中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > སྤྱི་ཚོགས། >
༄༅།། ལོ་སྟོད་དུ་རང་བྱུང་གནོད་འཚེ་སྣ་ཚོགས་ལས་རྒྱལ་ཡོངས་ཀྱི་མི་ཐེངས་ཁྲི4557.6ལ་གནོད་འཚེ་ཕོག་པ་ཡོངས་བསྒྲགས་བྱས་པ།
དུས་ཚོད།2017-07-14 11:45:03     རྩོམ་གྱི་ཡོང་ཁུངས། མི་དམངས་དྲ་བའི་འཕྲིན།    ཆུང་། | འབྲིང་། | ཆེ།
  ཞིབ་བཤེར་གཏན་འཁེལ་བྱས་པ་བརྒྱུད། ལོ་སྟོད་དུ་རང་བྱུང་གནོད་འཚེ་སྣ་ཚོགས་ལས་རྒྱལ་ཡོངས་ཀྱི་མི་ཐེངས་ཁྲི4557.6ལ་གནོད་འཚེ་ཕོག་པ་དང་། མི204འཆི་བ། མི་83གར་སོང་ཆ་མེད་དུ་གྱུར་པ། མི་ཐེངས་ཁྲི102.2ཛ་དྲག་གི་གནས་སྤོ་བཀོད་སྒྲིག་བྱེད་དགོས་བྱུང་བ། མི་ཐེངས་ཁྲི་49.5ལ་ཛ་དྲག་གི་འཚོ་བའི་རོགས་སྐྱོབ་བྱེད་དགོས་བྱུང་བ། ཁང་པ་ཁྲི3.1བརྡིབས་པ། ཁང་པ་ཁྲི7.4ལ་གཏོར་སྐྱོན་ཚབས་ཆེན་ཕོག་པ། ཁང་པ་ཁྲི34.5ལ་སྤྱིར་བཏང་གི་གཏོར་སྐྱོན་ཕོག་པ། ཞིང་ལས་སྐྱེ་དངོས་སྟོང་སྤྱི་ཆིང་7091.9གནོད་འཚེ་ཕོག་པའི་ཁྲོད་སྟོང་སྤྱི་ཆིང་355.6ཡི་སྟོན་འབབ་རྩ་ཆད་ཕྱིན་པ། ཐད་ཀའི་དཔལ་འབྱོར་གྱོང་གུན་སྒོར་དུང་ཕྱུར518.9ཟིན་ཡོད། སྤྱི་ཡོངས་ནས་བལྟས་ཚེ་གནོད་འཚེའི་གནས་ཚུལ2009ལོ་ནས2016ལོའི་དུས་མཚུངས་ཀྱི་ཆ་སྙོམས་དང་བསྡུར་ན་ཅུང་ཚབས་ཆུང་བ་ཡོད་པ་རེད།
  ཉེ་ཆར། དམངས་སྲིད་པུའུ་དང་རྒྱལ་ཁབ་གནོད་འཚེ་ཉུང་གཏོང་ཨུ་ལྷན་གཞུང་ལས་ཁང་གིས་རྒྱལ་ཁབ་ས་ཆ་ཐོན་ཁུངས་པུའུ་དང་། ཆུ་བེད་པུའུ། ཞིང་ལས་པུའུ། འཕྲོད་བསྟེན་འཆར་བཙའ་ཨུ་ལྷན་སོགས་སྡེ་ཚན་དང་མཉམ་དུ2017ལོའི་ལོ་སྟོད་ཀྱི་རྒྱལ་ཡོངས་ཀྱི་རང་བྱུང་གནོད་འཚེའི་གནས་ཚུལ་ལ་གྲོས་བསྡུར་དབྱེ་ཞིབ་བྱས་པ་རེད། རྒྱལ་ཡོངས་ཀྱི་རང་བྱུང་གནོད་འཚེར་གཙོ་བོ་གཤམ་གསལ་གྱི་ཁྱད་ཆོས་མངོན་པ་སྟེ། གཅིག གནོད་འཚེ་ཕོག་པའི་ཁྱབ་ཁོངས་ཆེ་བ་དང་ས་ཆ་ཁག་གཅིག་ལ་གནོད་འཚེ་ཚབས་ཆེན་ཕོག་ཡོད་པ། གཉིས། ཞོད་དུས་གཙོ་བོར་ལྷོ་ཕྱོགས་སུ་ཆུ་ལོག་དང་ས་གཤིས་ཀྱི་གནོད་འཚེ་མཉམ་དུ་ཐོན་པ། གསུམ། བྱང་ཕྱོགས་ཀྱི་ཞིང་ཆེན་མང་པོ་ཞིག་ལ་རླུང་དང་སེར་བའི་གནོད་འཚེ་ཕོག་པ། བཞི། ཐན་པས་གཙོ་བོ་བྱང་ཕྱོགས་ཀྱི་ས་ཁུལ་ལ་ཤུགས་རྐྱེན་ཐེབས་པ། ལྔ། ས་ཡོམ་ཀྱི་གནོད་འཚེ་མངོན་གསལ་དོད་པོས་ཚབས་ཆུང་བ། དྲུག རྒྱ་མཚོའི་རླུང་འཚུབ་དང་། དྲོད་ཚད་དམའ་པོ། གངས་སྐྱོན་གྱི་ཤུགས་རྐྱེན་ཅུང་ཆུང་བ་བཅས་རེད།།
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།