༄༅།། བྱང་ཆུབ་སྒྲོལ་མ། - རིག་གནས་མི་སྣ - མདོ་ལྷོ་དྲ་བ།-甘南香巴拉在线
  中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > མི་སྣ། > རིག་གནས་མི་སྣ >
༄༅།། བྱང་ཆུབ་སྒྲོལ་མ།
དུས་ཚོད།2019-05-17 11:54:52     རྩོམ་གྱི་ཡོང་ཁུངས།ཡོངས་འཛིན་ལས།    ཆུང་། | འབྲིང་། | ཆེ།
 བྱང་ཆུབ་སྒྲོལ་མ་ནི་བོད་ཀྱི་བུད་མེད་བྲིས་རིས་པ་མིང་དུ་གྲགས་པ་ཞིག་ཡིན་ཞིང་། མོ་ནི་ཀྲུང་གོའི་མཛེས་རྩལ་ཚོགས་པའི་ཚོགས་མི་དང་། སི་ཁྲོན་མཛེས་རྩལ་ཚོགས་པའི་ཚོགས་མི། ཨ་རིའི་རྒྱལ་སྤྱིའི་རིག་གནས་ཚན་རིག་ཚོགས་པའི་ཚོགས་མི། སི་ཁྲོན་ཞིང་ཆེན་སྲིད་གྲོས་ཀྱི་ཡིག་རིས་སློབ་གླིང་གི་ཡིག་རིས་པ། རྒྱལ་ཁབ་ཀྱི་རིམ་པ་དང་པོའི་མཛེས་རིས་པ་བཅས་ཡིན།
 
  ངོ་སྤྲོད།
 
  བྱང་ཆུབ་སྒྲོལ་མ་ནི་སྤྱི་ལོ1947 ལོའི་ཟླ་དང་བོར་སི་ཁྲོན་ཞིང་ཆེན་དཀར་མཛེས་ཁུལ་འབའ་ཐང་དུ་སྐྱེས་ཤིང་། སྤྱི་ལོ1965 ལོར་སི་ཁྲོན་མཛེས་རྩལ་སློབ་གླིང་མི་རིགས་འཛིན་གྲྭ་ནས་སློབ་མཐར་ཕྱིན། བྱང་ཆུབ་སྒྲོལ་མས་ལོ་མང་པོའི་རིང་ལ་བོད་ཀྱི་སྲོལ་རྒྱུན་རི་མོ་འབྲི་རྩལ་ལ་སློབ་སྦྱོང་དང་ཞིབ་འཇུག་བྱས་པ་དང་། བོད་རང་གི་ཁྱད་ཆོས་ལྡན་པའི་མཛེས་རིས་བརྩམས་ཆོས་མང་པོ་ཞིག་གསར་རྩོམ་བྱས། མོ་ནི་ཀྲུང་གོའི་མཛེས་རྩལ་ཚོགས་པའི་ཚོགས་མི་དང་། སི་ཁྲོན་མཛེས་རྩལ་ཚོགས་པའི་ཚོགས་མི། ཨ་རིའི་རྒྱལ་སྤྱིའི་རིག་གནས་ཚན་རིག་ཚོགས་པའི་ཚོགས་མི། སི་ཁྲོན་ཞིང་ཆེན་སྲིད་གྲོས་ཀྱི་ཡིག་རིས་སློབ་གླིང་གི་ཡིག་རིས་པ། རྒྱལ་ཁབ་ཀྱི་རིམ་པ་དང་པོའི་མཛེས་རིས་པ་བཅས་ཡིན།
 
   བྱ་བའི་གྲུབ་འབྲས།
 
  མོའི་བརྩམས་ཆོས་མང་པོ་ཡིས་རྒྱལ་ཡོངས་ཀྱི་མཛེས་རིས་འགྲེམ་སྟོན་ཐེངས་ལྔ་བ་དང་དྲུག་པ། བདུན་པ། རྒྱལ་ཡོངས་གྲངས་ཉུང་མི་རིགས་མཛེས་རིས་འགྲེམ་སྟོན་དང་སི་ཁྲོན་ཞིང་ཆེན་གྲངས་ཉུང་མི་རིགས་མཛེས་རིས་འགྲེམ་སྟོན་སོགས་སུ་ཞུགས་པར་མ་ཟད། བརྩམས་ཆོས་ལ་སྔ་ཕྱིར་ཐེངས་དགུ་པའི་རྒྱལ་ཡོངས་མཛེས་རིས་འགྲེམ་སྟོན་ལས་ཕུལ་བྱུང་བྱ་དགའ་དང་། ཞིང་ཆེན་རིམ་པའི་ཨང་རིམ་དང་པོའི་བྱ་དགའ་གཉིས། ཨང་རིམ་གཉིས་པའི་བྱ་དགའ་གསུམ། ཨང་རིམ་གསུམ་པའི་བྱ་དགའ་གསུམ། དངུལ་གྱི་རྟགས་མའི་བྱ་དགའ་སོགས་དགའ་རྟགས་མང་པོ་ཐོབ། སྔ་གཞུག་ཏུ་ཤང་ཀང་། ཨར་ཅི་རི་ཡ། འཇར་པན། སིང་ཀ་ཕོར་སོགས་རྒྱལ་ཁབ་ཕྱི་ནང་ཀུན་དུ་འགྲེམ་སྟོན་དུ་སོང་མྱོང་བའི་བོད་ཀྱི་བུད་མེད་མཛེས་རིས་པ་གྲགས་ཅན་ཞིག་ཡིན་ཞིང་སི་ཁྲོན་ཞིང་ཆེན་གྱི་ཀུན་སྤྱོད་དང་སྒྱུ་རྩལ་ཟུང་ལེགས་ཀྱི་གཟེངས་རྟགས་ཀྱང་ཐོབ་མྱོང་།
 
  སྤྱི་ལོ1994 ལོ་དང་སྤྱི་ལོ1999 ལོ་གཉིས་ལ་ཐེ་ཝན་དུ་མི་སྒེར་གྱིས་བོད་ཀྱི་མཛེས་རིས་གསར་བ་ཡི་འགྲེམ་སྟོན་ཞེས་པའི་མཛེས་རིས་འགྲེམ་སྟོན་སྤེལ། འབྲེལ་ཡོད་སྡེ་ཁག་གིས་ཀྲུང་གོའི་སྐམ་སའི་སྟེང་གི་མི་རིགས་རིག་གནས་འཕེལ་རྒྱས་ཀྱི་ཁུངས་སྐྱེལ་དཔེ་མཚོན་གྱི་སྒྱུ་རྩལ་མཛེས་ཆོས་རེད་ཅེས་པའི་བསྟོད་བསྔགས་ཐོབ། སྤྱི་ལོ2009 དང་སྤྱི་ལོ2010 ལོ་སོ་སོར་ཐའེ་ཀྲུང་། ཐའེ་པེ། ཐའེ་ནན་དུ་བྱང་ཆུབ་སྒྲོལ་མའི་མཛེས་རིས་འགྲེམ་སྟོན་ཞེས་པའི་སྐོར་སྐྱོད་འགྲེམ་སྟོན་སྤེལ། ཐའེ་ཝན་དང་སྐམ་ས་ཆེན་པོའི་བར་གྱི་དུང་བའི་བརྩེ་བ་མཚོན་ལ་རིག་གནས་བརྗེ་རེས་བྱེད་པའི་འབྲེལ་ཟམ་ཞིག་བཙུགས་ཡོད། །
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།