༄༅།།མགོ་ལོག་གེ་སར་རིག་གནས་ཡུལ་སྐོར་དུས་ཆེན། - དུས་སྟོན། - མདོ་ལྷོ་དྲ་བ།-甘南香巴拉在线
  中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > དམངས་སྲོལ། > དུས་སྟོན། >
༄༅།།མགོ་ལོག་གེ་སར་རིག་གནས་ཡུལ་སྐོར་དུས་ཆེན།
དུས་ཚོད།2018-12-14 11:29:03     རྩོམ་གྱི་ཡོང་ཁུངས། གླིང་གེ་སར་རིག་གནས་དྲྭ་ཚིགས།    ཆུང་། | འབྲིང་། | ཆེ།
     དེ་རིང་སྟེ་རབ་གནས་མེ་བྱ་ལོའི་ཆུ་སྟོད་ཟླ་བའི་དམར་ཕྱོགས་དགའ་བ་དང་པོ། འཛམ་གླིང་སྤྱི་རྩིས་༢༠༡༧ལོའི་ཟླ་༨པའི་ཚེས་༡༣ཉིན། མདོ་ཁམས་གླིང་གི་ཕ་ས་མགོ་ལོག་རྟ་བོར་ཐང་གེ་སར་རིག་གནས་ལུས་རྩལ་ར་བ་རུ་མགོ་ལོག་ཁུལ་རིག་གནས་ལས་ཁུངས་སོགས་ཀྱི་སྣེ་ཁྲིད་འོག་རྫོང་ཁག་སོ་སོའི་རིག་རྩལ་འཁྲབ་སྟོན་པ་ཡོངས་ཀྱི་ཐུགས་ཁུར་ཆེར་བཞེས་དང་། དཀའ་སྤྱད་འབད་བརྩོན་བརྒྱུད་༼ཀྲུང་གོ་མགོ་ལོག་བོད་རིགས་རང་སྐྱོང་ཁུལ་རྨ་ཡུལ་གེ་སར་རིག་གནས་ཡུལ་སྐོར་དུས་ཆེན་ཐེངས་དྲུག་པ་༽ཞེས་པ་གཟབ་རྒྱས་ངང་འཚོགས། དེར་མདོ་དབུས་ཁམས་གསུམ་སྟེ་ཞིང་ལྗོངས་ལྔའི་འཐུས་ཚབ་དབུ་ཁྲིད་དང་། གེ་སར་རིག་གནས་ཆེད་མཁས་པ། རང་ས་གནས་གཙོས་སྐད་གྲགས་ཆོད་པའི་གཞས་པ་གཞས་མ་སོགས་དང་།
ཕྱོགས་སོ་སོའི་ལྟད་མོ་པ་ཁྲི་འབུམ་དུ་མས་དཔའ་བོ་གླིང་གི་དགའ་སྟོན་འདི་ལ་ཀི་ཀི་བསྭོ་བསྭོའི་ཁ་གཡང་གི་དགོད་སྒྲ་དང་བཅས་དགྱེས་སྟོན་ལ་རོལ་པ་དང་། ཁྱད་པར་དུ་ཐེངས་འདིའི་འཁྲབ་སྟོན་ཡུལ་ངོས་སུ་གླིང་གེ་སར་རིག་གནས་བརྗོད་གཞི་བྱས་པའི་མི་རིགས་སྲོལ་རྒྱུན་རིག་གནས་དང་ཡུལ་སྲོལ་གོམས་གཤིས། རི་ཆུའི་མཛེས་པ་སོགས་ཀྱི་དགེ་མཚན་འཛོམས་པ་མཚོན་པར་རྨ་རྒྱལ་གངས་ཀྱི་ལྷུན་པོའི་ཉེ་འདབས་སུ་དྭངས་གཙང་གི་ཆུ་བོ་དང་། ཡིད་འོང་གི་མེ་ཏོག །རང་བྱུང་གི་སྨན་སྣ། རི་དྭགས་དང་གཡུང་དག་སོགས་བག་ཡངས་སུ་རྒྱུ་བ། དཀར་ནག་གི་ཕྱུགས་རིགས་འཛོམས་པ། རྟ་མཆོག་གི་བང་ཁ་འགྲན་པ། གྱད་པོ་ཆེས་སྟོབས་རྩལ་ངོམ་པ། བྱིས་པ་རྣམས་རྩེད་རྡོ་བསྒྲིག་པ། མ་སྲུ་རྣམས་གླུ་གར་བྱེད་པ། སྟག་ཤར་རྣམས་མདའ་རྩལ་འགྲན་པ་སོགས་མདོར་ན་མཁའ་ལ་འཕུལ་དགུ་དང་ས་ལ་འཛུལ་དགུ་ཐམས་ཅད་ཀྱང་འཚེ་མེད་ཞི་བའི་ངང་ལ་བག་ཕེབས་དང་གུ་ཡངས་ཀྱི་ངང་ན་གནས་ཤིང་རྣམ་ཀུན་བདེ་སྐྱིད་ཕུན་ཚོགས་ཀྱི་དཔལ་ལ་རྟག་ཏུ་སྤྱོད་ཀྱིན་པའི་རྣམ་པ་གཙོ་བར་སྟོན་པ་ཞིག་རེད་འདུག་གོ་ཞེས་ཡུལ་དངོས་དེ་ཉིད་མིག་གི་དགའ་སྟོན་དུ་ཐོབ་པའི་མགོ་ལོག་པ་གཞོན་ནུ་འཇིགས་མེད་རིག་པའི་གོ་ཆའམ་བ་རོད་བསྟན་རྒྱམ་གྱིས་རིངས་པར་བྲིས་ཏེ་མྱུར་མོར་སྤེལ་བ་དགེ ། 
དངོས་སྦྱོང་སློབ་མ་པདྨ་དོན་འགྲུབ།
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།