中文版 藏文版 手机APP 官方微信
མདུན་ཤོག གསར་འགྱུར། སྤྱི་ཚོགས། རིག་གནས། ལོ་རྒྱུས། ཆོས་ལུགས། ཡུལ་སྐོར་སྐྱེ་ཁམས། བཅའ་ཁྲིམས་ཁྲིམས་སྲོལ། ཚན་རྩལ་ཤེས་བྱ། རྩོམ་རིག མི་སྣ། དམངས་སྲོལ། པར་མཛོད།
 མདུན་ཤོག > སྤྱི་ཚོགས། >
༅༅།། འབྲུག་ཆུ་རྫོང་གིས་དབུལ་སྐྱོར་ཁྱབ་ཁོངས་ཀྱི་སྒྲིག་འགལ་གྱོད་གཞི 26དང་མི 21ཞིབ་བཤེར་ཐག་གཅོད་བྱས་པ།
དུས་ཚོད།2019-11-08 17:00:59     རྩོམ་གྱི་ཡོང་ཁུངས། ཀན་ལྷོའི་གསར་འགྱུར།     ཆུང་། | འབྲིང་། | ཆེ།
   (རང་རེའི་གསར་འགྱུར་གྱི་སྤེལ་འཕྲིན།) ད་ལོ་ནས་བཟུང་སྟེ། འབྲུག་ཆུ་རྫོང་སྒྲིག་ཨུ་ལྟ་ཞིབ་ཨུས་དབུལ་སྐྱོར་ཁྱབ་ཁོངས་ཀྱི་སྒྲིག་འགལ་བྱ་སྤྱོད་ལ་རྩད་ཞིབ་ནན་མོ་བྱས་ནས་དབུལ་ཐར་མཁྲེགས་གཏོར་གྱི་འཐས་ཇུས་ལ་རྒྱལ་ཁ་ལེན་པར་འགན་ལེན་བྱས། མིག་སྔའི་བར་དུ། རྫོང་ཡོངས་ཀྱི་དབུལ་སྐྱོར་ཁྱབ་ཁོངས་ཀྱི་སྒྲིག་འགལ་གྱོད་གཞི 26ཞིབ་བཤེར་ཐག་གཅོད་བྱས་པ་དང་། མི 21ལ་ཏང་ཁྲིམས་སྲིད་དོན་གྱི་ཆད་པ་བཅད། མི 76རྩ་འཛུགས་ཀྱིས་ཐག་གཅོད་བྱས་པ་དང་། གྱོད་གཞི 23དང་མི 34བརྡ་ཁྱབ་བཏང་ནས་དམར་འདོན་བྱས།
    རྫོང་སྒྲིག་ཨུ་ལྟ་ཞིབ་ཨུས་ཀྲུང་དབྱང་གི་དབུལ་ཐར་མཁྲེགས་གཏོར་གྱི་ཆེད་དོན་སྐོར་ཞིབ་ཀྱི་ཚུར་ལྡོག་བསམ་འཆར་དང་ཟུང་འབྲེལ་བྱས་ཏེ་དབུལ་སྐྱོར་ཁྱབ་ཁོངས་ཀྱི་མངོན་གསལ་དོད་པའི་གནད་དོན་ལ་མངོན་ཞིབ་ལྐོག་འདྲི་བྱེད་པ་དང་། ཁྱིམ་ཚང་དུ་བསྐྱོད་ནས་ཞིབ་བཤེར་བྱེད་པ་སོགས་ཀྱི་བྱ་ཐབས་སྤྱད་ནས་སྔ་རྗེས་སུ་ཡུལ་གཞན་དུ་གནས་སྤོ་དབུལ་སྐྱོར་དང་། ཉེན་ཡོད་ཁང་རྙིང་སྒྱུར་བཀོད། ཐོན་ལས་དབུལ་སྐྱོར། མ་དངུལ་བེད་སྤྱོད་དོ་དམ། སྡེ་སྡོད་རོགས་སྐྱོར་བྱ་བའི་རུ་ཁག་གི་འགན་འཁྲི་སྒྲུབ་ཚུལ་བཅས་ལ་ཆེད་དོན་ལྟ་སྐུལ་ཞིབ་བཤེར་ཐེངས 