中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > སྤྱི་ཚོགས། >
༄༅།། འཛམ་གླིང་གི་དཔའ་བོའི་ལོ་རྒྱུས་སྙན་ངག་རིང་ཤོསགླིང་སྒྲུང རྒྱ་ཡིག་ཏུ་བསྒྱུར་བའི་རྣམ་གྲངས་ལ་གྲུབ་འབྲས་ཆེན་པོ་ཐོབ་པ།
དུས་ཚོད།2019-03-13 10:15:29     རྩོམ་གྱི་ཡོང་ཁུངས།ཀན་ལྷོའི་གསར་འགྱུར།    ཆུང་། | འབྲིང་། | ཆེ།
  གསར་འགོད་པས་བོད་རང་སྐྱོང་ལྗོངས་སྤྱི་ཚོགས་ཚན་རིག་ཁང་དུ་ཁ་པར་གྱི་ལམ་ནས་ཤེས་གསལ་ལྟར། འཛམ་གླིང་གི་དཔའ་བོའི་ལོ་རྒྱུས་སྙན་ངག་རིང་ཤོས 《གླིང་སྒྲུང》རྒྱ་ཡིག་ཏུ་བསྒྱུར་བའི་རྣམ་གྲངས་ལ་གྲུབ་འབྲས་ཆེན་པོ་ཐོབ་ཡོད། 《རྟ་རྒྱུག་རྒྱལ་འཇོག》དང 《བྱང་བདུད་ཀླུ་བཙན》 《མི་ཉག་གསེར་རྫོང》 《ལྷོ་ཐན་སྲི་རྒྱལ་བོའི་བ་གཡང(སྟོད་ཆ)》 《བྱེ་རིའི་བྱུར་རྫོང(སྨད་ཆ)》བཅས་དཔེ་དེབ་ལྔ་ཉེ་ཆར་དཔེ་སྐྲུན་འགྲེམས་སྤེལ་བྱ་རྒྱུ་ཡིན། མིག་སྔར། 《གླིང་སྒྲུང》རྒྱ་ཡིག་ཏུ་བསྒྱུར་བའི་རྣམ་གྲངས་ཀྱིས་བསྒྱུར་དེབ 10པར་དུ་བསྐྲུན་ཡོད་པས། རྣམ་གྲངས་སྤྱིའི་གསུམ་ཆའི་གཅིག་ཟིན་ཡོད།
    《གླིང་སྒྲུང》རྒྱ་ཡིག་ཏུ་བསྒྱུར་བའི་རྣམ་གྲངས་ནི་བོད་རང་སྐྱོང་ལྗོངས་ཀྱི་རིག་གནས་ལས་གཞི་གལ་ཆེན་ཞིག་ཡིན་པ་དང་།  2014ལོར། སྤྱིའི་མ་དངུལ་སྒོར་ཁྲི 766བཏང་ནས། རྣམ་གྲངས་འདིས 《གེ་སར་གྱི་སྒྲུང་བ་བསམ་འགྲུབ་ཀྱི་སྒྲུང་དཔེ》 ཁག 45ཡི་དེབ 48 གཞིར་བཟུང་སྟེ། པེ་ཅིན་དང་མཚོ་སྔོན། བོད་ལྗོངས་སོགས་ཀྱི་རིགས་གཅིག་མཁས་པ་དང་མཁས་དབང 50ལྷག་རྩ་འཛུགས་བྱས་ཏེ་རྒྱ་ཡིག་ཏུ་བསྒྱུར། 2017ལོར། 《ལྷ་གླིང་གབ་ཙེ་དགུ་སྐོར》དང 《འདན་མའི་ནས་རྫོང》 《མོན་གླིང་གཡུལ་འབྱེད》སོགས་འདུ་བའི་ཡིག་སྒྱུར་དཔེ་དེབ་ཐོག་མ་ལྔ་ལེགས་གྲུབ་བྱུང་ནས་པར་སྐྲུན་བྱས།
