中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > སྤྱི་ཚོགས། >
༄༅།། གསོ་བ་རིག་པའི་བཅུད་ཀྱིས་ཕྱུག་པའི་ལྷ་རྗེ་ཡིས།། མི་ཡི་བདེ་ཐང་སེམས་སུ་བཅངས་ནས་སྨན་མཆོག་བསྩལ།།
དུས་ཚོད།2019-05-28 09:22:14     རྩོམ་གྱི་ཡོང་ཁུངས།ཀན་ལྷོའི་གསར་འགྱུར། གསར་འགོད་པ། ས་སྐྱོང་། གཅོད་པ་སྐྱབས།    ཆུང་། | འབྲིང་། | ཆེ།
---སྐབས་གཉིས་པའིཁ་གྱའི་བོད་སྨན། ནུབ་ཕྱོགས་སྙིང་རྗེསྤྱོད་བཟང་སྨན་བཅོས་བྱ་འགུལ་གྱིས་རིན་མི་ལེན་པར་སྨན་རྫས་གནང་བའི་རིན་ཐང་བསྡོམས་པས་སྒོར་ཁྲི 2200ལ་བསླེབས་པ།

    ཟླ 5བའི་ཚེས 24ཉིན་ནས་ཚེས 25ཉིན་བར། དུས་ཡུན་ཉིན་གཉིས་ཀྱི “ཁ་གྱ་བོད་སྨན་ནུབ་ཕྱོགས་དགེ་སྒྲུབ”སྐབས་གཉིས་པའི་འོས་འགན་སྨན་རྫས་འགྲེམ་གཏོང་བྱེད་པའི་བྱ་འགུལ་དེ་ཀན་ལྷོ་ཁུལ་བསང་ཆུ་རྫོང་ནས་བདེ་བླག་ངང་མཇུག་སྒྲིལ་བ་དང་གྲུབ་འབྲས་ཕུན་སུམ་ཚོགས་པ་ཐོབ་ཡོད།

