སྐར་འོད། མཚོ་སྔོན
རྩོམ་སྒྲིག་པ། དངོས་སྦྱོང་སློབ་མ་ཚེ་རིང་འཚོ།
སྨག་ནག་འཐིབ་པའི་མཚན་མོ་ལྷིང་འཇགས་ཡིན་པས།།
སྙིང་ཆུང་དམར་པོའི་འཕར་སྒྲ་སེམས་ཀྱིས་ཚོར་བྱུང་།།
རྣ་བ་གཏད་དེ་དེ་ལ་དལ་གྱིས་ཉན་ན།།
སྨན་ཤར་དྲན་པའི་སེམས་འདི་འདུག་ཁོམ་མ་ཡོད།།
དགའ་བ་གཞས་ལ་བཀུག་སྟེ་སིང་སེ་བླངས་ཡོད།།
དུངས་པ་སྨྱུག་རྩེར་བཅོལ་ཏེ་གསལ་ལེར་བྲིས་ཡོད།།
ཕྱིང་དཀར་གྲུ་བཞི་འདྲ་བའི་ཤོག་དཀར་ངོས་སུ།།
ཁྱེད་དང་ང་ཡི་བརྩེ་བའི་གཏམ་རྒྱུད་བྲིས་ཡོད།།
ལྷད་མེད་སེམས་པ་འོ་ཞོ་མངར་མོ་འདྲ་བོ།།
འགྱུར་མེད་བརྩེ་བ་བྱུ་རུ་དམར་ཆུང་འདྲ་བོ།།
ལོ་ངོ་སྟོང་ཕྲག་འགོར་ཀྱང་མིག་ལ་འཁོར་ཡོད།།
མྱི་ཁ་ག་ཙམ་འཁོར་ཡང་སེམས་སུ་རུམ་ཡོད།།
རི་བོ་མཐོན་པོས་སྨུག་པའི་ལྭ་བ་གྱོན་དུས།།
ང་ཡི་དྲན་པ་རི་རྩེའི་སྨུག་ལ་འདྲེས་སོང་།།
རླུང་བུ་འཇམ་པོའི་ལག་པས་ཤར་ལ་དྲུད་སོང་།།
སྤྲང་ཆར་བསིལ་མོའི་རྐང་པས་ལྷོ་རུ་དེད་སོང་།།
སེམས་དང་སེམས་པར་འདྲེས་བའི་ལོ་ཟླ་སྒོམ་ཚེ།།
ཁྲ་ཆུང་མིག་གི་མཆི་མ་ཤག་སེ་འཐོར་འགྲོ།།
མེ་ཏོག་འདྲ་བའི་དགའ་མ་དྲན་པས་ལོས་ཡིན།།
མར་ལོ་ལྟ་བུའི་འདང་བརྩེ་ཟབ་པས་ལོས་ཡིན།། |
