ཀན་སུའུ་མི་རིགས་དགེ་འོས་སློབ་གླིང་གི་སློབ་མ་ལྷ་མོ་སྒྲོན།
རྩོམ་སྒྲིག་པ། དངོས་སྦྱོང་སློབ་མ་ཚེ་རིང་འཚོ།
དུས་ཀྱི་སྒྱུ་མའི་ལམ་འཕྲེང་འབའ་འབུར་ན།།
འོད་ཀྱི་ཚ་སྲེག་མེད་པའི་གྲིབ་བསིལ་ཞིག།
མིག་གི་ངལ་དུབ་དོར་བའི་དཀར་འོད་བསྒྲིབས།།
ལུས་ཀྱི་ཁྲག་རྒྱུན་འགྲོས་ཚད་དལ་ལ་ལྷོད།།
སྲོད་ཀྱི་བཞིན་མདངས་མ་མའི་བརྩེ་འཛུམ་ཞིག།
སྲོད་ཀྱི་ཨམ་ཕྲག་ངལ་གསོའི་མཆི་མས་གང་།།
སྲོད་ཀྱི་ཚིག་ཕྲེང་ཕ་ལོའི་འདུན་མ་ཡིན།།
སྲོད་ཀྱི་སྒྲུང་ཐུང་མ་ལོའི་ལོ་ཟླ་ཡིན།།
སྲོད་ཀྱི་མཚམས་སྤྲིན་མ་འོངས་ལུང་བསྟན་ཡིན།།
སྲོད་ཀྱི་རེ་སྒུག་ཨ་ཇོའི་རླུང་འཕྲིན་ཡིན།།
སྲོད་ཀྱི་ལས་དབང་དར་སྐུད་ཉག་མ་ཡིན།།
སྲོད་ཀྱི་དུས་ཆད་མཛའ་མོའི་རྨི་ལམ་ཡིན།།
སྲོད་ཀྱི་དགོད་སྒྲ་བྱིས་སྒྲུང་དབུ་ཁྱུད་ཡིན།།
སྲོད་ཀྱི་ངག་བཟློས་རྨོ་བོའི་སྐྱབས་འཇུག་ཡིན།།
སྲོད་ཀྱི་གསོལ་འདེབས་མི་ཚེའི་སྨོན་ལམ་ཡིན།།
སྲོད་ཀྱི་མར་མེ་འབྱུང་བའི་འོད་ཞགས་ཡིན།། |
