中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > དམངས་སྲོལ། > དུས་སྟོན། >
༄༅།། གྱ་སྟོན།
དུས་ཚོད།2015-11-11 10:06:43     རྩོམ་གྱི་ཡོང་ཁུངས།མདོ་ལྷོ་དྲ་བ།    ཆུང་། | འབྲིང་། | ཆེ།
         རྩོམ་སྒྲིག་པ།དངོས་སྦྱོང་སློབ་མ་བཀྲ་ཤིས་འཚོ།
     རྒན་པོའམ་རྒན་མོའི་གྱ་སྟོན་དེ་ས་ཁུལ་མང་ཆེ་བས་རྒྱ་ལོའི་ཚེས་པ་གསུམ་དང་བཅུ་བཅུ་གསུམ་ལ་བྱེད་པ་ཡིན།དེ་ནི་རྒན་པོའམ་རྒན་མོ་དེ་ཚེ་ལོ་རིང་བོར་སོན་ནས་ཆུང་དར་གཞོན་གསུམ་ལ་ལོ་གཡང་སྟེར་བའི་བཀྲ་ཤིས་པའི་ཉིན་མོ་ཡིན།རྒན་པོའམ་རྒན་མོ་ལོ་བདུན་བཅུ་ཟད་ནས་བརྒྱད་ཅུ་ཐམ་པ་ལ་སླེབས་ཚེ་བརྒྱད་ཅུའི་གྱ་སྟོན་བྱེད་པ་ཡིན།གྱ་སྟོན་ནི་མི་ཚེའི་ཕྲེང་རིམ་ལས་ཆེས་གལ་ཆེ་བའི་སྟོན་མོ་ཞིག་ཡིན་ལ་ཚེ་ལོ་མཐར་ཕྱིན་པའི་དན་རྟགས་ཤིག་ཀྱང་ཡིན།སྤྱིར་བོད་མི་ཞིག་ཡིན་ན་ཐོག་མར་བཙས་སྟོན།བར་དུ་མནོལ་སྟོན།ཐ་མར་གཉེན་སྟོན།མཐའ་མའི་མཐའ་མར་གྱ་སྟོན་བཅས་གོ་རིམ་བཞི་བརྒྱུད་དགོས་པ་ཀུན་གྱིས་གླེང།གྱ་སྟོན་གྱི་རྒན་པོས་སྔ་མོ་ནས་སྐྲ་དང་ཁ་སྤུ་བཞར།ལྭ་གསར་པ་དང་ཚི་ལེན་དཀར་པོ་གྱོན།སྐ་རགས་སྔོན་པོ་བཅིངས།དབུ་ལ་ཕྱིང་ཞྭ་དང་རྐང་ལ་ལྷམ་ཆེན་ཤར་མའི་ཡུ་བ།ལྷམ་སྒྲོག་དམར་པོས་མཐའ་བྱས་པ་གྱོན་ཏེ་སྲིད་པ་རྒན་པོའམ་རྒན་མོ་ཞེས་པ་འདི་མིན་ན་གང་ཡིན་སྙམ་པའི་བློ་དབང་མེད་དུ་སྐྱེས་འོང་།དེ་ནས་མགྲོན་པོ་སླེབས་ཚེ་རྒན་པོའམ་རྒན་མོ་གང་དེའི་ཚེ་ལོ་མཐར་ཕྱིན་པའི་རྟེན་འབྲེལ་དུ་ལོ་སྟེར་བ་ཡིན་ཞེས་ཀ་ར་དང་སིལ་ཏོག་སོགས་ལེགས་སྐྱེས་སུ་སྟེར་སྲོལ་ཡོད།ཆུང་དར་གཞོན་གསུམ་ཀུན་གྱིས་བཀྲ་ཤིས་པའི་བསྟོད་པའི་ལྟ་བ་བྱེད་ཅིང་།སྐོར་བ་བྱས་ཏེ་ཕྱག་འཚལ།གྱ་སྟོན་གྱི་ལོ་ལོན་དེས་ཐ་མར་ལོ་གཡང་ཀྱི་ཁ་གཡང་འབོད་པ་སྟེ།ཡ།བྱིས་པ་ཚོ་འདབ་ལག་རྒྱས་པའི་བཀྲ་ཤིས་ཤོག གཞོན་པ་རྣམས་ཚེ་ཐག་རིང་བའི་བཀྲ་ཤིས་ཤོག བཀྲ་ཤིས་ཀུན་གྱི་བཀྲ་ཤིས་ཤོག་ཅེས་ཁ་གཡང་སྒྲོག་པ་དང་ཆབས་གཅིག་གླུ་དང་གར་གྱིས་ཅི་དགར་རོལ།
                                                                                                    
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།