    བོད་ལྗོངས་སྤྱི་ཚོགས་ཚན་རིག་ཁང་གི་མི་རིགས་ཞིབ་འཇུག་སུའོ་ཡི་སུའོ་ཀྲང་ཚེ་རིང་ཕུན་ཚོགས་ཀྱིས་བཤད་རྒྱུར། ཚེ་འདས་སྒྲུང་བ་བསམ་འགྲུབ་ཀྱི་གཞས་མ་གཏམ་ནས་ལེགས་སྒྲིག་པར་སྐྲུན་བྱས་པའི 《གེ་སར་གྱི་སྒྲུང་བ་བསམ་འགྲུབ་ཀྱི་སྒྲུང་དཔེ》ནི་མིག་སྔར་རྒྱལ་ནང་གི་ཆེས་འཐུས་སྒོ་ཚང་ཤོས་ཀྱི་སྒྲུང་གཏམ་ཡིན། བོད་ཀྱི་དཔེ་དེབ་རྒྱ་ཡིག་ཏུ་བསྒྱུར་བའི་ལས་དོན་ཆེ་གྲས་འདིས་ཀློག་པ་པོ་དེ་བས་མང་བོས 《གླིང་སྒྲུང》ལ་ཤེས་རྟོགས་དང་རྒྱུས་ལོན་བྱུང་ནས། མི་རིགས་རིག་གནས་གོང་སྤེལ་ལ་སྐུལ་འདེད་གཏོང་ཐུབ་ཅེས་བཤད།
    《གླིང་སྒྲུང》རྒྱ་ཡིག་ཏུ་བསྒྱུར་བའི་རྣམ་གྲངས་ལ་བསྡོམས་པས་བསྒྱུར་དེབ 30ཡོད། པར་དུ་བསྐྲུན་པའི་དེབ 10ཕུད། མིག་སྔར་དཔེ་དེབ 6གི་ཡིག་སྒྱུར་ལས་ཀ་ལེགས་གྲུབ་བྱུང་བ་མ་ཟད། རིགས་གཅིག་མཁས་པའི་ཨུ་ཡོན་ལྷན་ཁང་གིས་ཞིབ་བཤེར་ཐོབ་སྟེ། དཔེ་སྐྲུན་ཁང་དུ་སྤྲད་ནས་པར་སྐྲུན་བྱེད་བཞིན་པའི་སྒང་ཡིན། དེ་མིན་པའི་དཔེ་དེབ 14སྔར་བཞིན་ཡིག་སྒྱུར་དང་ཞུ་དག་བྱེད་བཞིན་ཡོད།
    《གླིང་སྒྲུང》ནི་གནའ་བོའི་བོད་ཀྱི་སྤྱི་ཚོགས་ལོ་རྒྱུས་མཚོན་པའི་རིག་གནས་ཀུན་བཏུས་ཀྱི་བརྩམས་ཆོས་ཤིག་ཡིན་པ་དང་། བོད་ཀྱི་གནའ་བོའི་ལྷ་སྒྲུང་དང་གཏམ་རྒྱུད། སྒྲུང་གཏམ། དམངས་གཞས། གཏམ་དཔེ་སོགས་དམངས་ཁྲོད་རྩོམ་རིག་གི་རྨང་གཞིའི་སྟེང་ནས་ཐོན་ཞིང་འཕེལ་རྒྱུས་བྱུང་བ་ཡིན་པས། གནའ་བོའི་བོད་ཀྱི་དམངས་ཁྲོད་རྩོམ་རིག་གི་གྲུབ་འབྲས་ཆེ་ཤོས་མཚོན་ཐུབ། 2019ལོར། 《གླིང་སྒྲུང》དེ་འཛམ་གླིང་གི་མངོན་མིན་རིག་གནས་ཀྱི་གྲས་སུ་བཅུག་པ་རེད།།     (གསར་འགོད་པ་རིན་དགས།)
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།