོང་།  ཚོང་གཉེར་བའི་གཞུང་ཐེལ།  ཕྱིར་འཚོང་ལས་ཁུངས་ཀྱི་ལག་འགྲིམ་མཁན་གྱི་མིང་རྟགས་སམ་ཡང་ན་གཞུང་ཐེལ་བཅས་སོ།  གལ་ཏེ་ཚོང་བདག་གིས་མཁོ་སྤྲོད་བྱས་པའི་དངུལ་འཛིན་ཚད་ལྡན་མིན་པའམ་གཞུང་ཐེལ་བརྒྱབ་མེད་ཚེ་མ་བླངས་ན་ཆོག
     ཞིག་གསོ་བྱང་བུ་ཞེས་པ་ནི་འཛད་སྤྱོད་པས་ཐོན་རྫས་ཞིག་གསོ་བྱེད་པར་སྟབས་བདེ་བཟོས་པའི་འཛིན་ཡིག་དེ་ལ་ཟེར།  ཆག་སྐྱོན་ཤོར་དཀའ་བའི་ཚོང་རྫས་ཡོད་ཚད་ལ་བྱང་བུ་དེ་ཡོད་ལ།  ཐོན་རྫས་ལ་གནད་དོན་བྱུང་མ་ཐག་འཛད་སྤྱོད་པ་བཟོ་གྲྭའི་དམིགས་བཙུགས་མཉམ་འབྲེལ་སྲུང་སྐྱོང་ལས་ཁུངས་སུ་སོང་སྟེ་ཞིག་གསོ་བྱེད་དུ་འཇོག་དགོས་ཤིང་།  ཞིག་གསོ་ལས་ཁུངས་ཀྱིས་ཞིག་གསོ་བྱང་བུའི་སྟེང་ཡང་དག་གི་ཞིག་གསོ་དུས་ཚོད།  ཞིག་གསོ་ལས་གཞི།  ཞིག་གསོ་བྱེད་མཁན་གྱི་མིང་བཅས་འགོད་དགོས་པ་དང་།  འདི་ནི་མིག་སྔར་འཛད་སྤྱོད་པ་མི་ཉུང་བ་ཞིག་གི་ཁེ་ཕན་ལ་གནོད་འཚེ་ཐེབས་དུས་ལུགས་མཐུན་སྐྱིན་ཚབ་ཤོར་བྱེད་ཀྱི་མགོ་འཐོམས་སའི་གནད་ཅིག་རེད།
     ཚད་ལྡན་ལག་ཁྱེར་ཞེས་པ་ནི་ཚོང་རྫས་གང་ཞིག་གི་རྒྱུ་སྤུས་ཇུས་འགོད་དང་བཟོ་སྐྲུན་བྱས་པ་ཚད་ལྡན་ཡིན་མིན་ཞིབ་དཔྱད་བརྒྱུད་མཐར་བདེན་དཔང་བྱས་པའི་དཔང་ཡིག་དེ་ལ་ཟེར།  ཚད་ལྡན་ལག་ཁྱེར་ནི་ཚོང་རྫས་རྒྱུ་སྤུས་ཚད་འཇལ་བྱེད་ཀྱི་གལ་ཆེའི་དཔང་ཡིག་དེ་ཡིན།  ཆག་སྐྱོན་ཤོར་དཀའ་བའི་ཚོང་རྫས་གང་ཞིག་ཡིན་རུང་ཚང་མར་དཔང་ཡིག་དེ་ཡོད།  ལྷག་པར་དུ་ཁྱིམ་སྤྱོད་ཐོན་རྫས།  འཕྲུལ་རྟ།  རྩིས་འཁོར་སོགས་དངོས་པོ་ཆེ་རིགས་ཀྱི་ཚད་ལྡན་ལག་ཁྱེར་ནི་དངོས་པོ་ཁག་ཐེག་དང་བཀོལ་སྤྱོད་བདེ་འཇགས་ལ་ཧ་ཅང་གལ་ཆེའོ། འཛད་སྤྱོད་པས་དངོས་པོ་འདི་རིགས་ཉོ་སྐབས་རང་འགུལ་སྒོས་རྩད་གཅོད་དང་ཚད་ལྡན་ལག་ཁྱེར་ཉར་ཚགས་བྱ་དགོས།
བཀོལ་སྤྱོད་གསལ་བཤད་ཡི་གེ་ཞེས་པ་ནི་ཞིབ་ཕྲ་སྒོས་བཀོལ་སྤྱོད་ཐབས་ལམ་གསལ་བཤད་དང་དོ་སྣང་བྱ་དགོས་སའི་ཚད་ལྡན་རང་བཞིན་གྱི་རྒྱུ་ཆ་དེ་ལ་ཟེར།  གློག་ཆས་དང་འཕྲུལ་ཆས་ཀྱི་རིགས་ལ་ཚད་ལྡན་རང་བཞིན་གྱི་རྒྱུ་ཆ་དེ་ཡོད་པ་ཡིན། །
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།