中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > རྩོམ་རིག > སྙན་ངག >
༄༅།། སྡོང་ལོ་སེར་པོ།
དུས་ཚོད།2019-04-09 14:09:42     རྩོམ་གྱི་ཡོང་ཁུངས། ཀན་ལྷོའི་གསར་འགྱུར། གངས་ཆབ་སྔོན་མོ། [མཚོ་སྔོན]    ཆུང་། | འབྲིང་། | ཆེ།
    སྟོན་མཇུག་གི་རླུང་བུ་འུར་འུར་དུ་ལྡང་བྱུང
ཤར་ནས་ནུབ་ཏུ་རི་གྲོང་ཞིག་དྲུད་ནས་ལྡང་འོང
བྱང་ནས་ལྷོ་རུ་གད་སྙིགས་ཤིག་སྤུངས་ཏེ་ལྡང་འོང
སྟེང་ནས་འོག་ཏུ་ལྗིད་ཚད་ཅིག་བཏེགས་ནས་ལྡང་འོང

སྡོང་ལོ་སེར་པོ     མིག་ཀོང་དུ་གཅིག་ལྷུང་གཉིས་ལྷུང
ཤག་ཤག་ཏུ་ལྷུང་བའི་སྡོང་ལོ་སེར་པོས
ཅི་ཡིན་འདི་ཡིན་མེད་པར   བློང་བློང་པོར
ཆོམ་རྐུན་གྱི་སྒྲ་ཞིག་བཏེགས་ནས་ལྷུང་ཡོང
དུངས་སེམས་ཀྱི་བར་ཐག་ཅིག་དྲུད་ནས་ལྷུང་ཡོང
ལྟར་སྣང་གི་ཁ་དོག་ཅིག་བསྒོས་ནས་ལྷུང་ཡོང

སྡོང་ལོ་སེར་པོ      སྐྲ་འདབས་ཀྱི་གཙང་བོ་དེ་རེད
སྡོང་ལོ་སེར་པོ       གཙང་བོའི་གཞུང་གི་མགྲོན་པོ་དེ་རེད

སྐྱེས་རབས་ཤིག་གི་ཉམས་ང་ཕྲ་མོ
ལོ་མ་གཅིག་གི་ཁ་དོག་ཡིན་ནམ
ཡང་ན      མི་ཚེ་ཞིག་གི་མགོ་རྔ་བར་གསུམ
ལོ་མ་ཞིག་སར་ལྷུང་བའི་གོ་རིམ་དང་འདྲའམ

ང་ཡི་ཕོ་བྲང་སྔོན་མོའི་རྡོ་གཅལ་ལེབ་མོ
སྡོང་ལོ་སེར་པོས་ཡང་ཡང་བསྒུལ་དུས
ང་ཁོ་ནས    ཕ་གིའི་དར་ལྕོག་དེར་ཅེར་ནས
སེར་ཐག་ཆོད་པའི་ལོ་མ་རེ་རེའི་ངོས་སུ
ཁ་དོག་དཀར་པོ་ཅན་གྱི་རི་བོ་ཞིག་འབྲི་དགོས་ལ
གཡུ་ཡི་མེ་ལོང་ལྟ་བུའི་མཚོ་མོ་ཞིག་འབྲི་དགོས

སེར་ཐག་མ་ཆོད་པའི་ལོ་མ་རེ་རེའི་ངོས་སུ
སྐམ་རིད་དུ་གྱུར་བའི་ཡུལ་མི་ཚོའི་ངོ་གདོང་འབྲི་དགོས་ཤིང
གང་ལ་གང་འཚམ་གྱི་སྒོ་ནས
ཁོ་ཚོའི་གོ་ཁ་གོར་མོར་བུ་ཡིས་བཀང་ཞིང
སྒོ་རའི་ཕྱི་ནང་བར་གསུམ་ལ
ཕྱྭ་གཡང་གིས་ཁྱབ་པའི་སྨོན་འདུན་ཞིག
ལོ་མ་རེ་རེའི་ངོས་སུ་བྲིས་ཏེ    དུད་ཁྱིམ་རེ་རེར་དགྲམ་དགོས།

Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།