\

    ཐེངས་འདིའི་འོས་འགན་སྨན་བཅོས་བྱེད་པའི་བྱ་འགུལ་གྱི་ནད་བརྟག་སྨན་པ་ནི་སི་ཁྲོན་རྔ་བ་ཁུལ་དང་ཀན་ལྷོ་ཁུལ་མཐོ་རིམ་གཞོན་པའི་གོ་མིང་ཡན་ཅན་གྱི་ཆེད་མཁས་པ་དྲུག་ཡིན་པ་དང་ཁོ་ཚོར་སྨན་བཅོས་ལག་རྩལ་བྱང་ཆུབ་ཡོད་པ་མ་ཟད་བོད་ལུགས་གསོ་རིག་གི་ཡོན་ཚད་དང་སྨན་བཅོས་ཀྱི་ཉམས་མྱོང་ཕུན་སུམ་ཚོགས་པ་ལྡན་པས། སི་ཁྲོན་དང་ཀན་སུའུ་སོགས་བོད་ཁུལ་དུ་བླ་ན་མེད་པའི་སྙན་གྲགས་ཁྱབ་ཡོད། བསྡོམས་རྩིས་རགས་ཙམ་བྱས་ན་སྐབས་འདིའི་འོས་འགན་སྨན་བཅོས་ལ་ལྷ་ས་དང་སི་ཁྲོན། ཡུན་ནན། ཀན་སུའུ། མཚོ་སྔོན་དང་ཀན་ལྷོའི་རྫོང་བདུན་དང་གྲོང་ཁྱེར་གཅིག་ནས་ཡོང་བའི་ནད་པ 3600ཡི་ལུས་ཕོངས་བརྟག་དཔྱད་དང་ལེན་དང་ནད་གཞི་ངོས་འཛིན། རིན་མེད་སྨན་སྤྲོད་དང་བདེ་ཐང་བློ་འདྲི་བྱེད་བཞིན་འདུག  རིགས་ཆེན་པོ་གསུམ་དང་རྒྱུན་མཐོང་གི་ནད་རིགས་བཅུ་གཅིག   ཕོག་སླའི་ནད།  དཀའ་གནད་ཆེ་བའི་ནད་གཞི་སོགས་ནད་རིགས་ལ་བརྟག་དཔྱད་བྱས་པ་དང་། དེའི་ཁྲོད་ནས་ནད་ལྗིད་མོ་ཕོག་ཡོད་པའི་ནད་པ 56ལ་རོགས་སྐྱོར་དང་སྨན་བཅོས་བྱས་ནས་རིན་ཐང་སྒོར་ཁྲི 2200ལྷག་གི་ཁ་གྱ་བོད་སྨན་རིགས་ཆེན་པོ 13དང་སྣ་ཁ 109སྦྱིན་གཏོང་གནང་ཡོད།
    འོས་འགན་སྨན་བཅོས་བྱེད་པའི་ཡུལ་དངོས་སུ་གསར་འགོད་པས་སྐབས་བསྟུན་འཐེན་བཤེར་བྱས་ནས་ནད་བརྟག་བཞིན་པའི་མང་ཚོགས་འགའ་ལ་བཅར་འདྲི་བྱས་པ་ན།  ཁོ་ཚོས་མགྲིན་གཅིག་ཏུ་ད་རེས་དགེ་སྒྲུབ་འོས་འགན་སྨན་བཅོས་བྱས་པ་འདིའི་རྒྱ་ཆེའི་ནད་པའི་སེམས་ལ་དྲོ་སྣང་སྦྱིན་ཡོད་ལ་དབུལ་ཕོངས་ཁྱིམ་ཚང་ལའང་འཕྲིན་བཟང་དང་སེམས་ཁུར་ཁྱེར་ནས་ཡོང་ཡོད་ཅེས་བཤད།  དགེ་སྒྲུབ་ནི་དངོས་པོའི་སྟེང་གི་རོགས་སྐྱོར་ཁོ་ན་ཙམ་མ་ཡིན་པར་དེ་ལས་ལྷག་པར་སེམས་གསོ་བྱེད་ཅིག་ཡིན།  རིན་མེད་བོད་སྨན་སྤྲོད་པ་ཙམ་མ་ཡིན་པར་འབྲོག་པ་དབུལ་བོ་ཚོའི་འཚོ་བའི་གཏིང་ཤུགས་དང་སྟོབས་ཤུགས་ལ་འབོད་སྐུལ་བྱས་ཡོད་ལ་ད་དུང་ཁོ་ཚོར་དབུལ་ཕོངས་ཐག་གཅོད་ལས་རྒྱལ་བར་སྐུལ་སློང་དང་འབྱོར་འབྲིང་འཛུགས་གྲུབ་བྱེད་པར་ཡིད་ཆེས་དང་བློ་སྟོབས་བསྐྲུན།

