༄༅།། བོད་རང་ལྗོངས་ཀྱིས“བཅའ་ཁྲིམས་ཁེ་ལས་སུ་ཁྱབ་གདལ་གཏོང་བའི”བྱེད་སྒོ་སྤེལ་བ། - ས་གནས་ཀྱི་ཁྲིམས་སྲོལ། - མདོ་ལྷོ་དྲ་བ།-甘南香巴拉在线
  中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > བཅའ་ཁྲིམས་ཁྲིམས་སྲོལ། > ས་གནས་ཀྱི་ཁྲིམས་སྲོལ། >
༄༅།། བོད་རང་ལྗོངས་ཀྱིས“བཅའ་ཁྲིམས་ཁེ་ལས་སུ་ཁྱབ་གདལ་གཏོང་བའི”བྱེད་སྒོ་སྤེལ་བ།
དུས་ཚོད།2022-03-28 15:14:41     རྩོམ་གྱི་ཡོང་ཁུངས། ཀྲུང་གོ་བོད་ཀྱི་དྲ་བའི་འཕྲིན།    ཆུང་། | འབྲིང་། | ཆེ།
   “ངས་གཞི་རིམ་ལ་དཀའ་གནད་སེལ་རོགས་བྱེད”པའི་བྱེད་སྒོར་སྐུལ་འདེད་ཏན་ཏིག་གཏོང་བ་དང་། “འགྱངས་ཆད་གཉིས”བཅོས་སྒྲིག་སྐོར་གྱི་བཅའ་ཁྲིམས་ཁྱབ་གདལ་དང་དྲིལ་བསྒྲགས་བྱེད་ཤུགས་ཆེ་རུ་གཏོང་བ། དམངས་གཉེར་ཁེ་ལས་ཀྱི་གཉེར་སྐྱོང་མི་སྣས་ཁྲིམས་ལྟར་ལས་སྒྲུབ་དང་ཁྲིམས་སྲུང་གཉེར་སྐྱོང་ལ་སློབ་གསོ་ཁྲིད་སྟོན་བྱས་ནས་ཁྲིམས་སྐྱོང་ཅན་གྱི་ཚོང་གཉེར་ཁོར་ཡུག་ཡག་པོ་གཏོད་པ་བཅས་བྱེད་ཆེད། ཉེ་དུས་བོད་རང་སྐྱོང་ལྗོངས་བཅའ་ཁྲིམས་ཁྱབ་གདལ་གཞུང་ལས་ཁང་དང་བོང་རང་སྐྱོང་ལྗོངས་བཟོ་ཚོང་མཉམ་འབྲེལ་ལྷན་ཚོགས། བོད་རང་སྐྱོང་ལྗོངས་ཁྲིམས་འཛིན་ཐིང་ཁྲིམས་རྩོད་པའི་ལས་དོན་ཁྲུའུ། སྤྱི་པའི་བཅའ་ཁྲིམས་ཞབས་ཞུ་དོ་དམ་ཁྲུའུ་བཅས་ཀྱིས་མཉམ་དུ“བཅའ་ཁྲིམས་ཁེ་ལས་སུ་ཁྱབ་གདལ་གཏོང་བའི”བྱེད་སྒོ་སྤེལ་བ་རེད། བོད་ལྗོངས་ཡོངས་ཀྱི་དམངས་གཉེར་ཁེ་ལས་30ལྷག་ཙམ་གྱི་གཉེར་སྐྱོང་དོ་དམ་མི་སྣ་བྱེད་སྒོར་ཞུགས་ཡོད་པ་རེད།
