中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > རྩོམ་རིག > སྙན་ངག >
༄༅།། ལམ་འཕྲད།
དུས་ཚོད།2019-03-06 17:35:03     རྩོམ་གྱི་ཡོང་ཁུངས། ཀན་ལྷོའི་གསར་འགྱུར། རྩོམ་པ་པོ། འཇུ་སྐལ་བཟང་།    ཆུང་། | འབྲིང་། | ཆེ།
མི་ཚོགས་བཞུར་བའི་ཁྲོད་ནས་མགོ་བོ་བཏེགས་ཐེངས་ཤིག་ན།
བརྩེ་དུངས་ལ་ཉིས་ཤད་ཐོབ་ཅིང་རིང་དུ་ཕྱིན་པའི་
མིག་ཟུང་གཉིས།
སླར་ཡང་ཐོལ་གྱིས་ཕྲད་པས།
དྲན་ཡུལ་གྱི་ཡིག་ཚོགས་དབྱིངས་སུ་ཡལ།
གདམ་ངས་མ་ཟིན་པའི་ཐ་སྙད་མང་བོ་ཞིག
དབུགས་ཀྱི་གོང་བུར་བཏུམས་ནས།
མགྲིན་ཁོག་ཏུ་ཡང་ཡང་འདྲིལ་ཏེ་སོང་།

མིག་འདྲིས་སུ་སོང་བའི་ལག་སོར་དེས།
ཉི་གདུགས་ཀྱི་ཡུ་བ་དང་སྙིང་རྩ་མཉམ་གཅིག་ཏུ།
ཡང་སྡོམ་ལན་གཅིག་བྱས་པས།
ཟུངས་ཁྲག་གི་རླབས་རྒྱུན་ཡང་མོ་ཞིག་འཁྱོམ་པ་ཚོར།
དཔུང་བ་དང་ཕྲག་མགོ་འཕྲད་ལ་ཉེ་བའི་བར་ནས།
སེམས་མི་ཤེས་པའི་བསིལ་རླུང་ཞིག
འཚང་ཁ་རྒྱག་བཞིན་ཐོན་སོང་།

ཕྱི་མིག་གི་བརྗོད་བྱ་སུས་ཀྱང་རྟོགས་དཀའ་བས།
རྡོག་མགོ་གང་དུ་འཁོར་བའི་ཕྱོགས་དེར་མི་འགྲོ་
ཐབས་མེད་བྱུང་།

མགོ་བོ་སྨད་ནས་གློ་བུར་གྱི་བྱུང་བ་དེ།
ཡང་ཡང་ཚགས་སུ་བསྒྲིགས་ཀྱང་།
གོ་རིམ་དུ་སྡེབས་མ་བྱུང་། 
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།