7བྱས་ནས་དབུལ་སྐྱོར་ཁྱབ་ཁོངས་ཀྱི་ལས་དོན་ཁག་དོན་འཁྱོལ་བྱས་ཡོད་མེད་ཁྱོན་ཡོངས་ནས་གྲལ་བཤེར་བྱས་ཤིང་། དབུལ་སྐྱོར་ཁྱབ་ཁོངས་དང་འབྲེལ་བའི་སྤྱོད་ཚུལ་དང་རུལ་སུངས་ཀྱི་གནད་དོན་གྱི་ཁུངས་སྣེ་ཞིབ་བཤེར་ནན་མོ་བྱས་པ་དང་། དབུལ་སྐྱོར་ཁྱབ་ཁོངས་ཀྱི་གནད་དོན་ཆེད་དོན་བཅོས་སྒྲིག་བྱ་བར་རྒྱུན་མཐུད་ངང་སྐུལ་འདེད་བཏང་བས་ཚུལ་མིན་སྤྱོད་ཚུལ་དང་རུལ་སུངས་ཀྱི་གནད་དོན་བཅོས་སྒྲིག་བྱེད་པའི་ཐད་དུས་རིམ་རང་བཞིན་གྱི་ཕན་འབྲས་ཐོན་ཡོད།
    དེ་དང་ཆབས་ཅིག་ཏུ་འབྲུག་ཆུ་རྫོང་སྒྲིག་ཨུ་ལྟ་ཞིབ་ཨུས་དབུལ་སྐྱོར་ཁྱབ་ཁོངས་ཀྱི་བྱ་བའི་སྤྱོད་ཚུལ་ཏན་ཏིག་མིན་པ་དང་། ཕྱི་ཚུལ་ཙམ་གྱི་རོགས་སྐྱོར་བྱ་བ་བསྒྲུབ་པ་སོགས་ཀྱི་གནད་དོན་ལ་དམ་པོར་དམིགས་ནས་ལྟ་སྐུལ་སྒྲིག་བསྟར་དང་འགན་འཁྲི་བདའ་འདེད་ལ་རྒྱུན་ཆད་མེད་པར་ཤུགས་བསྣན་ཏེ། དབུལ་སྐྱོར་ཁྱབ་ཁོངས་ཀྱི་ཕྱི་ཚུལ་རིང་ལུགས་དང་དཔོན་ཉམས་རིང་ལུགས་ཀྱི་གནད་དོན་ཁག་ཅིག་ཐག་གཅོད་ནན་མོ་བྱས། ད་ལོ་ནས་བཟུང་སྟེ། དབུལ་ཐར་མཁྲེགས་གཏོར་གྱི་བྱ་བའི་ཁྲོད་ཀྱི་འགན་འཁྲི་མི་འཁུར་བ་དང་བྱ་བ་མི་བསྒྲུབ་པའི་གནད་དོན་ལ་དམིགས་ནས་ཤང་དང་གྲོང་རྡལ 14དང་སྡེ་ཁག 5ལ་བརྡ་ཁྱབ་བཏང་ནས་སྐྱོན་བརྗོད་ནན་མོ་བྱས།།
Copyright2010-2020 ཀན་ལྷོ་གསར་འགྱུར་ཁང་། All rights reserved.
དྲ་སྦྲེལ་གསར་འགྱུར་ཆ་འཕྲིན་ཞབས་ཞུའི་ཆོག་མཆན་དཔང་ཡིག་སྒྲིག་ཨང་། ཀན་སུའུ་གསར་འགྱུར་གཞུང་སྒྲུབ 6201023
ICPཐོ་འགོད་སྙན་སེང་ཨང་རྟགས།ལུང་ICPཐོ་འགོད་སྙན་སེང་16001452 ལག་རྩལ་རམ་འདེགས། ཀན་སུའུ་པའོ་རན་ཚན་རྩལ།
དྲ་ཚིགས་འདིར་བཀོད་ཀྱི་ཀན་ལྷོ་གསར་འགྱུར་ལས་གཞན་པའི་གསར་འགྱུར་ཚང་མ་དྲ་ཚིགས་གཞན་ལས་བཏུས་པ་ཡིན་པས།ཆ་འཕྲིན་དག་དཔྱད་གཞིར་འཛིན་པ་ལས་གལ་ཏེ་ཁྱེད་ཉིད་ཀྱི་ཁེ་དབང་ལ་གནོད་འཚེ་བཏང་ཚེ་ང་ཚོར་འབྲེལ་གཏུག་ཞུ་རོགས།