   བྱེད་སྒོ་དེ་ཁྲིམས་སྐྱོང་གི་བརྙན་ཐུང་ལྟ་བ་དང་ཆེད་དོན་སློབ་ཁྲིད་ཉན་པ། ས་གནས་ས་ཐོག་ཏུ་སྐད་ཆ་འདྲི་བ་བཅས་ལ་བརྟེན་ནས་སྤེལ་བ་རེད། འཆད་ཁྲིད་ལ་བོད་ལྗོངས་ཙང་ཤིན་གཞུང་དཔང་ཁྲུའི་གཞུང་དཔང་བ་ཅང་ཡུན་དང་བོད་ལྗོངས་ཇོ་མོ་གླང་མ་ཁྲིམས་རྩོད་པའི་ལས་གཉེར་ཁང་གི་ཁྲིམས་རྩོད་པ་འཆི་མེད་གདན་དྲངས། གཞུང་དཔང་བ་ཅང་ཡུན་གྱིས་ཁེ་ལས་ཀྱི་གཞུང་དཔང་སྒྲུབ་གཉེར་གྱི་བརྒྱུད་རིམ་དང་མཁོ་འདོན་བྱེད་དགོས་པའི་དཔང་རྟགས་ཀྱི་དཔྱད་གཞིའི་ཡིག་ཆ། དེ་བཞིན་དོ་སྣང་བྱེད་དགོས་པའི་དོན་ཚན་བཅས་ཀྱི་ཐད་ནས་གོ་བདེ་རྟོགས་སླའི་ངང་འགྲེལ་བཤད་བརྒྱབ་པ་དང་། ཁྲིམས་རྩོད་པ་འཆི་མེད་ཀྱིས་རང་ཉིད་ཀྱི་གྱོད་སྒྲུབ་ཉམས་མྱོང་དང་ཟུང་འབྲེལ་དང་དཔེ་མཚོན་གྱོད་དཔེ་དྲངས་ཏེ་བཅའ་ཁྲིམས་ཀྱི་འགྲེལ་བཤད་དང་གནས་ལུགས་གསལ་བཤད་ཀྱི་ཐབས་ལམ་ལ་བརྟེན་ནས། ཁེ་ལས་ཀྱིས་ངལ་རྩོལ་ལས་མི་སྤྱོད་སྐབས་ཀྱི་འབྲེལ་ཡོད་དཀའ་གནད་དང་རྒྱུན་དུ་འཕྲད་པའི་བཅའ་ཁྲིམས་ཀྱི་གནད་དོན་ལ་འགྲེལ་བཤད་ཡག་པོ་བརྒྱབ་པ་རེད།
   བྱེད་སྒོའི་ཕན་འབྲས་ཆེ་རུ་གཏོང་ཆེད། བོད་རང་སྐྱོང་ལྗོངས་བཅའ་ཁྲིམས་ཁྱབ་གདལ་གཞུང་ལས་ཁང་གིས་ས་གནས་ས་ཐོག་ཏུ་བཅའ་ཁྲིམས་ཁྱབ་གདལ་གྱི་ནང་དོན་འཁོད་པའི་ཚ་དམ་དང་། ཨ་ཅོར། ལྟོ་ཕད་སོགས་བཅའ་ཁྲིམས་ཁྱབ་གདལ་གྱི་མཁོ་ཆས་དང་དེ་བཞིན《དམངས་དོན་ཁྲིམས་གཞུང》སོགས་བཅའ་ཁྲིམས་ཁྱབ་གདལ་གྱི་དཔེ་དེབ་སྤྲད་པ་རེད། དེ་དང་ཆབས་ཅིག་དམངས་གཉེར་ཁེ་ལས་ཀྱི་ལས་སྒྲུབ་མི་སྣར་གནད་སྨིན་དང་། ནུས་ཆེ། སྟབས་བདེ་བཅས་ཀྱི་རིན་མེད་བཅའ་ཁྲིམས་ཞབས་འདེགས་ཐོབ་ཆེད། བོད་ལྗོངས་བཅའ་ཁྲིམས་ཁྱབ་གདལ་གཞུང་ལས་ཁང་གིས“བོད་ཀྱི་རིག་ལྡན་བཅའ་ཁྲིམས་ཁྱབ་གདལ་ལས་སྟེགས་བེད་སྤྱོད་ཕྱོགས་སྟོན”སྤྲད་པ་རེད། གློག་འཕྲིན་དྲ་རྒྱའི་ཁ་བསླུས་སྔོན་