ཞོགས་པའི་སྐྱ་རེངས་ཀྱི་རླབས་རིས་བར་ནས༎
ན་ཚོད་རིམ་འགྱུར་གྱི་འགྲོས་དང་བསྟུན་ནས༎
ཐོབ་ཤོར་ཟུང་མང་གི་མི་ཚེ་འདི་ལ༎
ཕྱི་མིག་སྟོང་ཕྲག་གི་ལམ་དུ་འཁོར་བའི༎
དྲན་པ་ཁྲི་འབུམ་གྱི་གསེང་ན་སྦས་པའི༎
མཛེས་སྡུག་ཡིད་འོང་གི་གཏམ་རྒྱུད་ཡག་པོར༎
ཚིག་གི་ཁབ་སྐུད་ཅིག་རྒྱུན་ན་འདོད་བྱུང་༎
ལོ་ཟླ་ཆུ་མོ་བཞིན་བཞུར་བའི་ཤུལ་ནས༎
དྲན་པ་ཆབ་རོམ་ལྟར་འཁྱག་པའི་ཤུལ་ནས༎
འདས་པའི་ལོ་ཟླ་ལ་བློ་སེམས་འཁྲེང་ན༎
བེའུ་བརྒྱ་སྤང་ཐང་ནས་འཚོ་བའི་དུས་སུ༎
སྟོང་ལུག་རི་སྒང་ནས་འདེད་པའི་སྐབས་སུ༎
སེམས་པ་གཅིག་མཐུན་གྱི་སྨིན་ལགས་འུ་གཉིས༎
ན་མཉམ་ལོ་ཉུང་ཚོ་འཁྲེང་བའི་ཡུལ་ཡིན༎
སེམས་པའི་ཁ་ཐག་དེ་ཉེ་རབས་བཤད་ན༎
མི་ཡུལ་ཁྲ་ཁྲ་དེའི་བཞི་མདོ་བར་ནས།།
དགའ་རབས་དྲན་རབས་ཀྱི་ཐ་སྙད་དགུ་མཁར༎
བརྩེ་ཚུལ་དུངས་ཚུལ་གྱི་འཕྲིན་ཡིག་ཆིག་བརྒྱ༎
ཁྱོད་ཀྱི་སྐེ་ཁུག་གི་བྱུར་དམར་ལྟར་དུ༎
དུས་རབས་རིམ་འགྱུར་གྱི་འགྱུར་ལྡོག་བྱུང་ཡང་༎
གདོད་མའི་གནའ་རྫས་ལྟར་སེམས་པ་འཁྲེང་ངོ་༎ |
