中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > རྩོམ་རིག > བསྒྱུར་རྩོམ། >
༄༅།། ས་བོན་གྱི་དད་མོས།
དུས་ཚོད།2019-02-15 11:14:44     རྩོམ་གྱི་ཡོང་ཁུངས། ཀན་ལྷོའི་གསར་འགྱུར། ཡུས་ཀྲེ་ཅོན་གྱིས་བརྩམས། རྡོ་རྗེ་སྒྲོལ་མས་བསྒྱུར།    ཆུང་། | འབྲིང་། | ཆེ།
    སྟོང་ཆེན་པོའི་འཇིག་རྟེན་ཁམས་ཀྱི་ས་སྒང་ཧྲིལ་བོ་དེ་ནི་གལ་ཏེ་ས་བོན་ཞིག་གི་མྱུ་གུ་འབུས་ནས་བསྐྱེད་པ་ཡིན་ན། ས་བོན་དེའི་ཆེ་ཆུང་ལ་ག་ཚོད་ཅིག་ཡོད་སྲིད་དམ།
    འདྲི་གཞི་འདི་འདོན་མཁན་ནི་ཧེང་ལི་ཏའེ་ཝེ་སུའོ་ལུའོ་ཡིན་ལ། ཁོང་གིས་ལན་དུ “དེ་ནི་ཚངས་ཐིག་ལ་དབྱིན་ལེ་གཉིས་དང་ཕྱེད་ཀ་(ཕལ་ཆེར་སྨི་བཞི་སྟོང་།)མི་ཐོན་པའི་ཟླུམ་གཟུགས་ཤིག་སྟེ། ཁང་ཁོ་ཏི་གྲོང་རྡལ་ལ་བཞག་ནའང་བཅུ་ཆའི་གཅིག་ལས་ཟིན་ཐབས་མེད།” ཅེས་གསུངས།
    གྲོང་རྡལ་དང་སྨི་བཞི་སྟོང་གི་མཚམས་ན་མཚེའུ་ཞིག་ཡོད་དེ། དེ་ལ་ཝར་ཏུན་མཚེའུ་ཟེར། ༡༨༤༥ལོའི་ཟླ༣པའི་ཟླ་མཇུག་གི་ཉིན་ཞིག་ལ། སུའོ་ལུའོ་ཡིས་གྲོགས་པོ་ལ་སྟ་རེ་ཞིག་གཡར་ཏེ་གྲོང་རྡལ་དང་ཁ་བྲལ་སོང་། ཡིན་ཡང་ལོ་ངོ་གཉིས་ཀྱི་རྗེས་སུ། མི་རྣམས་ཀྱིས་ཁོ་རང་གྲོང་རྡལ་དུ་ཕྱིར་ཐོན་ཡོད་པ་མཐོང་། ཕལ་ཆེར་སུའོ་ལུའོ་ལ་མཚོན་ནས་བཤད་ན། དེང་རབས་པས་བླ་ལྷག་ཏུ་དད་པའི“འགྲོ་འདོད་བློ་ཁ་རྡོག་པས་མནན”ཞེས་པ་དེར་སྔར་མུས་བཞིན་ཚུལ་འཆོས་ཀྱི་རྣམ་པ་འགའ་ལྡན་ཏེ། སོང་ན་སོང་བ་དེ་ལ་བཤད་རྒྱུ་མ་མང་། ལོག་ན་ལོག་པ་དེ་ལ་གླེང་རྒྱུ་མི་མང་བ་དེའོ།། ཝང་ཙི་ཡིའུ་གལ་སྲིད་སུའོ་ལུའོ་ལ་ངོ་འདྲིས་པར་གྱུར་ན་ཁོང་གཉིས་ཀྱི་ཞེ་སེམས་གཅིག་ལ་འདྲིལ་ཏེ“དགའ་བ་སྒོམ་སྟེ་ཡོང་བ་ལ།། སྡུག་པར་ཐུག་ནས་ཕྱིར་ལམ་བཅད།། འདི་ལྟར་དགའ་སྡུག་བརྗེས་པ་ལ།། ཏེ་ཁེར་འཕྲད་ཀྱང་དོན་ཅི་ཞིག།”ཅེས་འདོད་པ་ཐག་ཆོད་རེད།