འགོག་དང་ཉུང་དུ་གཏོང་ཆེད། བོད་ལྗོངས་ཁྲིམས་ལུགས་ཁྱབ་གདལ་གཞུང་ལས་ཁང་གིས《གློག་འཕྲིན་དྲ་རྒྱའི་ཁ་བསླུས་ལ་དོགས་ཟོན་བྱེད་རྒྱུའི་གསལ་བརྡའི་ཡི་གེ》སྤྲད་ནས། ཁེ་ལས་ཀྱི་གཉེར་སྐྱོང་མི་སྣར་མགོ་སྐོར་བསླུ་བྲིད་འགོག་པའི་ཐབས་ཤེས་བསླབས་ཏེ་ཁེ་ལས་ཀྱི་གཉེར་སྐྱོང་མི་སྣ་དང་ལྷག་པར་དུ་ནོར་དོན་མི་སྣའི་མགོ་སྐོར་བསླུ་བྲིད་འགོག་པའི་འདུ་ཤེས་དང་མགོ་སྐོར་བསླུ་བྲིད་ཚོར་བའི་ནུས་པ་ཆེ་རུ་བཏང་བ་རེད།
   བྱེད་སྒོ་སྤེལ་རིང་། ཁེ་ལས་ཀྱི་གཉེར་སྐྱོང་མི་སྣ་དང་། གཞུང་དཔང་བ། ཁྲིམས་རྩོད་པ་བཅས་སྤེལ་རེས་གཏིང་ཟབ་བྱས་པ་དང་། ཁོ་ཚོས་དོགས་གཞིར་གཅིག་གཏད་གཅིག་གིས་འགྲེལ་བཤད་རྒྱག་པ་དང་། ངོ་ཐུག་གདོང་འཕྲད་ཀྱིས་སེམས་ཁྲལ་དང་དཀའ་གནད་བསལ་ནས་ཁེ་ལས་ཀྱི་གཉེར་སྐྱོང་མི་སྣར་བྱ་བ་དངོས་སྒྲུབ་པ་དང་དཀའ་གནད་སེལ་རོགས་བྱས་པ་རེད། བྱེད་སྒོ་མཇུག་འགྲིལ་རྗེས། ཚང་མས་གཅིག་རྗེས་གཉིས་མཐུད་ངང་བྱེད་སྒོ་དེ་རིགས་སྤེལ་ན་ཧ་ཅང་ཡག་པོ་འདུག བཅའ་ཁྲིམས་ཀྱི་འདུ་ཤེས་ཟབ་ཏུ་ཕྱིན་པ་མ་ཟད། ཁེ་ལས་ཀྱི་གཞུང་དཔང་སྒྲུབ་གཉེར་དང་ལས་མི་བཀོལ་སྤྱོད་ཀྱི་བརྒྱུད་རིམ་དུ་ཐོན་སླ་བ་དང་ཐོན་མང་བའི་གནད་དོན་དང་ཉེན་ཁར་ཕྱོགས་ཡོངས་ནས་ཤེས་རྟོགས་ཐུབ་བྱུང་ལ། གནད་དོན་འགོག་ཟོན་དང་སེལ་ཐབས་བྱེད་པའི་གཞི་རྩའི་བྱེད་ཐབས་དང་ཐབས་ཤེས་རྟོགས་བྱུང་བས། ཁྲིམས་ལྟར་གཉེར་སྐྱོང་དོ་དམ་ལ་སྐུལ་འདེད་གཏོང་བ་དང་འཆམ་མཐུན་ཁྲིམས་སྐྱོང་གི་དམངས་གཉེར་ཁེ་ལས་འཛུགས་པར་རྨང་གཞི་བརྟན་པོ་ཞིག་བཏིངས་པ་རེད་ཅེས་བཤད།
རྩོམ་སྒྲིག་པ། སངས་རྒྱས་འཚོ།
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།