\ \

    ཐེངས་འདིའི་འོས་འགན་སྨན་བཅོས་བྱེད་པའི་བྱ་འགུལ་ཁྲོད་དུ་ཕལ་ཆེར་མི་གྲངས 580དབུལ་ཕོངས་ཁྱིམ་ཚང་ལ་གཏོགས་པ་དང་ཁོ་ཚོ་མང་ཆེ་བ་ནི་མཐོ་གྲངས་བརླན་གཤེར་གྱི་འབྲོག་ཁུལ་དང་འགྲིམ་འགྲུལ་སྟབས་བདེ་མིན་པའི་ཡུལ་མཐའ་འཁོབ་དང་རྩྭ་ཐང་དུ་གནས་སྡོད་བྱས་ཡོད་པས་ལོ་ལྟར་སྙིང་ཁམས་ཁྲག་རྩའི་ནད་དང་། གྲུམ་ནད། མཆིན་པའི་ཐུམ་འབུ། གློ་བའི་དབུགས་སྐྲངས་སོགས་ནི་བོད་ཁུལ་དུ་རྒྱུན་ལྡན་ཕོག་པ་དང་ཕོག་སླའི་ནད་རིགས་རེད།  དུས་ལྟར་སྨན་བཅོས་བྱེད་མ་ཐུབ་པའི་རྐྱེན་གྱིས་ཚབས་ཇེ་ཆེ་ནས་ཇེ་ཆེ་ཡིན་པ་དང་ཁྱིམ་ཚང་མང་བོ་ཞིག་ནད་ཀྱིས་དབུལ་ཕོངས་སུ་བསྒྱུར་བ་དང་དབུལ་བོ་བསྐྱར་ལོག་གི་གནས་ཚུལ་ཧ་ཅང་ཚབས་ཆེན་རེད།  བསང་ཆུ་རྫོང་དབུལ་ཐར་མཁྲེགས་གཏོར་དང་དབུལ་ཐར་གྱི་ཞྭ་མོ་ཕུད་པའི་འཕེལ་རིམ་ཁྲོད་ཀྱི་དཀའ་གནད་ཆེན་པོ་ཞིག་ཏུ་གྱུར་འདུག  འོས་འགན་སྨན་བཅོས་དང་སྨན་སྐྱེལ་བ་ནི་དུས་རིམ་ངེས་ཅན་ཞིག་ནས་དབུལ་ཕོངས་འགྱུར་ཚད་ཇེ་དམའ་རུ་གཏོང་བ་དང་ཀན་ལྷོའི་འབྲོག་ཁུལ་གྱི་དབུལ་ཐར་མཁྲེགས་གཏོར་དང་འབྱོར་འབྲིང་སྤྱི་ཚོགས་འཛུགས་སྐྲུན་ལ་ནུས་ཤུགས་གཏོང་ཐུབ་ཡོད་ལ་དབུལ་སྐྱོར་དང་དཔལ་འབྱོར།  སྤྱི་ཚོགས་སོགས་སྣ་མང་ནུས་པ་ལེགས་ཙམ་བྱུང་ཡོད།
    གསར་འགོད་པས་རྒྱུས་ལོན་བྱས་པ་ལྟར་ན།  2006ལོར། ཁ་གྱ་བོད་སྨན་གསར་སྤེལ་ཚད་ཡོད་ཀུང་སི་བཙུགས་པ་ནས 2007ལོའི་ཟླ12པར། ཁ་གྱ་བོད་སྨན་རྒྱལ་ཁབ GPP、 GMPདཔང་དངོས་བདེན་པ་ཡིན་པའི་ར་སྤྲོད་བརྒྱུད་པས་ཁ་གྱ་བོད་སྨན་ཐོན་སྐྱེད་ཐོན་ལས་ཅན་དང་མུ་འབྲེལ་ཅན། སྡེབ་འབོར་ཅན་གྱི་རྒྱུན་མཐུད་འཕེལ་རྒྱས་ཀྱི་ལམ་བུར་བགྲོད་པ་མཚོན། གནའ་བོའི་བོད་སྨན་ལ་སྐྱེས་སྟོབས་གསར་བ་དང་གསོན་ཤུགས་ཚད་མེད་རྒྱས་པར་བྱས་ཡོད།  མིག་སྔར་ཁ་གྱ་བོད་སྨན་གྱི་བོད་སྨན་སྣ་ཁ 104ལ་ཐོ་འགོད་ཚད་ལྡན་ཡིག་ཆའི་ཨང་རྟགས་ཐོབ་པ་དང་།  ཞིབ་འཇུག་གསར་སྤེལ་གྱི་གསང་བའི་སྨན་རིགས་ཆེན་པོ 8ཀྱི་སྣ་ཁ 163ཡོད་པ་དང་།  སྨན་བཅོས། སྨན་བཟོ།  ལུས་གསོ་བཅས་གཞི་གཅིག་ཏུ་གྱུར།  ཞབས་ཞུའི་མ་ལག་སྔར་བས་ཚན་རིག་དང་མཐུན་པའི་སྒོ་ནས་འཐུས་ཚང་དུ་བཏང་བ།  “ཁ་གྱ་བོད་སྨན”རང་བདག་ཤེས་བྱའི་ཐོན་དངོས་བདག་དབང་ལྡན་པའི་ཁྱད་ལྡན་སྤུས་རྟགས་ཅན་དང་བོད་སྨན་གྲགས་ཅན་དུ་གྱུར་ཡོད།