    རྗེས་རབས་པསཝར་ཏུན་མཚེའུཞེས་པའི་དཔེ་དེབ་དེ་བརྒྱུད་ནས་ད་གཟོད་སུའོ་ལུའོ་ཡིས་སེམས་ཤུགས་ག་ཚོད་ཅིག་བཏོན་པ་གསལ་རྟོགས་བྱུང་སོང་། ཁོ་ན་རེ། “ང་རང་ནགས་ཚལ་དུ་ཐོན་པ་ནི་ངས་ལྷིང་ཞིང་ལྷོད་འཇགས་དང་བློ་རྩ་བརྟན་པའི་འཚོ་བ་ཞིག་རེ་ཞིང་སྙེག་པས་ཡིན།” ཝར་ཏུན་མཚེའུ་ལ་ཁ་གྱེས་པའི་སུའོ་ལུའོ་ཡིས་རང་བྱུང་ཁམས་ལ་ཞིབ་འཇུག་བྱེད་པའི་མགོ་བརྩམས་པ་སྟེ། ཁོས་ནགས་བྱི་ཡིས་ཚུལ་ཇི་ལྟར་སྒྲོན་ཤིང་ལ་རོགས་བྱས་ཏེ་ས་བོན་བསྐྱེད་པ་ཡིན་པར་བརྟག་ཅིང་འདབ་ཆགས་ཀྱི་རིགས་རྣམས་ལྕགས་ཐང་འབྲུ་གུ་ལ་ཤིན་ཏུ་དགའ་མོས་ཡོད་པ་རྟོགས་སོང་། ཁོས་ལྕང་སྡོང་གིས་ཚུལ་ཇི་ལྟར་ས་རུ་ཟགས་ཏེ་ས་བོན་བསྐྱེད་བཞིན་པར་བརྟག་དཔྱད་བྱས། དེའི་རྗེས་ཀྱི་ལོ་ངོ་བཅུའི་ནང་ཁོས་ཤོག་གྲངས་སྟོང་དགུ་ལས་བརྒལ་བའི་ཟིན་ཐོ་བྲིས་ཏེ། སྙན་ངག་པ་གང་དེ་རྟེན་རྫས་རིག་པ་བ་རུ་གྱུར་ཞིང་། རི་ཁྲོད་པ་གང་དེ་ལྡུམ་ར་པ་རུ་གྱུར།
    ཟིན་ཐོ་འདི་དག་ཀྱང་ས་བོན་དང་འདྲ་བར་ཡུན་རིང་བོ་ཞིག་ལ་གྲགས་མེད་དུ་ལུས། དཔེ་མིང་ལ་《ས་བོན་གྱི་དད་མོས》ཞེས་པ་དེ་ཁོང་སྐུ་མྱ་ངན་ལས་འདས་ཏེ་ལོ་ངོ་བརྒྱ་དང་སུམ་བཅུའི་རྗེས་ནས་པར་དུ་བསྐྲུན་པ་རེད། ཁོས་འདི་ལྟར་བྲིས་ཡོད་དེ། “ས་བོན་ཡང་མེད་པར/རྩི་ཤིང་འབུས་བྲ་བར/ང་ཡིས་ཡིད་གཏོལ་ཐབས་ལར་ནས་མེད/ངའི་སེམས་ཁོངས་སུ་ས་བོན་གྱི་དད་མོས་མངའ་བས/ཁྱེད་ལ་ས་བོན་རྡོག་ཅིག་ལྡན་ཏེ/མཛངས་པའི་ལས་ཤིག་བསྐྱེད་པར་རེ་བས་སྒུག་ཡོད།”སུའོ་ལུའོ་ནི་ས་བོན་ཞིག་སྟེ། ཁོས་མི་རེ་རེའི་སེམས་ཁོངས་སུ་ས་བོན་ཞིག་འདེབས་འདོད་སྐྱེས་ཡོད།
    ས་བོན་ལས་སྐྱེ་སྟོབས་ཀྱི་དཔལ་སྦྲུམ་པར་སྲིད། ཉམས་ཞན་འཁོས་ཆུང་གིས་ལྷུན་ཆགས་སུ་གནས་ན་རླབས་ཆེ་ཞེས་པའི་བླ་མེད་མཆོག་གྱུར་གྱི་ཚད་འཛིན་ཅིག་ཡོད།
    ས་བོན་ཞིག་ཡལ་བར་འགྱུར་དུས། ཚེ་སྲོག་གི་ལྗང་སྨྱུག་གསར་བ་ཞིག་འབུས་ལ་ཉེའོ།། 
                                                                                                                                                                      (མཚོ་སྔོན་མི་རིགས་སློབ་ཆེན)
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།