\ \

    ཁ་གྱ་སྨད་བོད་སྨན་ཁང་བཙུགས་པ་ནས་བཟུང་སྟེ་བྱམས་བརྩེའི་དགེ་རྩ་དང་གསུང་རབ་རྒྱུད་འཛིན།  བོད་སྨན་དར་སྤེལ། དུས་གཏན་དུ་རྒྱུན་འཁྱོངས་བྱ་རྒྱུ་རྩ་གནད་དུ་བཟུང་ལ།  བོད་སྨན་རྒྱུད་འཛིན་དང་བོད་ལུགས་གསོ་རིགས་དང་བོད་སྨན་གྱི་ཚན་རིག་ཞིབ་འཇུག་གསར་སྤེལ།  བོད་སྨན་ཐོན་སྐྱེད་དང་སྨན་རྫས་ལས་སྣོན། ལུས་ཁམས་བདེ་སྲུང་། ཟས་རིགས་དང་མཛེས་འཆོས་ཞིབ་འཇུག་གསར་སྤེལ་བཅས་རྒྱུན་འཁྱོངས་དང་།   བོད་ལུགས་གསོ་རིག་སྨན་བཅོས་དང་།  རིམས་ཐར་འཆར་གཞི།  བདེ་ཐང་སློབ་གསོ། དགེ་སྒྲུབ་འོས་འགན་སྨན་བཅོས་སོགས་ཀྱི་བྱེད་སྒོ་རབ་དང་རིམ་པ་སྤེལ་བས་ཀན་ལྷོ་བོད་ཁུལ་གྱི་ནད་པ་ཁྲི་ཕྲག་མང་བོའི་ན་ཚ་བསལ་བ་དང་།  བདེ་ཐང་གི་བོད་ཁམས།  ཞི་མཐུན་གྱི་ཀན་ལྷོ་འཛུགས་སྐྲུན་བྱེད་པར་བྱས་རྗེས་ཆེན་པོ་བཞག
    ཀན་ལྷོ་ཁུལ་གཙོས་གྲོང་ཁྱེར་ཁ་གྱ་སྨད་བོད་སྨན་ཁང་གི་འགོ་གཙོ་བསྟན་པ་རྒྱ་མཚོ་ཡིས་གསར་འགོད་པར་བཤད་རྒྱུར།  རྗེས་ཕྱོགས་ཁོ་ཚོས་སྔར་ལས་གོམ་གང་མདུན་སྤོས་ཀྱིས་ཁ་གྱ་བོད་སྨན་གྱི་ཚོང་རྟགས་དང་ཕན་ནུས་འདོན་སྤེལ་བྱས་ཏེ་སྨན་བཅོས་ཚོགས་པ་རིམ་བཞིན་འཐུས་སྒོ་ཚང་དུ་བཏང་ནས་བོད་ལུགས་གསོ་རིག་དང་བོད་སྨན་གྱི་ཕུལ་བྱུང་རིག་གནས་དར་སྤེལ་བཏང་སྟེ་བོད་སྨན་གྱི་ཁྱད་ལྡན་ཐོན་ལས་འཕེལ་རྒྱས་བཏང་ནས་སྔར་བཞིན་དགེ་སྒྲུབ་སྤྱི་ཕན་བྱ་གཞག་སྒྲུབ་པ་དང་སྟོབས་ཤུགས་ཡོད་དགུ་བཏོན་ནས་ཀན་ལྷོ་ཁུལ་གྱི་རྒྱ་ཆེའི་བོད་རིགས་འབྲོག་པའི་ནད་པར་གཅེས་སེམས་ཕུལ་ཏེ་བདེ་ཐང་གི་བོད་ཁམས་དང་ཞི་མཐུན་གྱི་ཀན་ལྷོར་འབྱོར་འབྲིང་འཕེལ་རིམ་ཐད་རང་ཉིད་ཀྱི་ལེགས་སྐྱེས་དང་སྟོབས་ཤུགས་འབུལ་ངེས་ཡིན།།

Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།